Read ናሂሚያ ማጻፋ 9

ናሂሚያ ማጻፋ9gmv_etw

ኢስራኤሌ ኣሳይ ባ ናጋራ ፓጼ

¹ሄ ኣጊናን ናምኡ ታማኔ ኦይዳን ጋላስ ኢስራኤሌ ኣሳይ ኢሲ ቦላ ሺቂዲ ባ ናጋራ ጊሻስ ኬሂ ሞቲዳይሳኔ ጬጪዳይሳ ቆንጪሲናስ ማቃ ማይኢዲ ባ ሁኤ ቦላ ጉዱላ ላሊዲ ጾሚዴስ።²ኢስራኤሌ ኣሳይ ኣላጋ ኣሳ ኡባፌ ባና ሻኪዴስ፤ ሄሳፌ ጉዬ ኣሳይ ዉሪ ዴንዲ ኤቂዲ ኢስቲኔ ካሴ ኢስታ ኣዋቲ ኦዳ ናጋራ ኡባ ፓጺዳ።³ሄን ኢስቲ ኤቂዳ ማላ ዲሺን ኢስታ ጾሳ ዎጋ ማጻፋይ ሄ ሳቴ ኩሜ ኢስታስ ናባቤቲዴስ፤ ቃሴ ሃራ ሄ ሳቴ ኩሜ ኢስቲ ባ ናጋራ ፓጺሼ ጎዳስ ባ ጾሳስ ሆኪ ጎይኒዳ።⁴ሌዌ ባጋታስካ ኤቂዛ ማዲራኬይ ዴስ፤ ሄ ማዲራኬዛ ቦላ ኢያሶይ፥ ባኔይ፥ ቃዲምኤሌይ፥ ሼባኒያይ፥ ቡኔይ፥ ሼሬቢያይ፥ ባኔይኔ ካናኔይ ኤቂዲ ባ ቃላ ቁ ሂስቲዲ ጎዳ ባንታ ጾሳኮ ዎሲዳ።⁵ኢያሶ፥ ቃዲምኤሌ፥ ባኔ፥ ሃሻቢናዬ፥ ሼሬቢያ፥ ሆዲያ፥ ሼባኒያኔ ፓታያ ጌቴቲዛ ሌዌ ባጋ ኣሳቲ፥«ኢንቴ ዴንዲ ኤቂዲ ሜርና ጎዳኢንቴ ጾሳ ጋላቲቴ፤ጋላታፔኔ ኣንጆፌቁ ቁ ጊዳቦንቼቲዳ ጾሳ ሱንሳቢቴ» ጊዳ።

ማሬታና ዎሲዳ ዎሳ

⁶ሄሳፌ ጉዬ ኢስራኤሌ ኣሳይ፥«ጾሶ፥ ኔ ጻላ ጎዳ፤ሳሎኔ ሳሎ ቦላ ዲዛይታ፥ሳኣኔ ሳኣ ቦላ ዲዛይታ፥ጊታ ኣባኔ ኢዛ ጊዶን ዲዛይታኡባ ሜዳይ ኔና።ኡባስ ዴኦ ሼምፖ ኢማዳሳ፤ሳሎ ሜቴቲ ኡባይኔስ ጎይኔቴስ።⁷ጎዳዉ፥ ኔኒ ጾሳ!ኔኒ ኣብራሜ ኡሬ ጌቴቲዛካላዳዌ ዴሬፔ ዶራዳጼይጋ ኬሳዳሳ፤ኢዛ ሱንካኣብራሃሜ ጋዳሳ።⁸ኢዚ ኔስ ኣማኔቲዳ ኣስጊዲዳይሳ ቤያዳኢዛራ ጫቄታዳሳ፤ካናኔ ኣሳይ፥ ሂቴ ኣሳይ፥ኣሞሬ ኣሳይ፥ፓሪዜ ኣሳይ፥ ያቡሴ ኣሳይኔጌርጌሴ ኣሳይኢዛን ዲዛ ቢታ፥ኢዛ ዜሬታስዱሳ ቢታ ጊዳና ማላላቲሳናስ ጫቆቃላ ጌላዳሳ፤ኔኒ ጺሎ ጊዲዳ ጊሻስኔ ጫቆ ቃላ ሚን ናጋዳሳ።

