1Mil Iesu ga papaalii biaa xolot ma ga laa lalon xolot ina Judaia ma ga tabaxi daansel Jodan. Malep di sebula xaalame sangan ma ga asingan di malen xan namaang.2Biexaa Paarasi di xaalame sangan ia ngali le xonon. Di atsuraa, â A tutiik ngali xa taamat naba atsiplii xan tubu?â3A xisi, â Sen maarang xaawe Moses tii paare watwat ngali gim na xosaraa?â4Di we, â Moses asiir ngali taamat naba atalaa xa lan perper ngali atsiplii aina ma tulen ia laa.â5Iesu a xisi, â Tii weaatia amuina nagim no butsa tii taban, biaabi Moses tii ga atala abala lo.6Oro sin atiltsoli ina axoxos, â Moroaa a xosaraa taamat ma aina.â7â Biaabi taamat naba papaalii xan mom ma nagaa ma na laa man etaxaa mii xan tubu.8Ma delu se tsap xuuk mu.â Ma delu se xap lua oro delu se tsap pakpak ta xuuk mu.9Biaabi Moroaa ga se esumae ngen delulu ma na xap xa taamat na atsiplii delulu.â10Biaa di ta se manman naanua sebula, xan no tsi asasing di ga atsuraa Iesu taman abala.11A xisi, â Saa ia ta atsiplii xan tubu ga maxis sin aina xaatsap, iwaa taamat a se matul mii iwaa xa ta xap maxis sin.12Ma nawe aina atsiplii xan maxis, ma ga maxis sin taamat xaatsap, a se matul mii iwaa xa ta xap maxis sin.â
Iesu atubudaani no tsi dokdok
13No inaman di le tali xadi no tsi dokdok sin Iesu ngali naba taxaanai di, oro no tsi asasing di ga imii di.14Biaa Iesu ta lasi abala, asuk magaa, ga paare sin di, â Gim papaalii abia no tsi dokdok di na xaalame sangan iaa. Gim nangaam tilbanti di. Amuina xan Maradaan Moroaa xadi abia di, ta malen abala no tsi dokdok.15Iaa suk asaaiti gim taman so. Saa ta xap adi xan Maradaan Moroaa malen xa tsi dokdok naba suk xap tsiga.â16Ma ga giwaa no tsi dokdok lalon no liman, aturungi liman papan di ma atubudaani di.
Untang xulaau
17Iesu a se tiltsoli ngali es laa, o iexa taamat ga sol laa sangan, ma ga sage putput laamuaan ia ga atsuraa, â Unaasasing axaau, iaa na xosaraa semaarang ngali adi tino laaliu?â18Iesu ga xisi, â Ngalisa u ta putsangi iaa axaau? A xap xa na axaau oro Moroaa mu.19U atii no lo: â Nangaam sas amantei xa, nangaam matul mii xa aina ta xap num tubu, nangaam pula, nangaam paare dadare, nangaam apanaai xa, u na manglen num mom ma nagaa.â â â20Ga paare, â Unaasasing, iaa tii suk long amusili abala no lo araraa, sin iaa tii tsi dokdok tsaa.â21Iesu asuk nanen tutiik sin ia taman titii ma ga paare, â U muun tsaa ngali was ta xuuk, u na laa sune taman num no maarang araraa, ma u na tabali no muunwas, ngali u ba ie was axaau balalangit. Mil xaalame, le amusili iaa.â22Sin abala, no matan taamat asuk birawis, ma ga suk es laa taman lolbiir amuina ia untang.23Iesu a nanen iʼis ma ga paare ngali xan no tsi asasing, â A suk lelep buxa ngali xa untang ngali tsiga lalon xan Maradaan Moroaa!â24No tsi asasing di suk tunga sin xan no totore. Oro Iesu ga sebula paare, â No tsi, asuk lelep buxa ngali tsiga lalon xan Maradaan Moroaa!25Asuk malus mu ngali xa kemal na tsiga lalon mat ina nil, ngen xa untang ngali tsiga sin xan Maradaan Moroaa.â26O no tsi asasing di suk olol buxa, ma di ga paare engen di, â O saa naba pupua ngali adi tino laaliu?â27Iesu a matngen di ma ga paare, â Taamat a xap pupua ngali xosaraa abala no maarang, oro a xap sin Moroaa, a pupua ngali xosaraa no maarang araraa.â28Pita ga paare ngali ia, â Giem se poroklii no daan maarang araraa, ngali amusili iu!â29Iesu ga xisi, â Iaa asaaiti gim taman so. Nawe xa tii se papaalii xan no matenaanua, o xan no turamasen, o no moton, o nagaa, o mom, o xan no tsi, o xan no uma ngali iaa ma ngali inesaait mamainaang,30mil naba adi no sangsangaul axuuk ina iliil lapalaa buxa, sin no leng ta manman sin abala tino ma Moroaa naba tali no daan maarang buxa ngen abia no ti laamua. Naba tali no anua ma no turamasen, no moton, no nagaa, ma no tsi, ma no uma. Oro biexaal di ba asosongi ia ma mil sin xapkap ina, naba ie tino laaliu.31Oro xuduxudu biaa di ta lalaamua di ba amil o biaa di ta a mil di ba lalaamua.â
