Read ኔሄሚያ ማፃኣፖ 10

ኔሄሚያ ማፃኣፖ10mdy_twf

¹ዱማሲ ዔርዛ ባኮ ዓይሤ ዓሳ ሃካሊያ ናኣዚ ዓጮ ዎይሣሢ ኔሄሚያ፥ ሴዴቂያሴ፤

²ቄኤሶ ፃጳፓ፦ሴራያ፥ ዓዛሪያ፥ ዔርሚያሴ፥ፓሽሁሬ፥ ዓማሪያ፥ ማልኪያ፥ሃፁሼ፥ ሼባኒያ፥ ማሉኬ፥ሃሪሜ፥ ሜሬሞቴ፥ ዓብዲዩ፥ዳኣኔኤሌ፥ ጊኔቶኔ፥ ባሩኬ፥ሜሹላሜ፥ ዓቢያ፥ ሚያሚኔ፥ሜዓዝያ፥ ቢልጋዬና ሼማዒያናኬ።⁹ሌዊ ዓሶ ፃጳፓ፦ዓዛኒያ ናኣዚ ዒያሱ፥ሄናዳዴ ናኣዚ ቶኦኮ ማዔሢ ቢኑዬ፥ቃድሚዔኤሌ፥ ሼባኒያ፥ ሆዲያ፥ቄሊፃ፥ ፔላያ፥ ሃናኒ፥ሚካ፥ ሬሆቤ፥ ሃሻቢያ፥ዛኩሬ፥ ሼሬቢያ፥ ሼባኒያ፥ሆዲያ፥ ባኒንታ ቤኒኑንታኬ።¹⁴ዴሮኮ ሱኡጎ ፃጳፓ፦ፓርዖሼ፥ ፓሃትሞዓኣቤ፥ዔላኣሜ፥ ዛቱ፥ ባኒ፥ቡኒ፥ ዓዝጋኣዴ፥ ቤባዬ፥ዓዶኒያ፥ ቢግዋዬ፥ ዓዲኔ፥ዓፄሬ፥ ሂዚቂያሴ፥ ዓዙሬ፥ሆዲያ፥ ሃሹሜ፥ ቤፃዬ፥ሃሪፔ፥ ዓናቶቴ፥ ኔባዬ፥ማግፒዓሼ፥ ሜሹላሜ፥ ሄዚሬ፥ሜሼዛቤሌ፥ ፃዶቄ፥ ያዱዓ፥ፔላፂያ፥ ሃናኒ፥ ዓናያ፥ሆሴዔ፥ ሃናኒያ፥ ሃሹቤ፥ሃሎሄሼ፥ ፒሊሃ፥ ሾቤቄ፥ሬሁሜ፥ ሃሻቢና፥ ማዕሴያ፥ዓኪያ፥ ሃናኒ፥ ዓናኒ፥ማሉኬ፥ ሃሪሜና ቤዓናኬ።

