ባላማ ኮይሮ ሃሳያ
1ባላም ባላቃኮ፥ “ሀይሳን ታዉ ላፑን ያርሾ በሳታ ግምባ፤ ቃስ ላፑን ኮርማታነ ላፑን ማራዘታ ታዉ ጊግሳ” ያግስ።2ባላም ግዳይሳዳ ባላቅ ኦስ፤ ኤንቲ ናምአይ እስ እስ ያርሾ በሳን እስ ኮርማነ እስ ማራዘ ያርሽዶሶና።3ያትድ፥ ባላም ባላቃኮ፥ “ኔኒ ነ ያርሹዋ ማታን ደኣሻ፤ ታኒ ገደ ባና። ኦን ኤር ጎዳይ ታራ ጋሄታናዉ ዮና አገና፤ እ ታዉ ቆንጭስያባ ኡባ ታ ነዉ ኦዳና” ያግድ እስ ደረ ቦላ ከይስ።4ያን ፆሳይ ባላማራ ጋሄትን፥ ባላም፥ “ታኒ ላፑን ያርሾ በሳታ ጊግሳስ፤ እስ እስ ያርሾ በሳን እስ ኮርማነ እስ ማራዘ ያርሻስ” ያግስ።5ባላም ጋናባ ጎዳይ እያዉ ኦድድ፥ “ኔኒ ባላቃኮ ስማዳ እያዉ ሀ ኪታ ኦዳ” ያግስ።6ባላም ስምያ ዎደ ባላቅ ሞአበ ሀላቃታ ኡባራ ባ ያርሹዋ ማታን ኤቅስ።7ባላም ሀይሳዳ ያግድ ትንብተ ኦድስ፤“ሞአበ ካዎይ፥ ባላቅ፥ ዶሎሀ ባጋ ደረታፐ፥ሶረ ቢታፈ ታና ኤህስ፤‘ሃ ያ፤ ያይቆባ ታዉ ባዳ፤እስራኤለ አሳ ባዳ’ ያግስ።8ፆሲ ባድቦናይሳ ታ ዋታዳ ባዶ?ጎዳይ፥ ባድቦናይሳ ታ ዋታዳ ባዶ?9ታ ቃ ዛላ ሁጰን ኤቃዳ ኤንታ ፄላይስ፤ዙማ ቦላ ኤቃዳ ኤንታ በአይስ።ኤንቲ ባንታርካ ደእያ ደረ፤ኤንቲ ሀራ ካዎተታፐ ዱማ ግደይሳ ኤሮሶና።10ያይቆባ ባና ኦን ታይብ ኦንጋኔ?እስራኤለ ሳይሱዋ ኦን ታይብ ካንኔ?ፅሎታ ሀይቁዋ ታ ሀይቃርክና፤ታ ዉርሰይ ኤንታይሳዳ ሀኖ” ያግስ።11ባላቅ ባላማኮ፥ “ኔኒ ታ ቦላ ኦያባይ አይቤ? ታኒ ነና ታ ሞርከታ ባዳና መላ ኤሀስ፥ ሽን ኔኒ ኤንታ አንጃዳሳ፤ ሀራባ አይኮካ ኦባካ” ያግስ።12ባላም ዛሪድ፥ “ጎዳይ ታዉ ኦደይሳፈ ሀራ ኦዶዬ?” ያግስ።ባላማ ናምአን ሃሳያ