⁹«ኔኒ ኑ ኣዋታ ቦላካሴ ጊብጼ ቢታን ጋኪዳዋዬዛ ቤያዳሳ፤ኢስቲ ዞኦ ኣባ ማታን ዲሼማዶ ኮዪዲኔና ዎሲዳ ዎሳ ሲያዳሳ።¹⁰ጊብጼ ካዎ ቦላ፥ሹሜታ ቦላኔሄ ቢታን ዲዛ ኣሳኩሜ ቦላጊታ ማላታታ ቆንጪሳ ቤሳዳሳ።ሄሳ ኔ ኦዳይ ካሴ ኑ ኣዋታጊብጼ ኣሳይ ኣይ ማላ ኢስታስሜንጼ ኢቲዲ ዋዪሲዳኮኔ ቤኢዳ ጊሻሳ፤ኔ ሄሳ ኦይሳ ጋሶንሃች ጋካናስኔ ሱንይ ቦንቾንጼይጌታና ማላ ኦዳሳ።¹¹ኢስታ ሲንን ኣባናምኡ ኬሳ ሻካዳ፥ሜላ ቢታራካኢስታ ፒንዳሳ፤ሹች ዱጌ ጪማ ሃጊዶን ዬጊዛ ማላኢስታ ጎዲዛይታ ጪማሃ ጊዶ ዬጋዳሳ።¹²ጋላስ ቱሳ ማላ ኤቂዳ ሻራን፥ኦማርሲ ቱሳ ማላታማን ፖኢሳዳኢስቲ ባናስ ቤሲዛ ኦጌራባና ማላ ካሌዳሳ።

¹³«ሳሎፔ ዱጌሲና ዙማ ቦላ ዎዳኔ ዴሬዛ ሃሳይሳዳሳ፤ሎኦ ዎጋታኔ ሱሬ ቲሚርቴታኔ ኢስታስ ኢማዳሳ።¹⁴ጌሻ ኔ ሳምባታኢስቲ ቦንቻና ማላታማርሳዳሳ፤ኔ ኣዛዞታ፥ ዎጋታኔ ማራታኔ ኦሳንቻ ሙሴ ባጋራኢስታስ ኢማዳሳ።¹⁵ኢስቲ ጋፌቲዳ ዎዴሳሎፔ ካ ኢማዳሳ፤ኢስቲ ሳሜቲዳ ዎዴ ሃዛላፌ ኢስታስ ፑልቲሳዳሳ፤ቃሴ ኔ ኢስታስ ኢማና ጋዳጫቂዳ ቢታ ጌሊዲኤካና ማላ ኣዛዛዳሳ።

¹⁶«ካሴ ኑ ኣዋቲ ኦቶራንቻኔዎዚና ሙሜ ጊዲዳ ጊሻስኔ ኣዛዞ ናጊቤቴና፤¹⁷ኔስ ኣዛዜቲቤቴና፤ኔ ኢስታስ ኦዳ ጊታማላታካ ኡባ ዶጊዳ፤ዎዚና ሙሜ ጊዲዳ፤ቃሴ ጉዬ ጊብጼ ኣይሌቴንዛራና ማላባንታና ካሌዛኣስ ዶሪዳ።ጊዶ ኣቲን ኔኒ ሲቆንኩሚዳ ጾሳ፥ሃንቆስ ታኪዛ ጾሳ፥ኣቶ ጊዛ ጾሳ፥ኪያኔ ማሪዛጎዳ ጊዲዳ ጊሻስኔ ኢስታ ኣጋቤካ።¹⁸ማራ ሌሚሶን ባስ ኤቃ ጾስ ኦዲ፥‹ጊብጼ ቢታፌኑና ካሌዲ ኬሲዳጾሲ ሃይሳኮ!› ጊዳ።ኔ ሱንካ ኣይ ማላሞሮ ሞሪዶ!

¹⁹«ኔ ማሮታይ ጊታ ጊዲዳ ጊሻስኢስቲ ሄን ባዞ ቢታን ዪኣታና ማላ ኣጋቤካ፤ጊዶ ኣቲን ኢስቲ ጋላስቱሳ ማላ ሻራንኦማርስ ቱሳ ማላ ታማንኢስቲ ባናስ ቤሲዛ ኦጌራኢስታ ካሌ ኣጋቤካ።²⁰ሎኦ ጊዲዳ ኔ ኣያናኢስታ ታማርሳና ማላ ኢማዳሳ፤ኢስታስ ማና ማላ ማና፥ኡያና ማላ ሃ ኢማዳሳ።²¹ኦይዱ ታሙ ላይ ኩሜኢስታ ባዞ ቢታን ማዳዳኢስታስ ኮሺዛ ሚሼኢሲኖካ ዲጋቤካ፤ኢስቲ ማይኢዳ ማይኦይዉሪቤና፤ቃሴ ኢስታ ቶሆይካፑሪቤና።