ጊኢጊ ዎላ ቱኮና ባኮ

²⁸ዓቴ ሃንጎ ዓሳ፥ ቄኤሳ፥ ሌዊ ዓሳ፥ ጌኤዦ ማኣሮ ካፓ ዓሳ፥ ጌኤዦ ማኣራ ፆኦሲ ቦንቾም ዓይኑሞ ዓይናዻ ዓሳ፥ ጌኤዦ ማኣሮይዳ ማዻ ዓሳ፥ ፆኦሲ ዎጎም ዓይሢንታያ ማዔ ኑ ዓሺኖይዳ ናንጋ ሜሌ ዓጮ ዴሮይዳፓ ፔና ዱማሴ ዓሳ ፔኤኮ ላኣሎንታ ዓቲንቆንታ ዉዱሮ ናኣቶንታ ዎላ፥²⁹ዬያታ ቢያ ፔኤኮ ጌርሲንሢ ማዔ ሱኡጎና ዎላ ፔቴ ማዒ ፆኦሲ ዓይላሢ ሙሴ ዛሎና ዒንጊንቴ ናንጊና ናንጋ ጎዳ ማዔ ኑ ፆኦዛሢኮ ዓይሢፆም፥ ዎጎና ዳምቦናም ቢያ ዓይሢንታያ ማዓኒ «ዓይሢንቲባኣቴ ኑና ባይዞም!» ጌይ ጫኣቄኔ።³⁰ኑ ዓሺኖይዳ ዓኣ ሜሌ ዴሮም ኑኡኮ ዉዱሮ ናኣቶ ዔያቶኮ ዓቲንቆ ናኣቶም ኑ ዒንጋኑዋኣሢና ዔያቶኮ ዉዱሮ ናኣቶ ኑኡኮ ዓቲንቆ ናኣቶም ኑ ዔካኑዋኣሢያ ጫኣቃኔ።³¹ሜሌ ዓጮ ዴራ ሃውሾ ኬሎና ማዔቴያ ሜሌ ቦንቾ ኬሎና ሃኣኮዋ ማዖም ሜሌ ኮርሞም ማዓ ባኣዚ ዔኪ ሙኬቴ ዔያቶይዳፓ ኑ ሻንቃዓ። ሃሣ ላንካሳ ሌዖይዳ ሌዖይዳ ኑ ጎሽካ ሳዖ ጎሽኩዋዖ ሃሻንዳኔ፤ ኑ ዓሲም ታልዔ ጋሌ ዓኣቴያ ዒዞ ሌዖይዳ ኑ ሃሻንዳኔ።³²ሌዓ ሌዓ ጌኤዦ ማኣሮ ማዾም ማዓንዳያ ኑኡኒ ፔቴ ፔቴሢ ኑኡኮ ዓኣ ቢራፓ ሃይሦ ኩቺፓ ፔቴማ ዔኪ ሙኪ ኑ ዒንጋንዳኔ።³³ዬያጉዲ ሃሣ ጌኤዦ ማኣሮ ማዾም ሃካፓ ሊካ ዓኣ ባኮ ኑ ኩንሢ ሺኢሻንዳኔ፦ ዬይ ባካ ፆኦሲም ዱማዼ ካሦ፥ ቢያ ኬላ ኬላ ዒንጋኒ ኮይሳ ሃኣኮ ዒንጊፆ፥ ሚቺ ዒንጎ ዒንጊፆም ማዓ ቆልሞ፥ ሃውሾ ኬሎንታ ዓጊኖ ፄኤሮንታ ሜሌ ቦንቾ ኬሎም ሺኢሾ ባኮ፥ ፆኦሲም ዱማዼ ዒንጊፆ ሜሌሢ ቢያ፥ ዒስራዔኤሌ ዓሶኮ ጎሞ ጌኤሻኒ ዒንጊንታኒ ኮይሳሢና ጌኤዦ ማኣሮ ማዾም ኮይሳ ሜሌ ባኮ ቢያ ኑ ፓጪሳዓኬ።³⁴ዎጎይዳ ሚቺ ዒንጎ ባኮ ዛሎኮ ፃኣፒንቴ ጎይፆና ናንጊና ናንጋ ጎዳ ማዔ ኑ ፆኦዛሢም ዒንጊንታ ባኮ ሚቾንዶ ሃንፂሎ ዎኖ ቶኦካ ዒንጋኒ ኮይሳቴያ ኑኡኒ፥ ዴራ፥ ቄኤሶንታ ሌዊ ዓሶንታ ሌዓ ሌዓ ዒፃ ዓጊሢና ኑ ዱማሳንዳኔ።³⁵ማኣሎ ኑኡኮ ኑ ቡራኣና ዱማ ዱማ ሚፆኮ ዓኣፖ ኑ ማንፃ ዓጊኖና ቤርታ ካፄ ቲሻሢ ጌኤዦ ማኣሪ ዔኪ ሙኪ ሙኪ ኑ ዒንጋንዳኔ።³⁶ኑኡኒ ፔቴ ፔቴሢ ሾዓ ዓቲንቆ ናኣቶኮ ቶይዶ ዔኪ ጌኤዦ ማኣሮይዳ ማዻ ቄኤሳሢም ሺኢሺሢና ዎጋ ዓይሣ ጎይፆ ፆኦሲም ዱማዼያ ኑ ማሃንዳኔ፤ ሃሣ ኑኡኮ ባኣቶና ማራቶና ዋኣሮናይዳፓ ሾይንታ ናኣሮንታ ማራናኣቶንታ ዋናናኣቶንታኮ ቤርታሳዞንሢ ቢያ ፆኦሲም ኑ ዱማሳንዳኔ።³⁷ኑኡኒ ቡኩሴ ሃኣኮኮ ቤርቶ ዺኢሎ ዔኪ ጌኤዦ ማኣራ ማዻ ቄኤሳሢም ኑ ዒንጋንዳኔ፤ ሜሌ ሃሣ ዎይኖ ዑዣ፥ ዛይቶ ሪሚቶንታ ዬያጉዴ ባኮ ዓኣፖኮ ቢያ ቤርቶ ፆኦሲም ዒንጋኒ ኑ ሺኢሻንዳኔ። ኑኡኮ ጎዦ ዛሎ ጊኢሮ ጊኢሪሻ ሌዊ ዓሶም ኑኡኮ ጎዣ ካፂሳ ሃኣኮይዳፓ ታጶኮ ፔቴ ኩቺ ኑ ዒንጋንዳኔ።³⁸ታጳፓ ፔቴማ ዒንጊንታ ዎዶና ሾይንታ ዓኣሮኔ ፃጳፓ ማዔ ቄኤሳ ሌዊ ዓሶና ዎላኬ፤ ጌኤዦ ማኣሮ ማዾም ሌዊ ዓሳ ታጳፓ ፔቴማ ቡኩሲሳሢኮ ጊንሣ ታጳሢኮ ፔቴማ ኬሲ ኬሲ ጌኤዦ ማኣሮኮ ሜሆ ጌሦ ማኣሮ ጌልዛንዳኔ።³⁹ዒስራዔኤሌ ዴሮንታ ሌዊ ዓሶንታ ሃኣኮይዳፓ፥ ዎይኖ ዑዦና ሪሚቶ ዛይቶናይዳፓ ቡኩሶና ዒንጊፆ ጌኤዦ ማኣራ ማዾ ማዺንቶ ሜሃ ጌሢንታ ቤዞ፥ ዒኢካ ማዻ ቄኤሶንታ ካፓ ዓሶንታ ዓይኑሞ ዓይናዻ ዓሳኣ ዴይ ሃውሻ ቤዞ ማዔ ሜሆ ጌሦ ማኣሮ ዔኪ ዬዓንዳያ ኮይሳኔ። ኑ ፆኦዛሢኮ ማኣሮ ፔቴታዖ ኑኡኒ ዋላዓኬ።

ኔሄሚያ ማፃኣፖ 10 / mdy_twf

ጊኢጊ ዎላ ቱኮና ባኮ

ኔሄሚያ ማፃኣፖ10mdy_twf