Naḥamya3rif_lti
Řebni n řeḥyuḍ n Urcalim
1Arrays n ikehhanen, Ilyacib, ikkar, uřa d aytmas, ikehhanen, uca nitni ɛeddřen bnan Tawwart n Wuǧi, qeddsen tt uca ssbedden dayes tiwwura nnes. Nitni qeddsen uřa ticti ař Lburj n Mya u ař Lburj n Ḥananiyil.2Ɣar uɣezdis nnes bnan yeryazen n Ariḥa uca ɣar uɣezdis nnes ibna Zakkur, mmis n Imri.3Tawwart n Wesřem bnan tt ayt n Sana’a. Nitni arekkben tiḥenya n tzeqqa u ssbedden dayes tiwwura nnes ak-d zzekrunat nnes d iɛumad nnes i ubelleɛ.4X uɣezdis nsen ibna Marimut, mmis n Uri-Yah, mmis n Haqquṣ, u ɣar uɣezdis nsen tuɣa iɛeddeř Macullam, mmis n Baraxya, mmis n Macizabyil u ɣar uɣezdis nsen iɛeddeř Ṣaduq, mmis n Baɛna.5Ɣar uɣezdis nsen tuɣa ɛeddřen imezdaɣ n Taqquɛa, maca inni ɣar teǧa ṣṣulṭa jar asen war sseqwisen ca iri i řxedmet n SIDI nsen.6Iɛeddeř Yuyadaɛ, mmis n Fasiḥ, ak-d Macullam, mmis n Basudya, Tawwart Taqdimt. Nitni arekkben tiḥenya n tzeqqa u ssbedden dayes tiwwura nnes ak-d zzekrunat nnes d iɛumad nnes i ubelleɛ.7Ɣar uɣezdis nsen tuɣa iɛeddeř Malaṭya zi Jibɛun, d Yadun, Amiyarunuti, d yeryazen zi Jibɛun u zi Miṣfa ař mani tuɣa taddart n řkursi n lwali n temmurt aɣirin i iɣzar n Lfuraṭ.8Ɣar uɣezdis nnes tuɣa iɛeddeř Ɛuzziyil, mmis n Ḥarhaya, ijjen zeg iḥeddaden n wureɣ, u ɣar uɣezdis nnes iɛeddeř Ḥananya, mmis n ijj zeg inni isswejden řeɛṭuř. Nitni jjin Urcalim ař řḥiḍ d miriw am t tuɣa.9Ɣar uɣezdis nsen tuɣa iɛeddeř Rafaya, mmis n Ḥur, ameqqran x wezyen n udewwar n Urcalim.10Ɣar uɣezdis nsen tuɣa iɛeddeř Yadaɛa, mmis n Ḥarumaf, ajemmaḍ n taddart nnes. U ɣar uɣezdis nnes tuɣa iɛeddeř Ḥattuc, mmis n Ḥacabniya.11Malkiya, mmis n Ḥarim d Ḥaccub, mmis n Faḥat-Mu’ab ɛedřen tasɣart wiss tnayen uřa d Lburj n Tefqunt.12Ɣar uɣezdis nnes tuɣa iɛeddeř Callum, mmis n Luḥic, ameqqran x wezyen nneɣni n udewwar n Urcalim, netta d yessis.13Ḥanun d imezdaɣ n Zanuḥ ɛedřen Tawwart n Teɣzurt. Nitni arekkben tiḥenya u ssbedden dayes tiwwura nnes ak-d zzekrunat nnes d iɛumad nnes i ubelleɛ uca ɛedřen ɛawed ařef n iɣaǧen n řḥiḍ ař Tewwart n Řeɣbar.14Malkiya, mmis n Rakab, ameqqran n udewwar n Bayt-Karim, tuɣa iɛeddeř Tawwart n Řeɣbar. Netta yarekkeb tiḥenya u issbedd dayes tiwwura nnes ak-d zzekrunat nnes d iɛumad nnes i ubelleɛ.15Callum, mmis n Kulhuz, ameqqran n udewwar Miṣfa, tuɣa iɛeddeř Tawwart n Tařa. Ibna i-tt u nitni arekkben tiḥenya n tzeqqa uca ssbedden dayes tiwwura nnes ak-d zzekrunat nnes d iɛumad nnes i ubelleɛ. Netta iɛdeř ɛawed řḥiḍ zeg uyeřmam n Cilaḥ ɣar weḥwic n ujeǧid ař ddruj nni ihekkwan zi tendint n Dawud ɣar swadday.16Awarni as tuɣa iɛeddeř Naḥamya, mmis n Ɛazbuq, ameqqran n wezyen n udewwar n Bayt-Ṣur, ař ajemmaḍ i imeḍřan n Dawud u ař jjubb ittwaggen u ař Taddart n Ayt bu-teɣruḍt.17Awarni as tuɣa ɛeddřen Ilawiyyen. Raḥum, mmis n Bani, u ɣar uɣezdis nnes Ḥacabya, ameqqran n wezyen n udewwar n Qaɛila, deg udewwar nnes.18Awarni as tuɣa ɛeddřen