²²«ኢስታ ዴራ ዩዪኣ ዲዛ ዴሬታኔኢስቲ ካዎቴታ ኡባጾኒዲ ሄ ቢታኤካና ማላ ኦዳሳ፤ሄሳ ጊሻስካዎ ሲሆኔይ ኣይሲዛሃሴቦኔ ጌቴቲዛ ቢታኔካዎ ኣጌይ ኣይሲዛባሳኔ ጌቴቲዛ ቢታጾኒዲ ላቲዳ።²³ኢስታስ ቆዳይ ሳሎ ጾሊንቴ ማላዳሪዳ ናይታ ኢማዳሳ፤ካሴ ኢስታ ኣዋታስ ኔ ኢማና ጋቃላ ጌሊዳ ቢታኢስቲ ጾኒ ላታና ማላኦዳሳ።²⁴ኢስታ ናይቲ ካናኔ ቢታጾኒ ላቲዳ፤ሄ ቢታን ዲዛ ኣሳታኔኒ ጾናዳሳ፤ኢስታ ካዎታ ቦላኔ ካናኔቢታን ዲዛ ኣሳታ ቦላባ ዶሲዳ ማላ ኦና ማላዎልቃ ኢማዳሳ።²⁵ቃሴ ሎኢ ጊምቤቲዳካታማታኔ ኣራዳ ቢታ፥ሎኦ ሚሽኢስታን ኩሚዳ ኬታ፥ሃ ኦላታኔዎይኔ ኣታኪልቴይ ቶኬቲዛ ጋዴ፥ዎጋራ ሚታኔ ዳሮ ኣይፌኣይፊዛ ሚታ ላቲዳ፤ሚዲኔ ኡዪዲ ሞዳ፤ኔኒ ኔ ኪያቴን ኢሚዳ ሎኦ ሚሻን ዉሪ ኡፋዬቲዳ።

²⁶«ጊዶ ኣቲን ኢስቲ ኔ ቦላ ማካሊዳ፤‹ኔ ቃላስካ ኣዛዜቶኮ› ጊዳ፤ኔ ዎጋ ሲዮኮ ጊዲኔስ ዞኮ ዛሪዳ፤ቃሴ ኢስቲ ኔኮ ዛራና ጊዲሴሪ ታማርሲዳ ናቤታ ዎዳ፤ኡባ ዎዴ ኔ ቦላጫሻ ቃላ ሃሳይዳ።²⁷ሄሳ ጊሻስ ኢስታ ሞርኬቲኢስታ ጾኒዲ ሃራና ማላኣ ኢማዳሳ፤ሞርኬቲካ ኢስታ ሜቶዳ፤ኢስቲ ባንታና ሜቲዳ ዎዴኔኮ ዋሲዳ፤ኔካ ኢስታ ዋሳሳሎን ዳዳ ሲያዳሳ፤ኔ ማሮቴ ጊታቴፌ ዴንዲዳይሳንኢስታ ሞርኬታፔ ኣሻናካሌዛይታ ዬዳዳሳ።

