Gita Bonchon Yerusalaame Geluwa
1Enti Yerusalaame matishe, Shamaho zuma matan de7iya Beetefaagenne Bitaane katamata gakidosona. Yesuusi ba tamaaretape nam7ata sinthe kiittidi,2“Hintefe sinthan de7iya gutaa biite; yaa gelida mela oonika toggiboonna qashon de7iya hare mari hinte demmana, iya billidi, haa eki yiite.3Oonika hintena, ‘Haysa ayis oothetii?’ yaagidi oychiko, ‘Goday iya koyees, ellesidi haa yeddana’ yaagite” yaagis.4Enti bidi, hare mari kare bolla oge matan qashetidi de7eysa demmidi billidosona.5He bessan eqida issi issi asati entako, “Hare maraa waatanaw billeetii?” yaagidi oychidosona.6Iya tamaareti Yesuusi bantana kiittidaysa odin, asati yeddi aggidosona.7Enti hare maraa Yesuusako ehidi, banta ma7uwa iya zokon hiixin Yesuusi he hare maraa toggis.8Daro asay banta ma7uwa ogiyan hiixidosona; qassi harati mitha tashe tashidi, ogen hiixidosona.9Yesuusape sinthara hemetiya asaynne iya kaalliya asay banta qaala dhoqu oothidi,“Hosaana! Xoossay galatetto!Godaa sunthan yeysi anjetidaysa.10Godaa sunthan yaa nu aawaDawita kawotethay anjetidaysa.Ubbaafe Bolla Salonde7iya Xoossay galatetto”yaagidosona.11Yesuusi Yerusalaame bidi, Xoossaa Keetha gelis. Qassi ubbaba yuuyi xeellidaape guye, sa7i qammiya gisho, tammanne nam7u tamaaretara Bitaane katama bis.Yesuusi Baaddida Balase Mithiw
12Wontetha gallas enti Bitaanepe keyidi bishin, Yesuusi koshatis.13Haahon issi balase mithiw haytha xalaala ma7a uttidaaro be7idi, I bolla ayfey bentiko gidi, be7anaw iiko bis, shin iiko I biya wode, haytha xalaalape attishin, issi ayfeka demmibeenna; ayis giiko, balasey ayfiya wodey gakibeenna.14Yesuusi he balasiw, “Hiza, asi neepe merinaw ayfe moopo” yaagis. Iya tamaareti I geysa si7idosona.Xoossa Keethan Zal7eyisata Kessis
15Enti Yerusalaame bidosona; Yesuusi Xoossa Keethi gelidi, yan bayzeysatanne shammeyisata kare goodo oykis; qassi miishe laammeyisata xarpheezanne holle bayzeyisata oydiya shiri yeggidi,16asi aybibaaka tookidi, xoossa keetha giddora aadhona mela diggis.17Yesuusi asaa haysada yaagidi tamaarsis: “Geeshsha Maxaafan, ‘Ta keethay asi ubbay Xoossaa woossiya keethi gidana’ geetetidi xaafetis. Shin hinte iya pangati qosetiya gongolo oothideta” yaagis.18Kahine halaqatinne higge astamaareti hessa si7idi, iya wodhanaw oge koydosona. Shin daro asay iya timirtiyan malaaletiya gisho, iyaw babidosona.19Sa7ay omarsiya wode Yesuusinne iya tamaareti katamaape gaxa keyidosona.Balase Mithiya Melasu
20Enti wontetha gallas he ogiyara aadhishe, he balasiya xaphora melidaaro be7idosona.21Phexroosi akeekidi, “Astamaariyaw, Heko, neeni baaddida balasiya melasu” yaagis.22Yesuusi zaaridi, “Xoossaa ammanite.23Taani hintew tuma odayis; oonika ba wozanan sidhonna gidabay hananaysa ammanidi, ha zumaa, ‘Dendada abban kunda’ yaagiko iyaw hanana.24Hessa gisho, taani hintew odayis; Xoossaa hinte woossiyabanne oychiyaba ayba gidikoka ekidaada ammanite, hinte ekana.25Xoossaa woossanaw hinte eqiya wode, salon de7iya hinte Aaway hinte nagara atto gaana mela, oonika hintena naaqidabay de7iko, iyaw atto giite.26Shin asa nagara hinte atto goonna ixiko, salon de7iya hinte Aawayka hinte nagaraa hintew atto geenna” yaagis.Yesuusa Maatay Oyshetis
27Enti zaaridi Yerusalaame bidosona. Yesuusi xoossa keethan hemetishin, kahine halaqati, higge astamaaretinne cimati iyako yidi,28“Neeni haysa oothanaw new ay maati de7ii? Woyko new ha maata immiday oonee?” yaagidosona.29Yesuusi zaaridi, “Ta hintena issiba oychana, taw odite. Ta qassi haysa ay maatan oothiyako, hintew odana.30Yohaanisa xinqatey Xoossafeye woyko asapee? Taw odite” yaagis.31Enti banta giddon palama doomidi, “Nuuni, ‘Xoossafe’ giiko, I nuuko, ‘Yaatin, Yohaanisi odidaysa ayis ammanibeketii?’ yaagana.32‘Asape giiko’ asa ubbay Yohaanisi nabe gideysa eroosona.” Hessa gisho, asaas yayidosona.33Hessa gisho, enti Yesuusako, “Nuuni eroko” yaagidi zaaridosona. Yesuusi, “Taanika haysa ay maatan oothiyako, hintew odike” yaagis.