1Na kilumbu ya makumi zole na yiya, na ngonda yina ya nsambwadi, bantu ya Isayeli vukanaka samu na kumina nsoki, bawu lwataka bangoto mpe bawu yobilaka ntoto.2Bantu nyonso ya Isayeli kabukaka na bantu ya nzenza. Bawu telamaka mpe bawu vwandaka fungula masumu ya bawu na ya bankooko ya bawu.3Bawu telamaka na kisika yina bawu vwandaka. Na bangunga tatu, ba tangaka dibuku ya Musiku ya Yave, Nzambi ya bawu. Na bangunga tatu ya nkaka dyaka, bawu fungulaka masumu ya bawu, mpe bawu fukamaka na ntadisi ya Yave, Nzambi ya bawu.4Yeswa, Bani, Kademyele, Sebanya, Buni, Selebya, Bani, na Kenani, bawu telamaka na kisika yina ya kuzangama ya ba-Levi, mpe bawu yawulaka na ndinga ya ngolo na Yave, Nzambi ya bawu.5Mpe, ba-Levi Yeswa, Kademyele, Bani, Asabeneya, Selebya, Odya, Sebanya, na Petaya, bawu tubaka: «Beno telama, beno tonda Yave, beno tonda Nzambi ya beno ya bantangu nyonso!» Lusambulu ya neneBa sambilaka: «Yave, bika ti ba zitisa nkumbu ya nge ya nkembo,nkumbu yina me lutila lusakumunu nyonsompe masiika nyonso!6Ni nge kele Yave, kaka nge mosi!Ni nge yidikaka mazulu nyonso nabambwetete nyonso.Ni nge yidikaka ntoto na bima nyonsoyina kele na yawu.Ni nge yidikaka mubu mpe bima nyonsoyina kele na kati ya yawu.Ni nge ke pesaka luzingu na bima nyonsoyina ke wumunaka.Binwani nyonso ya mazulu kefukamaka na ntwala ya nge.7Ni nge kele Yave, Nzambi yina soolaka Abalami.Nge basisaka yandi na mbanza Ule,na yinsi ya Kalede.Mpe nge pesaka yandi nkumbu ya Abalayami.8Nge talaka ti yandi vwandaka ya kukwikama na nge,mpe nge salaka ngwisani na yandi,samu na kupesa yandi yinsi yinavwandaka zinga ba-Kaanani,ba-Iti, ba-Amoli, ba-Pelizi,ba-Yebuse, na ba-Ngilengazi.Nge pesaka yawu na bana ya yandi.Nge lungisaka mambu ya nge,samu ti, nge kele ya kudedama.»9«Nge talaka bampasi ya bankookoya beto na yinsi ya Ngipiti,nge kuwaka kulooka ya bawu pene-peneya mubu ya batwandu.10Mutindu nge zabaka ti,ba nyokolaka bankooko ya beto,nge lakisaka bidimbu na bimangu na sika ya Falawo,na bisadi ya yandi nyonso,mpe na bantu nyonso ya yinsi ya yandi.Nge salaka ti nkumbu ya nge kuvwanda nsangu,mutindu yawu ke na kutalana bubu yayi.11Nge pasulaka mubu na mantwala ya bantu ya Isayeli,mpe bawu lutilaka na nzila ya kuyumana kati-kati ya mubu.Nge dyamisaka bantuyina vwandaka landa bawu na yisi ya mubu,mutindu ditadi na kati ya maza ya ngolo.12Na ntangu, nge vwandaka twadisabawu na dituti ya nene ya kutelama, mpe na mpimpa ngevwandaka twadisa bawu na mulaka ya tiya ya kutelama,samu na kukyenzola nzila yinabawu vwandaka landa.13Katuka na zulu, nge kulumukaka na mongo ya Sinayi:Nge zonzaka na bankooko ya beto.Nge pesaka bawu bansalulu ya kusungamaya misiku, misiku ya tsyelika,bandongosolo, mpe bantumunu ya mbote.14Nge salaka ti bawu kuzaba Saba ya nge ya longo.Nge pesaka bawu bantumunu, na bandongosolo,na Musiku na nzila ya kisyelo ya nge