13ባላቅ ባላማኮ፥ “ኤንታ ኔኒ በአናዉ ዳንዳእያ ሀራ በሲ ታራ የ፤ ያንካ ነ ኤንታፈ ጉራ በኣሳፐ አትሽን፥ ኡባ በአካ። ኔኒ ያን ኤቃዳ ኤንታ ባዳርክ” ያግስ።14ፕስጋ ደርያ ሁጰን ደእያ ፆፍማ ደምባ ኤፍስ። ያን ላፑን ያርሾ በሳታ ግምብድ፥ እስ እስ ያርሾ በሳን እስ ኮርማነ እስ ማራዘ ያርሽስ።15ባላም ባላቃኮ፥ “ኔኒ ሀይሳን ነ ያርሹዋ ማታን ደኣሻ፤ ታኒ ጎዳራ ጋሄታናዉ ገደ ባና” ያግስ።16ጎዳይ ባላማራ ጋሄትድ፥ “ኔኒ ባላቃኮ ስማዳ እያዉ ሀ ኪታ ኦዳ” ያግስ።17ባላም ስሚድ ያ ዎደ ባላቅ ሞአበ ቢታ ሀላቃታራ ያርሹዋ ማታን ኤቅዳይሳ ደምስ። ባላቅ እያኮ፥ “ጎዳይ ነዉ አይ ኦድዴ?” ያግስ።18ባላም ሀይሳዳ ያግድ ትንብተ ኦድስ፤“ስፎራ ናአዉ፥ ባላቃ፥ ደንዳ፤ታ ኦደይሳ ሎይዳ ስአ።19ዎርዶታናዉ ፆሳይ አሰ ግደና፤ባ ቆፋ ላማናዉ አሳ ናአ ግደና።ኦድድ፥ ባ ኦድዳይሳ ኦኔ?ዎይኮ ባ ግዳይሳ ፖለኔ?20ታኒ አንጃናዉ ኪታ ኤካስ፤እ አንጅስ፤ ታ ላማናዉ ዳንዳእከ።21ያይቆባ ኮቻ ቦላ ኢታባይ ዬና፤እስራኤለ አሳ መቶይ ጋከና።ጎዳይ፥ ኤንታ ፆሳይ ኤንታራ ደኤስ፤እ ኤንታዉ ካዎ ግደይሳ አዋጆሶና።22ፆሳይ ኤንታ ግብፀፈ ከስስ፤እ ምኖ መንዳ ኤንታዉ ኦለቴስ።23ያይቆባ ኮቻ ቦላ ብት ኦና፤እስራኤለ አሳ ቆሀና ሙሩኖይ ባዋ።ሄኮ፥ ያይቆባስነ እስራኤለስ‘ፆሳይ ኦዳባ በእተ’ ያጋና።24ሀ አሳይ ማጫ ጋሞዳ ደንዴስ፤ባ ኦይክዳባ ማና ጋካናዉ፥ባ ዎዳይሳ ሱ ኡያና ጋካናዉ፥ሸምፖና ጋሞዳ ደንዶሶና” ያግስ።25ያትን፥ ባላቅ ባላማኮ፥ “ነ ኤንታ ኡባካ ባዶፋ፤ ኡባካ አንጆፋ” ያግስ።26ባላም ዛሪድ፥ “ታኒ ጎዳይ ግያባ ፃላላ ኦና ጋዳ ነዉ ኦዳብክና?” ያግስ።ባላማ ሄን ሃሳያ
27ባላቅ ባላማኮ፥ “ሃያ፤ ታ ነና ሀራ በሲ ኤፋና። ኦን ኤር፥ ሄሳን ፆሳይ ኡፋይትድ፥ ኔኒ ያን ኤቃዳ ኤንታ ባዳና መላ ኦናዉ ዳንዳኤስ” ያግስ።28ባላቅ ባላማ ባዙዋ ዱገ ፄልያ ፓኦራ ዙማ ቦላ ኤፍስ።29ባላም፥ “ኔኒ ሀይሳን ታዉ ላፑን ያርሾ በሳታ ግምባ፤ ቃስ ላፑን ኮርማታነ ላፑን ማራዘታ ታዉ ጊግሳ” ያግስ።30ባላም ግዳይሳዳ ባላቅ ኦስ፤ እስ እስ ያርሾ በሳን እስ ኮርማነ እስ ማራዘ ያርሽስ።