ಯೆಸು ರಾಜಾ಼ ಲಿಂಗತ ಯೆರುಸೆಲೆಮಾ ಗಯಲ
1ತ್ಯುನೆ ಯೆರುಸಲೆಮ್ನಾ ನಜಿಕ ರ್ಹಯಲ ಬೆತ್ಪ ವರಿ ಬೆಥಾನ್ಯ ಐನ ತೆಲನಾ ಝಾಡನಾ ಡೊಂಗರೊಕನ ಗಯಾ ಯೆಸು ತಿನಾ ಶಿಷ್ಯಾವೊಮಾನಾ ಬೆಜ಼ನಾವೊನೆ ಬಲೈನ ತಿನಾ ಅಗೊ ಮೊಕಲ್ಯೊ2ತ್ಯುನೊನೆ ಅಮ್ಮ ಕೈನ ಮೊಕ್ಕಲ್ಯೊತುಮಾರಾ ಕ್ಹಾಮು ರ್ಹಯಲ ಗಾಮೆ ಜಾವೊ ; ತ್ಯಾ ಭಾಂದಲ ಕುನ್ನಜ಼ ನೈ ಚ಼ಡಲ ಯಕ್ಕ ಗದಡಾನು ಬಚ್ಚು಼ ತುಮೆ ದೆಕೊಸಿ ; ತಿನೆ ಛೊಡಿನ ನ್ಹ್ಯಾ. ಧರಿನ ಲಿನಾವೊ.3ತುಮೊನೆ ಕುನ್ನಬಿ ಪುಚ್ಯುಮ ಮಾಲಕನೆ ಎ ಚಾ಼ಯೆಥೈಯುಸ ವರಿ ತೆಳಾನ ತೆಳಾಮಾಜ಼ ತಿನೆ ಫರಿನ ಮೊಕ್ಲಸ-4ತೆ ಶಿಷ್ಯಾ ಗೈನ ಗಾಮ್ನಾ ವಾಟೆ ರ್ಹಯಲ ಘರನಾ ಬಾಕಲ್ನಾ ಕ್ಹಾಮು ಗದಡಾನಾ ಬಚ್ಚಾ಼ನೆ ಭಾಂದಲ ದೆಕಿನ ಪಾಚಾ಼ತಾ ತ್ಯುನೆ ತಿನೆ ಛೊಡತಾಮಾ.5ತ್ಯಾ ಹುಬ್ರಯಲ ದಕ್ಹಾ ಜ಼ನಾ ದೆಕಿನ - ಆ ಬಚ್ಚಾ಼ನೆ ಛೊಡಿನ ತುಮೆ ಸು ಕರೊಶಿ?6ಕೈನ ಪುಚ್ತಾಮಾ ತ್ಯುನೆ ಯೆಸು ಕದಲತಿಮ್ಮ ತ್ಯುನೆ ಕತಾಮಾ ತೆ ಮನಕ್ಹೊ ಲಿನ ಜಾ಼ವಾನೆ ದಿದ್ಯಾ.7ಶಿಷ್ಯಾ ತೆ ಬಚ್ಚಾ಼ನೆ ಯೆಸುಕನ ಲೈನ ತಿವ್ನಾ ವಣ್ಣಾ ತಿಪರ ಘಾಲ್ತಾಮಾ ಯೆಸು ತಿಪರ ಚ಼ಡಿನ ಬೈಟ್ಯೊ.8ತೆಳಾಮಾ ಘನ್ನಾಜ಼ನಾ ತಿವ್ನಾ ವಣ್ಣಾ ಕಾಡಿನ ವಾಟಪರ ವಚ್ಚಾ಼ಯಾ ವರಿ ದಕ್ಹಾಜ಼಼ನಾ ತ್ಯುನಾ ಮಳಾಮಾತಾ ಗರಿಯೊ ಕತ್ರಿನ ಲೈನ ವಾಟಪರ ವಚ್ಚಾ಼ಯಾ.9ಯೆಸುನಾ ಅಗಾ ಪಾಚಾ಼ ಜಾ಼ವಾಲಾ ಕ್ಹುದಾನೆ ಸ್ತೊತ್ರಾ. ಕರ್ತಾನಾ ನಾಮಪರ ಆವಾಲಾನೆ ಆಶಿರ್ವಾದ10ಹಮಾರೊ ಬಾ ಥಯಲ ದಾವಿದನಾ ರಾಜ್ಯನೆ ಕ್ಹುದಾ ಆಶಿರ್ವಾದ ದಿವಾದೆ ತೆ ರಾಜ್ಯ ಆವಾಡ್ಯೊಸ ಸ್ವರ್ಗಮಾ ರ್ಹಯಲ ಕ್ಹುದಾನೆ ಸ್ತೊತ್ರಾ ಕೈನ ಜ಼ೊರ ವದ್ರ್ಯಾ.11ತೆಳಾಮಾ ಯೆಸು ಯೆರುಸಲೆಮ ಗೈನ ದೆವಾಲಯಮಾ ಗೈನ ಸುತ್ತೆ ಕ್ಹಾರು ದೆಕಿನ ತೆಕ್ಲಾಮಾಜ಼಼ ಕ್ಹಾಂಜ಼ ಥೈಗಯಲಹುತಿ ಬಾರಾ ಶಿಷ್ಯಾವೊನೆ ಬಲೈನೆ ಬೆಥಾನ್ಯ ಗೈ ಪಾಡ್ಯೊ.ಉOಬ್ರೊನಾ ಝಾಡನೆ ಯೆಸು ಶಾಪ ದಿದಲ
12ಮರನಾದಿನೆ ತ್ಯುನೆ ಬೆಥಾನ್ಯ ಛೊಡಿನ ಆತಾಮಾ ಯೆಸು ಭುಕ್ಕೊ ಥಯೊತೊ.13ವರಿ ಪಾಲೊ ಛೊಡಲ ಉOಬ್ರೊನು ಝಾಡ ದುರ ರ್ಹಯಲ ದೆಕ್ಯೊ. ತಿಮಾ ತಿನೆ ಖಾವಾನೆ ಸುಬಿ ಮಳಸ ಕೈನ ತಿನಾ ನಜಿಕ ಗಯೊ. ತಿನಾ ನಜಿ಼ಕ ಆತಾಮಾ ತಿಮಾ ಪಾಲೊ ಛೊಡಿನ ಬಿಜು಼ ಸುಜ಼ ದಿಖ್ಯ್ಹನೈ ತೆಳಾಮಾ ಉOಬ್ರೊನಾ ಫಲನೊ ದಿನ್ನ ನ್ಹೊತೊ.14ತೆಳಾಮಾ ಯೆಸು ತೆ ಝಾಡನೆ - ಇತ್ತಿ ಉಪ್ಪರ ಯಕ್ಲೊಬಿ ತುಕನ ಫಲ ಹಮೆಶಾಬಿ ಖೌ ನೈಸೊ ಥಾವಾದೆ. ಕದ್ಯೊ. ತಿನಾ ಶಿಷ್ಯಾ ತೆ ವಾತ ಐಕ್ಯಾ.15ತ್ಯುನೆ ಯೆರುಸಲೆಮೆ ಆತಾಮಾ ಯೆಸು ದೆವಾಲಯಮಾ ಗೈನ ತಿಮಾ ವ್ಯಾಪಾರ ಕರಾಲಾವೊನೆ ಲಿವಾಲಾವೊನೆ ದೊಕಡಾ ಬದ್ಲಿ ಕರಾವಾಲಾವೊನೆ ಮೊಕ್ಕಲಿಪಾಡಾನು ಶುರು ಕರ್ಯೊ ತಿವ್ನಾ ಟೆಬ್ಲೊ ಕ್ಹಬುತರನಿಯ್ಯೊ ಕುರಚಿಯೊ. ಪಾಡಿಪಾಡ್ಯೊ.16ಯಕ್ಲಾನೆಬಿ ಸಾಮಾನಲಿನ ದೆವಾಲಯಮಾ ನಿಂಜಾ಼ವಾನೆ ದಿದ್ಯೊನೈ.17ವರಿ ತೆ ಕ್ಹುದಾನಿಯೊ ವಾತೊ ಕೈನ- ಮಾರಿ ಆಲಯ ಕ್ಹಾರಿ ಜ಼ನಾಂಗನೆ ಪ್ರಾಥನಾನು