Iesu a paare taman xan minet
32Sin xadi ines laa lalon sal xaali lapalaa Jerusalem, Iesu a es laamuaan di. Ma no tsi asasing di tii ga suk tunga ma biaa di, di tii es amil di suk mataa. Ma ga sebula gii tsaxali sangaul ma ga laa lua ina tsi asasing laa sin gelgel o tii ga asaaiti di, taman sen maarang naba ta tsap sin ia.33Ga paare, â Gita ba laa lapalaa Jerusalem. Xan Tsi Taamat di ba babel tali laa papan no liman no lalaamua ina no unsausawit ma no unaasasing ina lo. Di ba atutali minet sin ia. Di ba tali ia laa sin no Gentail,34ma di ba reret ngen ia ma di ba ibisi ia. Di ba ririiti ia taman ririit ma sas amantei. Mulina no leng ta tuul, naba sebula tapaas mula.â
Xan ningning Jeims ma Jon
35Mil Jeims ma Jon, xan no tsi ilaa Sebedi, delu xaalame sangan ia. Delu paare, â Unaasasing, gelu saan ngali una xosaraa sawe gelu ta atsuraa iu ngali.â36Ga atsura, â Sen maarang xaawe gulu saan ngali iaa ba xosaraa ngali gululu?â37Delu xisi ia, â Gelu saan ngali u na siir tali xa ina gelulu na tsotso sin num lima mua o xa sin lima xaiaar, sin num minaalam.â38O Iesu ga paare, â Gulu xap atii sa maarang gulu ta atsura ngali. A pupua ngali gulu ba nun lalon abia sobuk iaa ba ta nun taman? O a pupua ngali gulu ba axaxadaan bula taman abia axaxadaan iaa ba axaxadaan taman?â39Delu xisi ia, â Iou, gelu pupua!â Iesu ga paare ngali delulu, â Gulu ba nun lalon abia sobuk iaa ba ta nun lalon, ma gulu ba axaxadaan taman abia axaxadaan iaa ta axadaan taman.40Oro ngali tsotso sin nugu lima mua o sin nugu lima xaiaar, iaa xap pupua ngali tali. Balawaa no xolot ngali abia mu delulu, Moroaa ta se taxaaturungi.â41Biaa sangaul ina no tsi asasing di ta alongmen abala, di suk magaa ngali Jeims ma Jon.42Iesu a ilei axumuli di ma ga paare, â Gim atii we, biaa di, di ta we, di no lalaamua ina no Gentail, di orong papan di. Ma xadi no lalaamua lapalaa, di ie banam papan di.43Gim nangaam malen di. Nawe xa a saan ngali naba lot labatina gim, na suk xosaraa ia tsaa malen untutule.44Nawe xa ina gim a saan ngali naba tsap lalaamua, ia na malen untutule sin no inaman araraa.45Sin abia uk sal, Xan Tsi Taamat a xap xaalame ngali no inaman di ba taxaa ngali ia. Oro a xaalame ngali naba tiltsomi di, ma ngali tali xan tino malen xa iliil ngali no inaman araraa, di ba adi tino laaliu.â
Iesu atoaa taamat matababa
46Mil di tii ga xaalame Jeriko. Biaa Iesu mii xan no tsi asasing ma biaa malep di ta poroklii abia inaman laba, iexa matababa, iesan Bartimeus (xan tsi ilaa Timeus) a tsotso sin gelgel ina sal ma ga lo ningning ngali xakaa was.47Biaa tii alongmen we Iesu in Nasaret, asuk xuup lot, â Iesu, xan tsi Dewit, u na ie biirbirum sin iaa!â48Xuduxudu ina di, di suk imii ia, di ga paare ngali na bong. Oro asuk xuup lot buxa, â Xan tsi Dewit, u na ie biirbirum sin iaa!â49Iesu atilwat ga paare, â Ilei ia.â Ma di ga ilei aia matababa, di ga paare, â U na suk taton! U na tapaas, a ilei ngali iu.â50Ga lii xan laplap disdis laa sin gelgel, apistapaas ma ga xaalame sangan Iesu.51Iesu atsuraa ia, â U saan ngali ina xosaraa sa susum?â Matababa a xisi, â Rabai,iaa saan ngali nanen.â52Iesu ga paare, â Laa. Num tinaalnge a se atoaa iu.â Tiwaa tsaa tii suk pupua ngali nanen ma ga es amusili Iesu lalon sal.