Lutangu24mkw_wbt

1Balame talaka ti ya vwandaka mbote na meso ya Yave na kusakumuna Isayeli. Na yina, Balame kwendaka dyaka ve mutindu bambala ya ntete, na kwenda sosa kutala mambu. Kasi yandi balukaka mbala mosi na lweka ya yinsi ya kuyuma.2Yandi vumbulaka yintu mpe yandi talaka bantu ya Isayeli, yina salaka kivwandu ya bawu mutindu kele bifumba ya bawu. Mpeve ya Nzambi kwizaka bwidila Balame.3Balame zonzaka mambu yayi:Yayi ni mambu yina Balame mwana ya Bewole ke na kuzonza.Mambu ya muntu yina kele na disu yina ke talaka.4Mambu ya muntu yina ke kuwaka mambu ya Nzambi.Mambu ya muntu yina ke kuzwaka balumoni ya Nzambi-Mpungu.Mambu ya muntu yina ke kubwaka kizizi na ntoto.Mambu ya muntu yina meso ke fungukaka.
5Yakobi, bayinzo ya nge ya lele kele kitoko!Isayeli, bayinzo ya nge kele kitoko!6Yawu me tandama mutindu mizumba.Yawu me tandama mutindu bilanga yina kele pene-pene ya nzadi.Yawu me tandama mutindu bayinti ya alowese yina Yave me kukunda.Yawu me tandama mutindu bayinti ya sedele na bakumu ya maza.7Maza ya yandi ke na kumwangana na biteko ya yandi.Maza ya mingi ke na kumenisa bambuma yina yandi me kunda.Ntinu ya yandi kele muntu ya nene kulutila ntinu Angange.Kimfumu ya yandi me kuma kimfumu ya lulendo.8Nzambi basisaka bawu na Ngipiti.Nzambi kele samu na bawu mutindu mampoka ya mpakasa.Bawu ke mwangisaka bayinsi ya mitantu ya yandi.Bawu ke bukaka mikwa ya mitantu ya bawu. Bawu ke fulusaka mitantu ya bawu na madyonga.9Bawu kele mutindu bankosi ya kubetama.Bawu kele mutindu bankosi ya kulala.Bawu kele mutindu bankosi ya nkento ya kulala,nani ke vumbula bawu?Muntu yina ke sakumuna beno, bika ti ba kusakumuna yandi.Muntu yina ke siinga beno, bika ti ba kusiinga yandi.
10Balake dasukilaka Balame. Yandi lakisaka Balame musapi mpe yandi zonzaka na yandi mutindu yayi: «Mu me bokila nge awa samu na kusiinga mitantu ya munu, kasi nge, bambala tatu ya muvimba, nge me sakumuna bawu!11Ntangu yayi, katuka! Kwenda ya nge! Mu tubaka ti mu ke zitisa nge, kasi Yave me kakidila nge na kuzwa yawu!»

Balame bikulaka mambu ya mbote samu na Isayeli

12Balame vutulaka na Balake: «Mu zonzaka mbote-mbote na bantumwa yina nge fidisaka munu ti13ata ti Balake pesa munu wolo nyonso mpe palata nyonso ya yinzo ya yandi, mu lenda bika ve na kulanda bantumunu ya Yave. Mu lenda sala ve dyambu ya mbote to ya yimbi na luzolo ya munu mosi. Mu ke zonza kaka yina Yave ke zonza.14Mambu ve, ntangu yayi, mu ke vutuka na sika ya bantu ya munu. Kwiza mu zabisa nge yinki bantu yayi ke sala na bantu ya nge na bantangu yina ke kwiza.»15Balame zonzaka mambu yayi:«Yayi ni mambu yina mwana ya Bewole ke na kuzonza.Mambu ya muntu yina kele na disu yina ke talaka.16Mambu ya muntu yina ke kuwaka mambu ya Nzambi.Mambu ya muntu yina me zaba mambu yina Nzambi ya Kulutila Kuzangama me zaba.Mambu ya muntu yina ke kuzwaka balumoni ya Nzambi-Mpungu.Mambu ya muntu yina ke kubwaka kizizi na ntoto.Mambu ya muntu yina meso ke fungukaka.»
17«Mu ke na kutala yawu,kasi yawu kele dyambu ya ntangu yayi ve.Mu ke na kutala yawu mbote-mbote,kasi yawu kele ntete ntama.Mbwetete ke na kubasika na Yakobi.Mukawa ya kimfumu ke na kubasika na Isayeli.Yawu ke na kumwangisa bambuzu ya ba-Mowabe,yawu ke na kupasula bayintu ya bana nyonso ya Sete.18Yinsi ya Edome ba ke baka yawu.Seyile, yinsi ya mitantu ya bawu, ba ke baka yawu.Isayeli ke lakisa ngolo ya yandi.19Mfumu yina ke basika na Yakobi ke yala.Yandi ke zimbisa bayina nyonso ke bikana moyo na bambanza.»

Balame bikulaka kubwa ya mitantu ya Isayeli

20Balame talaka ba-Amaleke mpe yandi zonzaka mambu yayi:«Amaleke kele yinsi yina me lutila ngolo.Kasi nsukunu ya yawu ni kuzimbana ya mankululu.»
21Balame talaka ba-Keni mpe yandi zonzaka mambu yayi:«Beno ba-Keni, beno ke na kizunu na yinsi ya beno.Dizanza ya beno kele na zulu ya ditadi.22Kasi bayinzo ya beno ba-Keni ke kuya tiya,mpe ba-Asili ke nata beno na bunkole.»
23Balame zonzaka mambu yayi:«Kyadi, nani ke vwanda moyo ntangu Nzambi ke sala dyambu yayi?24Babwatu ya nene ya mubu ke katuka na Sipele.Bantu ke kwiza kwamisa ba-Asili, bawu ke kwamisa bantu ya Ebele.Bantu ya Ebele bawu mpe ke zimbana ya mankululu!»
25Na manima, Balame vutukaka ya yandi. Balake mpe kwendaka ya yandi.
expand_more
Search