Moyize.15Ntangu bawu vwandaka na nsatu,nge pesaka bawu mampa yina katukaka na zulu.Ntangu bawu vwandaka na nsatu ya maza,nge basisilaka bawu maza na ditadi.Nge tubaka na bawu na kwenda kubakayinsi yina nge kudyaka ndefi na kupesa na bawu,samu ti yawu kuvwanda ya bawu.»16«Kasi bawu na bankooko ya betovwandaka na lunangu.Bawu vwandaka na yintu ngolompe bawu sadilaka ve bantumunu ya nge.17Bawu mangaka na kuwa mpe bawubambukaka ve moyo na bimangu yinange salaka samu na bawu.Bawu salaka yintu ngolo.Na kukondwa kutumama ya bawu,bawu soolaka mfumu ya bawu,samu na kuvutuka na bundongo.Kasi nge, nge kele Nzambi ya lemvo,yina ke lemvokilaka.Nge kele Nzambi ya kyadi,yina ke dasukaka mbangu ve.Mpe nge kele ya kufuluka na bumbote,mpe nge me manga bawu ve.»18Bawu salaka kiteki ya mwana ya ngombeya kisengo, mpe bawu tubaka:«Yayi ni nzambi ya nge yiname basisa nge na yinsi ya Ngipiti.»Bawu safulaka nge mingi.19«Kasi, samu na kyadi ya nge ya nene,nge bikaka bawu ve kuna na yinsi ya kuyuma.Ni yawu yina, na ntangu,dituti ya nene ya kutelema vwandaka kakana bawu, samu na kutwadisa bawuna nzila yina bawu vwandaka landa.Na mpimpa mpe mulaka ya tiya ya kutelama vwandaka kakana bawu, samu na kukyenzola nzila yina.20Nge pesaka bawu Mpeve ya nge ya mbote,samu ti bawu kuvwanda na mayela ya kuswasikisa.Nge mangaka ve na kupesa bawu mane ya kudya.Nge pesaka bawu mpe maza ntangu bawu vwandaka na mpwila.21Na bamvula makumi yiya,nge vwandaka sadisa bawu,na kupesaka bawu nyonsoyina bawu vwandaka na yawu nsatu,na yinsi ya kuyuma.Bawu kondwaka kima ve,binkuti ya bawu bebaka ve,mpe makulu ya bawu vimbaka ve.»22«Nge salaka ti ba nunga bayinsiya kintinu na bantu ya bawu,bayinsi yina vwandakandilu na yinsi ya Kaana,samu ti yawu kuvwanda mvwilu ya bawu:yinsi ya ntinu Siwone,ya mbanza kimfumu Esebone,na Basane yinsi ya ntinu Onge.23Nge salaka ti bana ya bawu kuma mingi mutindubambwetete ya mazulu.Nge kotisaka bawu na yinsiyina nge zabisakana bankooko ya bawu na kwenda kubaka,samu ti yawu kuvwanda ya bawu.24Bana ya bawu kotaka mpe bakaka yinsi ya Kaana,samu ti yawu kuvwanda ya bawu.Nge salaka ti ba-Kaanani kuvwandana yisi ya lutumu ya bawu.Nge yekulaka bantu ya Kaanana maboko ya bawu,mutindu mosi mpe bantinu ya bawu,na bantu nyonso ya yinsi,samu ti ba sala bawu mutindu ba zola.25Bawu bakaka bambanza yinavwandaka na bibaka ya lukengolompe ntoto yina ke butaka madya.Bawu bakaka mpe bayinzo yinavwandaka ya kufuluka na bimamingi ya mbote ya mutindu na mutindu,mabulu ya maza, bilanga ya bayinti ya vinu,bayinti ya olive, mpe bayinti mingi yina ke butakabambuma ya kudya.Bawu kudyaka mpe fulukaka, bawu kumaka nenempe zingaka na kilengi nyonso.Nyonso yina samu na bumbote ya nge ya nene.»26«Bankooko ya beto balukilaka nge,bawu tumamaka ve na nge.Bawu pesaka manima na Musiku ya nge.Bawu kufwaka mimbikudi yina vwandaka kebisa bawu,samu ti, bawu