ಘರ ವ್ಹೈ ಕೈನ ಕವೈಲಿವಸ ಕೈನ ಬರ್ದಲ ಛೆ ತೊ? ತುಮೆ ತೆ ಜ಼ಗಾನೆ ಚ್ವಟ್ಟಾವೊನು ಘರ ಕರಿಪಾಡ್ಯಾಸ ಕದ್ಯೊ.18ತೆ ವಾತ ಖಾಸ ಯಾಜಕ ವರಿ ಶಾಸ್ತ್ರಿಯೊ ಐಕಿನ ಯೆಸುನೆ ಕೈ ಉಪಾಯಕ್ಹು ಖಲಾಸಕರಿಯೆ ಕೈನ ಟೈಮ ದೆಕಾಡಾತಾ; ಕಾಕದ್ಯಾಮ ಮನಕ್ಹೊ ತಿನಿಯೊ ವಾತೊ ಐಕಿನ ಘನ್ನಾ ಘಾಬ್ರಾಥೈನ ವರಿ ತಿಕ್ಹು ಭುಚ಼್ಕಾಡ್ಯಾತಾ.19ತೆ ದಿನ್ನಾ ಕ್ಹಾಂಜೆ ಯೆಸು ತಿನಾ ಶಿಷ್ಯಾ ಗಾಮ ಛೊಡಿನ ಭಾರಾ ಗಯಾ.ಉಂಬ್ರೊನು ಝಾಡಕ್ಹು ಶಿಕ್ಕಾನು
20ಪಾಟೆ ತ್ಯುನೆ ಆತಾಮಾ ತೆ ಉಂಬ್ರೊನು ಝಾಡ ಬುಡತುಜ಼಼ ಕುಕ್ಹೈಗಯಲ ದೆಕ್ಯಾ.21ತೆಳಾಮಾ ಪೆತ್ರಾ ಪಾಚು಼ ಥಯಲ ನೆಣಸಿನ ಯೆಸುನೆ - ಗುರು ದೆಕ ತು ಶ್ರಾಪ ದಿದಲ ಉOಬ್ರೊನು ಝಾಡ ಕುಕ್ಹೈ ಗಯುಸ ಕತಾಮಾ.22ಯೆಸು ಸು ಕದ್ಯೊ ಕದ್ಯಾಮ ತುಮಾರೊ ಬರೊಕ್ಹೊ ಕ್ಹುದಾಪರ ರ್ಹವಾದೆ.23ತುಮೊನೆ ಕ್ಹರಿಮಾಜ಼ ಕೌಸ, ಕಯೊಬಿ ರ್ಹವಾದೆ ಆ ಡೊಂಗರನೆ ತು ಕಿತ್ತೈನ ಸಮುಂದರಮಾ ಪಡ ಕೈನ ತಿನಾ ಮನಸ್ಮಾ ಸಂಶೊ ಕರ್ಯಾವಾಚಿ ತೆ ಕೈಲಿದಲ ಥಾವಸ ಕೈನ ಬರೊಕ್ಹೊ ಮ್ಹೆಲ್ಲಿದ್ಯೊಮ ತೆ ಕದಲ ತಿಮ್ಮ ಥಾವಸ.24ತೆ ಕಾರಣಕ್ಹು ತುಮೆ ಪ್ರಾಥನಾಮಾ ಸು ಮಾಂಗಿಲಿವೊಸಿ ತೆ ಕ್ಹಾರು ಮಳ್ಯುಸ ಕೈನ ಬರೊಕ್ಹೊ ಮ್ಹೆಲ್ಯಾಮ ತೆ ಕ್ಹಾರು ತುಮೊನೆ ಮಳಸ ಕೈನ ತುಮೊನೆ ಕೌಸ.25ಎನೈಸೊ ತುಮೆ ಹುಬ್ರೈನ ಪ್ರಾಥನಾ ಕರತಾಮಾ ಕಿಪರಬಿ ತುಮೆ ವಿರೊಧ ರ್ಹಯಾಮ ತುಮೆ ತಿನೆ ಮಾಫಕರೊ; ಮಾಫ ಕರ್ಯಾಮ ಸ್ವರ್ಗಮಾ ರ್ಹಯಲ ತುಮಾರೊ ಬಾ ತುಮಾರಾ ತಪ್ಪೊನೆ ಮಾಫಕರಸ ಇಮ್ಮ ಕದ್ಯೊ.26ತೆನೈಸೊ ತುಮೆ ಬಿಜಾ಼ವೊನೆ ಮಾಫ ನೈ ಕರ್ಯಾಮ, ಪರಲೊಕಮಾ ರ್ಹವಾಲೊ ತುಮಾರೊ ಬಾಬಿ ತುಮಾರಾ ತಪ್ಪೊ ಮಾಫ ನೈ ಕರ್ತೊ.ಯೆಸುನಾ ಅದಿಕಾರನಾ ಹುತಿ ಪುಚ಼ಲ
27ತ್ಯುನೆ ಫರಿನ ಯೆರುಸಲೆಮೆ ಆತಾಮಾ ಯೆಸು ದೆವಾಲಯಮಾ ಫರತಾಮಾ ಖಾಸ ಯಾಜಕೊ ಶಾಸ್ತ್ರಿಯೊ ಮ್ಹೊಟಾ ಮನಕ್ಹೊ ಯೆಸುಕನ ಐನ -28ತು ಎಕ್ಹಾರು ಕೈ ಅದಿಕಾರಕ್ಹು ಕರಶಿ? ಯೆ ಕ್ಹಾರು ಕರಾನೆ ತುನೆ ಕುನ್ನ ಅದಿಕಾರದಿದ್ಯುಸ ಕೈ ತಿನೆ ಪುಚ್ಯಾ.29ಯೆಸು ತ್ಯುನೊನೆ - ಮಿ ತುಮೊನೆ ಯಕ್ಕ ವಾತ ಪುಚ಼್ಚುಸ,ಮನೆ ತುಮೆ ಜವಾಬ ದಿದ್ಯಾಮ ಮಿಬಿ ತುಮೊನೆ ಕಯಾ ಅದಿಕಾರಕ್ಹು ಯೆ ಕರಾಡ್ಯೊಸ ಕೌಸ.30ಬಾಪ್ತಿಸ್ಮ ಕರಾವಾನೊ ಅದಿಕಾರ ಯೊಹಾನನೆ ಕ್ಹುದಾಕಂತೊ ಆಯೊಸು? ಮನಕ್ಹೊಕಂತೊ ಆಯೊಸ? ಜವಾಬ ದಿವೊ ಕದ್ಯೊ.31ತೆಳಾಮಾ ತ್ಯುನೆ - ಕ್ಹುದಾಕಂತೊ ಆಯೊಸ ಕದ್ಯಾಮ ತುಮೆ ತಿನೆ ಕಾ ನಂಬ್ಯಾನತ್ತಿ ಕೈಪಡಸ್ತೊ; ಮನಕ್ಹತಿ ಆಯುಸ ಕದ್ಯಾಮ ಸು ಥಾವಸ ಕೈನ ತಿವ್ನೊ ತಿವ್ನೊಮಾಜ಼ ಬೊಲ್ಲಿವಾಡ್ಯಾತಾ.32ಯೊಹಾನ ಪ್ರವಾದಿ ವ್ಹೈ ಕೈನ ಸುಜ಼ ಸಂಶಯವಾಚಿ ಮನಕ್ಹೊನೆ ಗೊತ್ತ ವ್ಹತ್ತು ಇವ್ನೊನೆ ಮನಕ್ಹೊನು ಭುಚ಼್ಕ ವ್ಹತ್ತೊ.33ಇಮ್ಮ ರ್ಹತಾಮಾ -ಹಮೊನೆ ಗ್ವತ್ತ ನತ್ತಿ ಕೈನ ಯೆಸುನೆ ಜವಾಬ ದಿದ್ಯಾ. ತೆಳಾಮಾ ಯೆಸು ತ್ಯುನೊನೆ ಮಿ ಕೈ ಅದಿಕಾರಕ್ಹು ಎ ಕ್ಹಾರು ಕರುಸ ಕೈನ ನೈಕತೊ.