Na Helu24haw_868
1A IKE iho la o Balaama, ua lealea o Iehova i ka hoomaikai aku i ka Iseraela, aole ia i hele hou aku e like mamua e imi i na kilokilo ana; aka, haliu ae la ia i kona maka ma ka waonahele.2Alawa ae la na maka o Balaama iluna, ike ae la i ka Iseraela e hoomoana ana ma ko lakou mau ohana; a kau mai la ka Uhane o ke Akua maluna ona.3Hapai ae la ia i kana olelonane, i aku la,O ka wanana a Balaama a ke keiki a Beora,O ka wanana a ke kanaka i hookaakaaia kona mau maka:4Ka wanana a ka mea i lohe i na olelo a ke Akua,A ka mea i ike i ka Mea mana ma ka hihio;E moe ana ilalo, a e kaakaa ana kona mau maka:5Nani ka maikai o na halelole ou, e Iakoba!O kou mau halelewa hoi, e Iseraela!6E like me na awawa ko lakou palahalaha ana,E like hoi me na mahinaai ma kapa muliwai,Me na laau aloe hoi a Iehova i kanu ai,A me na laau kedera ma kapa o na wai.7E kahe ana ka wai mailoko ae o kona mau bakeke,A ma na wai he nui kona hua kanu;E kiekie ae hoi kona alii maluna o Agaga,A e hookiekieia'e kona aupuni.8Na ke Akua ia i kai mai nei, mai Aigupita mai;Ia ia hoi ka ikaika me he reema la;E ai iho oia i na lahuikanaka i kona poe enemi,A e uhai ia i ko lakou mau iwi,E houia hoi lakou i kana mau pua.9Ua kukuli iho ia, ua moe iho me he lionakane la,A me ka lionawahine; nawai la ia e hoala'e?E pomaikai ka mea hoomaikai ia oe,A e poino ka mea hoino aku ia oe.10Ua hoaia ka inaina o Balaka ia Balaama, a pai pu na lima ona: i mai la o Balaka ia Balaama, Ua kii aku no wau ia oe no ka hoino aku i kuu poe enemi; aia hoi, eia ke kolu o kou hoomaikai wale ana aku.11Nolaila, e holo aku oe i kou wahi: i manao iho la au e hoohanohano loa aku ia oe; aka hoi, o Iehova ka i keakea mai ia oe i loaa ole ai ka hanohano.12Olelo mai la o Balaama ia Balaka, Aole anei au i olelo aku i ka poe elele au i hoouna at io'u la, i ka i ana aku,13Ina e haawi mai o Balaka i ko kala a me ke gula a piha kona hale, ina aole e hiki ia'u ke hoohala i ka olelo a Iehova, e hana i ka maikai, aole hoi i ka hewa ma kuu manao iho: o ka Iehova e olelo mai ai, oia ka'u e hai aku ai?14Ano hoi, ke hoi aku nei au i ko'u poe kanaka: ea, e hai e aku no au ia oe i ka mea a keia poe kanaka e hana mai ai i kou poe kanaka i na la mahope.15Hapai ae la ia i kana olelonane, i aku la,O ka wanana a Balaama ke keiki a Beora,Ka wanana a ke kanaka i hookaakaaia'e kona maka;16Ka wanana a ka mea i lohe i ka olelo a ke Akua,A ka mea ike i ka mea ikea o ka Mea kiekie,A ka mea nana i ka mea ikea o ka Mea mana loa,E moe iho ana, a e kaakaa ana kona mau maka:17E ike auanei au ia ia, aole hoi ano,E nana auanei au ia ia, aole hoi e kokoke:E puka mai auanei he Hoku mai o Iakoba mai,E ku mai ana no hoi he Kookoo mai o Iseraela mai;A e luku aku no ia i na kihi o Moaba,A e pepehi iho ia i na keiki hoohaunaele a pau.18E lilo o Edoma i wahi E noho ai,A e lilo o Seira i wahi e noho ai no kona poe enemi:A e hana ikaika no o ka Iseraela.19Na Iakoba e puka mai auanei ka mea e alii ana,A e luku iho oia i ke koena o ke kulanakanhale.20Nana aku la hoi oia i ka Ameleka, hai mai la ia i kana olelonane,i mai la,O Ameleka, ke pookela o na lahuikanaka,Aka o kona hope, e make mau loa no oia.21Nana aku la hoi ia i ka Keni, hapai ae la ia i kana olelonane, imai la,Ua paa kou wahi i noho ai,Ua kau aku oe i kou punana maluna o ka pohaku:22Aka, e laweia'ku ka Keni, ahea laE lawe pio aku o Asuria ia oe?23Hai aku la ia i kana olelonane, i aku la,Auwe! owai la uanei ke ola i ka wa e hana mai ai ke Akua ikeia?24Mai kauwahi mai o Kitima mai, na moku,A e hoopilikia lakou i ko Asuria,A e hoopilikia hoi i ka Hebera,A e luku loa ia'ku oia.25Ku ae la o Balaama, hele aku la ia, a hoi aku la i kona wahi; a hele aku la hoi o Balaka i kona aoao.