aytmatsen, Baway, mmis n Ḥinadad, ameqqran x wezyen nneɣni n udewwar n Qaɛila.19Ɣar uɣezdis nnes tuɣa Ɛazir, mmis n Yecuɛa, ameqqran n Miṣfa, iɛeddeř ict n ṭṭarf nneɣni ajemmaḍ i tsawent ɣar taddart n řesnaḥ, ɣar mani idewwar řḥiḍ.20Awarni as tuɣa Barux, mmis n Zabbay, iɛeddeř s cḍaret ijj n ṭṭarf nneɣni, zi mani ɣa idewwar řḥiḍ ař tewwart n taddart n Ilyacib, arrays n ikehhanen.21Awarni as tuɣa Marimut, mmis n Uriya, mmis n Haqquṣ, iɛeddeř ijj n ṭṭarf nneɣni, zi tewwart n taddart n Ilyacib ař aneggaru n taddart n Ilyacib.22Awarni as tuɣa ɛeddřen ikehhanen. Nitni d iryazen zeg udewwar n L’Urdun.23Awarni asen tuɣa iɛeddeř Binyamin d Ḥaccub, ajemmaḍ i taddart nsen. Awarni asen tuɣa iɛeddeř Ɛazarya, mmis n Maɛasiya, mmis n Ɛananiya, zzat i taddart nnes.24Awarni as tuɣa Binnuy, mmis n Ḥinadad, iɛeddeř ijj n ṭṭarf nneɣni, zi taddart n Ɛazarya ař mani ɣa idewwar řḥiḍ ař taɣmart.25Falal, mmis n Uzay, tuɣa iɛeddeř ajemmaḍ mani ɣa idewwar řḥiḍ d ujemmaḍ n lburj yuɛřan wenni irefɛen x tzeddiɣt n sennej n ujeǧid, tenni ɣar zzat n řemraḥ n řeḥbes. Awarni as tuɣa iɛeddeř Fadaya, mmis n Farɛuc.26Imsexxaren n Zzawect Tameqqrant, inni tuɣa zeddɣen di Ɛufil, tuɣa ɛeddřen ajemmaḍ i Tewwart n Waman ɣar ccarq u ɣar lburj issewcen ɣar barra.27Awarni as tuɣa imezdaɣ n Taqquɛa ɛeddřen ijj n ṭṭarf nneɣni ajemmaḍ i lburj ameqqran issewcen ɣar barra ař řḥiḍ n Ɛufil.28Tuɣa ikehhanen ɛeddřen Tawwart n Iysan, kuř ijj ajemmaḍ i taddart nnes.29Awarni asen tuɣa iɛeddeř Ṣaduq, mmis n Immir, ajemmaḍ i taddart nnes. U awarni as tuɣa iɛeddeř Camɛiya, mmis n Cakanya, aɛessas n Tewwart n Ccarq.30Awarni as tuɣa Ḥananya, mmis n Calamya, d Ḥanun, mmis n Ṣalaf wiss setta, ɛeddřen ijj n ṭṭarf nneɣni. Awarni as tuɣa iɛeddeř Macullam, mmis n Baraxya, ajemmaḍ i texxamt nnes.31Awarni as tuɣa iɛeddeř Malkiya, mmis n ijj n wemziř n wureɣ, ař taddart n imsexxaren n Zzawect Tameqqrant d isebbaben, ajemmaḍ i Tewwart n Řeḥsab u ař axxam n sennej ɣar teɣmart.32Jar wexxam n sennej ɣar teɣmart d Tewwart n Wuǧi, tuɣa ɛeddřen imziřen n wureɣ d isebbaben.Řɛedyan war zemmaren ad ssbedden řxedmet33Umi Sanballaṭ isřa, aqa nbenna řḥiḍ, imsar aqa ihaj, isɛar aṭṭas uca issbehdeř Udayen.34Tuɣa issawař jar aytmas d řɛeskar n Samarya, inna: “Min tteggen Wudayen-a iḍeɛfen? Ma ad ten nejj? Ma ad qedmmen tiɣarṣa? Ma ad t kemmřen deg ijj n wass? Ma ad ssekkaren ɛawed iẓra zi arwinat inni ittwacemḍen?”35Tuɣa Ṭubiya, zeg ayt n Ɛammun, akides, inna: “Ɛad mařa bnan t ɛawed, xmi ɣa iffeɣ ijj n wecɛeb waha, xenni ad ihdem řḥiḍ nsen n weẓru.”36“Seř, a AREBBI nneɣ, mammec i nedweř nettwasseḥqar uca arr aseḥqar nsen x uzeǧif nsen uca sellem i-ten d takeccaḍt ɣar ict n temmurt n uḥebbes.37War sduriy řmuɛṣiyyet nsen u war ttejji ad ittwamḥa ddnub nsen zzat i wudem nnec, minzi nitni sɛaren Cek qibač i ibennayen.”38Nebna řḥiḍ, ařami idweř řḥiḍ iqqen ař azyen, minzi řgens igga uř nsen ad t ggen. *