1Jesuh cun mlawnga khana kai lü, Kalile tuili leh pah lü a venak Kapenawm mlüha cit beki.2Acuia a kut khaw xoki khyang mat cun kyäp üng a ngjännak üng Jesuha veia ami kawh law. Jesuh naw ami jumnak hmuh lü, â Ka ca aw, käh ng'äa, na mkhyekatnake cun mhlät päng ni,âa ti.3Acunüng thum mthei he akhäk naw ami mlung kâ uma, â Hin naw Pamhnam ksekha na veâ ti lü ngaikie.4Acunüng pi Jesuh naw ami mlung kâ uma ami ngaih jah ksing lü, â Ivai am dawkia nami ngaikie ni?â5A kut khaw xoki üng, â Na mkhyekatnake cun mhlät päng ni, ti mä ajä?am ani üng â Tho law lü citaâ ti mä ajä?â6Khyanga capa naw khawmdek khana mkhyekatnake jah mhlätnaka johit taki ti nami ksing vaia, ti lü, akxo üng, â Tho law lü, na ngjännak phak lo lü na ima cit beaâa ti.7Akxo cun tho law lü a im da cit beki.8Khyang he naw ami hmuh üng cäi law u lü, acukba khyang üng akdaw pekia Pamhnam cun mhlünmtaikie.
Jesuh naw Mahte khüki
9Acuna hnün ceh ta lü Jesuh a ceh hü üng, Mahte ngming naki khyang mat, ngcawn ngcawnaka im üng a na ngaw se hmuh lü, â Na läk lawa,â ti se, Mahte naw tho law lü Jesuh läki.10Jesuh naw Mahtea ima buh a ei kâ um üng, ngcawng nglawke ja mdimei khyang he law u lü Jesuh ja axüisaw hea hlawnga ngaw law hngakie.11Pharise he avang naw hmuh u lü axüisaw hea üng, â Ivai nami saja ngcawn nglawke ja mdimei khyang hea dä ei yümkie ni?â ami ti.12Jesuh naw ngja lü, â Khyang kphete naw dawkta am hlü u, khyang kune naw ni dawkta ami hlü.13Keia hlüei ta mpyeneinak ni, khyüngsei am ngkengtaihnak am ni,â ti hin i a ti hlünak ni? Cit u lü va ngthei ua. Isetiüng ta â Khyang ngsungpyune jah khü khaia ka lawki am ni, mdimei khyang he jah khü khaia ni ka law.â
Ei Jeiha mawng Ngthähnak
14Acunüng Baptican Johana hnukläke Jesuh veia law u lü, â Ise keimi ja Pharise he ahüt hüt üng ei jeih u üng se nanga na hnukläke ei am jeih khawikie ni?â ti lü Jesuh ami kthäh u.15Jesuh naw, â Khine cun Cambumkia hlawnga ami vea küt üng, a khine ei kaa ve khai hea nami ngaikie aw? Am ve u! Acunsepi cambumki a khine am ami ngkya lawa mhnüp pha law khai, acunüng amimi naw ei jeih khaie ni,âa ti.16U naw suisak kphyüm akthai am am bu khawi. Acukba ami bu üng akthai naw akphyüm ei päk se angbaüa päk law dämdäm khai.17Acuna kba ni, u naw awi kphyüm üng capyit tui sü am than khawi u. Acukba ami than üng awi se law lü capyit tui sü ngsawi päih lü, awi pi pye khai. Capyit tui sü cun awi kthai üng ni ami than khawi. Acukba ami than üng va ani nghngih am pye thei ni.
Judah ngvaia canu ja Jesuha kcu hneki Nghnumi
18Acukba ngthu a pyen k'um üng, Judah ngvai mat Jesuh veia law lü a mkhuk am ngdängki naw, â Ka canu tuh hi thi ve. Acunüngpi law lü, na kut a khana na taih law üng ta xüng law be khai niâ ti lü, a nghuinak.19Acunüng Jesuh naw tho law lü läk se axüisaw he naw pi läk hngakie.20Nghnumi mat, khawkum xaleinghngih a thi put lü khuikhaki Jesuha hnua law lü, a kcu mdawngca a hneh.21Acuna nghnumi naw, â A suisak mdawngca hleng ka hneh üng ta ka daw be khai niâ ti lü ngaieiki.22Jesuh naw nghlat law lü ani a hmuh üng, â Ka canu aw, käh cäia. Na jumeinak naw ning mdaw be ve,âti se, acunja nghnumi cun daw beki.23Acunüng Jesuh Judah ngvaia ima va lutki. Yawk kcing tumkie ja kyahkie a jah hmuh vai üng,24â Avan kpunga cit ua! Ahina nghnumica thiki am ni ipki niâti se, acun he naw ami yaihei.25Cunüngpi khyang he kpunga ami va luh ja, Jesuh nghnumicaa venak im kâ uma lut lü a kut üng kaih se tho law beki.26Acuna mawng cun khaw lum üng ngthang hüki.
Jesuh naw a Mikmü xawi a jah mdaw be
27Jesuh acun üngka naw a va ceh üng, amikmü nghngih naw läk ni lü, â Aw, Davita capa jah mpyeneiaâ ti lü ngpyangki xawi.28Jesuh ima kâ uma a luh üng, amikmü xawi a veia law ni se, Jesuh naw â Kei naw ka ning jah mdaw be khawh khai ti nami jumki awâti se, â Bawipa aw, kani jumki niâ ani ti.29Acunüng Jesuh naw ani mik jah hne lü, â Nani jumeia mäiha thawn seâa ti.30Acunja ani mik vai law be se Jesuh naw, â U üng pi käh nani mtheh vaiâti lü a jah ksük.31Acunüngpi ani va ceh jah Jesuha mawng cun khaw avan üng ani sang hü.
Akâ ang Jesuh naw a mdaw be
32Acun üngka naw ami va ceh üng, khawyaia venak akâ ang khyang mat Jesuha veia ami lawpüi u.33Jesuh naw khawyai a ksät käna acuna khyang ngthuhei law be thei se, khyang he naw â Hina mäih Isarele üng am mi hmuh khawiâ ti lü müncannakie.34Acunsepi pharisee naw, â Hin naw khawyaiea ngvai naw a peta johit am khawyaie jah ksät veâ ti lü pyeneikie.
Jesuh naw khyang he jah Mpyeneiki
35Jesuh mlühe naküt, ngname naküt üng cit hüki. Sinakoka kâ uma jah mthei hü lü, Pamhnama khawa mawng thangkdaw pyen hüki. Am phetkie ja hlikhaü mjüküm naw a jah pawhe naküt jah mdaw beki.36Jesuh naw khyang päe, toksäm am ve se khuikhakia toca hea mäih a jah hmuh üng aktäa jah mpyeneiki.37Acunüng Jesuh naw axüisaw hea üng, â Cang hmin lü da sepi, at lü mkhäm khai ngcek ve,â38Cangmah naw cang at khai khawhah a tüih law vaia cangmaha veia ktaiyü uaâa ti.