نَاحُومْ1rif_ati

أَوَاڒْ ن نَاحُومْ خْ نِينْوَا

1ڒْحُوكْمْ إِسَّاڭّْوَاذنْ خْ نِينْوَا. أَذْلِيسْ ن ڒوْحِييْ ن نَاحُومْ، أَلْقُوشِي.
2أَلِيفْ. - أَربِّي إِتَّاسْمنْ ؤُ سِيذِي إِنْثَاقَامْ، سِيذِي ذ أَنقَّامْ ؤُ نتَّا ذ بَابْ ن وسْعَارْ. سِيذِي ذ أَنقَّامْ إِ ڒْعذْيَانْ نّسْ، نتَّا إِڭَّا ڒْعذْيَانْ جَارْ ثِيطَّاوِينْ نّسْ.3سِيذِي غَارسْ تَّاسِيعْ ن ڒْخَاضَارْ ؤُ جّهْذْ نّسْ إِمْغَارْ ؤُ نتَّا وَارْ إِتّْبَارِّيعمَّارْصْ ونِّي إِتّڭّنْ دّنْبْ. بِيثْ. أَبْرِيذْ ن سِيذِي ذِي ثْحَارْيَاضْثْ ؤُ ذڭْ ؤُسمِّيضْ، إِسيْنُوثنْ أَقَا أَثنْ ذ ثَاعجَّاجْثْ ن إِضَارنْ نّسْ.
4ڭِيملْ. - نتَّا إِوبّخْ ڒبْحَارْ، إِتَّارَّا إِ-ث يُوژغْ، مَارَّا إِغزْرَانْ إِتّجَّا إِ-ثنْ تَّاژْغنْ. ذَالِيثْ. بَاشَانْ ذ كَارْمَالْ سْڒَاونْ، ؤُڒَا ذ نُّووَارْ ن لُوبْنَانْ إِسْڒَاوْ.5هِي. - إِذُورَارْ تَّارْجِيجِينْ زَّايسْ، ؤُ ثِيوْرِيرِينْ فسّْينْثْ، وَاوْ. ؤُ ثَامُّورْثْ ثتّْوَاسّْڭعّذْ-د زَّاثْ إِ وُوذمْ نّسْ، ؤُڒَا ذ مَارَّا وِي خَاسْ إِزدّْغنْ!6زَايِينْ. - وِي إِزمَّارنْ أَذْ إِقِّيمْ إِبدّْ زَّاثْ إِ وسْخضْ نّسْ، ؤُ وِي إِزمَّارنْ أَذْ إِكَّارْ زَّاثْ إِ ڒْحَاذُوقْ ن وغْضَابْ نّسْ؟ خِيثْ. أَسْعَارْ نّسْ إِتّْوَاكبّْ-د أَمْ ثْمسِّي ؤُ ثِيصُوضَارْ تّْوَاقدْجْعنْثْ-إِ-د زَّايسْ.
7ثِيث. - إِشْنَا سِيذِي إِ دُّورِّي ذڭْ وَاسّْ ن ڒحْصَارثْ. يُوذْ. نتَّا إِسّنْ مَارَّا إِنِّي غَارسْ يَاركّْوَاڒنْ.
8كَافْ. - س يِيشْثْ ن ڒْحمْڒثْ إِفيّْضنْ أَذْ يُوقَا أَمْشَانْ نّسْ ؤُ ڒْعذْيَانْ نّسْ أَذْ ثنْ إِضْفَارْ، أَڒْ غَا يَاذْفنْ غَارْ ثَادْجسْثْ.
9مِيمْ. - مِينْ ثْخَارّْصمْ خنِّي خْ سِيذِي؟ نتَّا أَذْ ث إِقْضَا قَاعْ. أَغُوفِي وَارْ د-إِتِّيسْ مَارْثَاينْ.10أَقَا نِيثْنِي تّْوَامُوذنْ عَاذْ أَمْ شْبَارْقْ أَكْ-ذ إِسنَّاننْ، ؤُغلَّانْ أَمْ يِيمسْشَارنْ، أَمُّو إِ غَا تّْوَاشّنْ نِيثْنِي قَاعْ أَمْ ؤُڒُومْ يُوژْغنْ.11زَّايكْ إِ د-إِفّغْ ونِّي إِتّْخَارّْصنْ ذِي مِينْ وَارْ إِحْڒِينْ خْ سِيذِي، أَمْشَاوَارْ إِ وَارْ إِسكّْوِينْ وَالُو.
12أَمُّو إِسَّاوَاڒْ سِيذِي: وَاخَّا نِيثْنِي تّْفڒْحنْ ؤُ دْجَانْ ذڭْ وَاطَّاسْ، وَاخَّا أَمنِّي نِيثْنِي أَذْ تّْوَاقسّنْ ؤُ نتَّا أَذْ إِعْذُو. وَاخَّا نشّْ ڭِّيغْ خَاكْ أَغِيڒْ، مَاشَا نشّْ وَارْ خَاكْ تّڭّغْ أَغِيڒْ عَاذْ.13ڒخُّو أَذْ أَرْژغْ أَزَايْڒُو نّسْ إِ خَاكْ إِمَّارْسنْ، ؤُ نشّْ أَذْ شَارّْڭغْ ثِيسْغُونِينْ نّشْ.
14سِيذِي إِوصَّا خَاكْ، أَقَا وَارْ زَّايكْ إِتِّيڒِي عَاذْ حذْ س يِيسمْ نّشْ. نشّْ أَذْ قضْعغْ ڒخْيَاڒَاثْ إِنقْشنْ ذ ڒخْيَاڒَاثْ إِفسْينْ زِي ثَادَّارْثْ نّشْ. نشّْ أَذْ ڭّغْ أَنْضڒْ نّشْ، مَاغَارْ ؤُفِيغْ شكْ ثفْسُوسذْ.
expand_more
Search