²⁸«ጊዶ ኣቲን ሳሮ ዴሚዳ ዎዴቃሴካ ሲሚ ናጋራ ኦዳ፤ሄሳ ጊሻስ ኔ ኢስታ ሞርኬታስኣ ኢማዳሳ፤ኢስታ ሞርኬቲካ ኢስታ ሃሪዳ፤ጊዶ ኣቲን ኔ ማዳና ማላ ጊዲኔኮ ሲሚ ዎሲዳ ዎዴሳሎን ዳሼ ኢስታ ዎሳ ሲያዳሳ፤ኔኒ ኔ ቃቴፌዴንዲዳይሳንኢስታ ኡባ ዎዴ ማዳዳሳ።²⁹ኔ ቃላኮ ሲማና ማላኔኒ ኢስታ ሴራዳሳ፤ጊዶ ኣቲን ባ ኦቶሮቴፌዴንዲዳይሳንኔ ኣዛዞታ ካዳ፤ኢስቲ ኣዛዜቲዳኮኢስታስ ዴኦ ኢሚዛኔ ዎጋታ ቦላ ናጋራ ኦዳ።ኢስታ ዎዚናይ ሙሚዳ ጊሻስባ ሲን ሃራሶ ዛሪዳ፤ቃሴ ባ ዎዚና ሙሚሲዲኔ ኣዛዞታ ኢጺዳ።³⁰ዳሮ ላይ ኔ ኢስታ ዳንዳያዳሳ፤ኢስታ ታማርሳና ማላ ናቤታኔ ኣያናን ኢስታስ ዴንዳሳ፤ጊዶ ኣቲን ኢስቲ ሎኤሲዪቤቴና፤ሄሳ ጊሻስ ኢስታ ዴሬማታን ዲዛ ኣሳቲጾናና ማላኢስታ ኣ ኢማዳሳ።³¹ጊዶ ኣቲን ኔ ማሮቴጊታቴፌ ዴንዲዳይሳንኢስታ ኣጋቤካ፤ኔ ኪያኔ ኣቶ ጊዛጾሳ ጊዲዳ ጊሻስኢስታ ይሳቤካ።³²ጊታ፥ ዎልቃማኔ ያሺዛኑ ጾሳዉ!ኔኒ ኔ ጫቆ ቃላኔ ሜርና ጋካናዉ ዲዛኔ ሲቆ ናጋሳ፤ኑ ቦላ፥ ኑ ካዎታ ቦላኔኑና ካሌዛይታ ቦላኑ ቄሴታ ቦላኔ ኑ ናቤታ ቦላኑ ኣዋታ ቦላ፥ቃሴካ ዴሬ ኡባ ቦላ፥ኣሶሬ ካዎታፔ ዶሚዲሃች ጋካናስ ጋኪዳ ሜቶኡባ ኔ ቆፓ።³³ኔ ኑና ቃጻያና ጋዳኔ ኦዳይሲ ዉሪ ሊኬ፤ኑኒ ናጋራ ኦኮካኔኒ ኔ ኣማኔቴንሚና ኤቃዳሳ።³⁴ካሴ ኑ ኣዋቲኔኑ ካዎቲ፥ኑና ካሌዛይቲኔ ኑ ቄሴቲኔ ዎጋ ናጊቤቴና፤ቃሴ ኔ ኢስታስ ኢሚዳኣዛዞታኔሴራ ዞሬ ሲዪቤቴና።³⁵ኔ ኢስታ ካዎቴንኢስታስ ጊታ ኣንጆ ኢማዳሳ፤ኣራዳኔ ኣሆ ቢታኢስታስ ኢማዳሳ፤ጊዶ ኣቲን ኢስቲባ ናጋራፔ ሲሚዲኔስ ጎይኒቤቴና።³⁶ሄሳፌ ዴንዲዳይሳንኔ ኑ ኣዋቲኣይፌዮ ማና ማላኔሎኦ ሚሻን ኡፋዬታና ማላኔ ኢስታስ ኢሚዳ ቢታንሃች ኑ ኣይሌ ጊዲዶስ።³⁷ኑኒ ናጋራ ኦዳ ጋሶንኔኒ ኑ ቦላ ካዎዳ ካዎቲኑ ቢታ ኣንጆ ኡባኢስቲ ጎኤቴቴስ፤ቃሴ ኑ ቦላኔ ኑ ሜሄታ ቦላባ ኮዪዳ ማላ ኦቴስ፤ሄሳፌ ዴንዲዳይሳንኑኒ ሃኢ ጊታ ዋዬ ቦላ ዶስ።

ኣሳይ ቃቺዳ ቃላ ፒርማን ቆንጪሴ

³⁸«ሃኒዳ ዮኦ ኡባስ ኑኒ ኢስራኤሌ ኣሳይ ቃላን ጋጊዳይሳ ጻፊ ዎናስ ቃላ ቃቺዶስ፤ ኑ ቃቺን ጻፌቲዳ ቃላ ቦላ ኑና ካሌዛይቲ፥ ሌዌ ባጋቲኔ ኑ ቄሴቲ ባ ማታሜ ሾጪዳ» ጊዳ።

ናሂሚያ ማጻፋ 9 / gmv_etw

ኢስራኤሌ ኣሳይ ባ ናጋራ ፓጼ

ማሬታና ዎሲዳ ዎሳ

ኣሳይ ቃቺዳ ቃላ ፒርማን ቆንጪሴ

ናሂሚያ ማጻፋ9gmv_etw