kuvutuka na nge.Bawu safulaka nge mingi.27Ni yawu yina, nge yekulaka bawuna maboko ya bambeni ya bawu,mpe bambeni yango nyokolaka bawu.Na kati ya bampasi ya bawu,bawu yawulaka na sika ya nge,mpe nge, kuna na mazulu, nge kuwaka bawu.Mutindu kele kyadi ya nge ya nene,nge vwandaka pesa bawu bantu yina vwandakavuukisa bawu na maboko ya bambeni ya bawu.28Kaka na ntangu yina bawu vwandaka kuzwa kizunu,bawu vwandaka vutukila na kusalayimbi na ntadisi ya nge.Nge vwandaka yekula bawuna maboko ya bambeni ya bawu,mpe bambeni ya yango vwandaka nyokola bawu.Bawu vwandaka yawulaka dyaka na sika ya nge,mpe nge, kuna na mazulu, nge vwandaka kuwa bawu,mpe nge vwandaka kuula bawu bambala mingi,mutindu kele kyadi ya nge ya nene.29Nge vwandaka kebisa bawu samu ti,bawu kuvutukila na kusadila Musiku ya nge.Kasi bawu vwandaka sala yintu ngolo,mpe bawu vwandaka tumama ve na bantumunu ya nge.Bawu landaka ve bansalulu ya misiku ya nge,bawu sumunaka yawu.Bandongosolo yina ke salaka ti,kana muntu kusadila yawu, yandi ke zinga.Bawu kangaka bantima ya bawu.Bawu salaka yintu ngolo. Bawu mangaka na kuwa.»30«Nge vibidilaka bawu na bamvula mingi.Nge kebisaka bawu na Mpeve ya nge,na nzila ya mimbikudi ya nge,kasi bawu mangaka na kuwa.Na yina, nge yekulaka bawu,na maboko ya bantu ya bayinsi ya nkaka.31Na kyadi ya nge ya nene,nge yekulaka ve bawu samu ti,bawu manisa na kufwa.Nge bikaka bawu ve samu ti,nge kele Nzambi ya lemvo, Nzambi ya kyadi.»32«Ntangu yayi, Nzambi ya beto,nge kele Nzambi ya nene,Nzambi ya lulendo yina ba fwana kuzitisa.Nge ke kebaka ngwisani mpe bumbote ya nge.Kutala ve ti bampasi yina me kukumina beto,kele mambu ya fyoti.Bampasi yina me kumina bantinu ya beto,na bamfumu ya beto, na banganga-Nzambi ya beto,na mimbikudi ya beto, na bankooko ya beto,mpe na bantu ya nge nyonso, kubanda na ntangu,yina bantinu ya Asili vwandakayala tii na kilumbu ya bubu yayi.33Nge, nge kele ya nge ya kusungama na mambunyonso yina me kumina beto,samu ti, nge me lakisa kukwikama ya nge.Kasi beto, beto me sala yimbi.34Bantinu ya beto, bamfumu ya beto,banganga-Nzambi ya beto,na bankooko ya beto,bawu sadilaka ve Musiku ya nge.Bawu mangaka na kutumamana bantumunu ya nge, mpe na kuwakukebisa yina nge vwandaka kebisa bawu.35Ntangu bawu vwandaka na kati ya kintinu ya bawu,mpe na kati ya bimvwama mingiyina nge pesaka bawu na yinsi,yinsi yina ya nene,mpe yina ke butaka madya mingi,bawu sadilaka nge ve.Bawu bikaka ve na kusadilamavanga ya bawu ya yimbi.36Tala, bubu yayi beto me kuma bandongo.Beto me kuma bandongo na kati ya yinsi yinange pesaka na bankooko ya beto,samu na kudya bambuma ya yawuna bima nyonso ya mbote!37Madya ya mingi ya yinsi yango kele kaka,ya bantinu yina nge tulaka na kuyala beto,samu na masumu ya beto.Bawu ke na kuyala banzutu ya beto,na bibulu ya beto, mutindu bawu zola.Mpe beto, ba ke na kunyokola beto mingi.»