Read مَتِيُ 7

مَتِيُ7sus_apb

وُرِ قُحِ نُن شٍبٍنيِ

¹«وٌ نَشَ وٌ يّتّ قِندِ وٌ بٌورٍ عَدَ مَ كّوَلِيٍ مَكِيتِمَ رَ، عَلَكٌ كِيتِ نَشَ كَنَ وٌ قَن نَ عَلَ يِ.²وٌ مِشِ مَكِيتِمَ كِ نَشّ، وٌ قَن مَكِيتِمَ نَ كِ نّ. وٌ مَنِيَسٍ نَشَن نَوَلِمَ بٌورٍيٍ بّ، نَ نَن نَوَلِمَ وٌ قَن بّ.³مُنقٍ رَ عِ وُرِ قُحِ تٌمَ عِ نفَشَكٍرٍنيِ يَ مَ، عَ قَ لِ عِ مُ شٍبٍنيِ تٌشِ نَشَن نَ عِ تَن يّتّ يَ مَ؟⁴عِ نْمَ عَ قَلَدٍ عِ نفَشَكٍرٍنيِ بّ دِ، ‹عَ لُ ﭑ شَ وُرِ قُحِ بَ عِ يَ مَ،› شَ عَ سَ لِ شٍبٍنيِ نَن نَ عِ تَن يّتّ يَ مَ؟⁵عِ تَن قِلَنكَقُي، شٍبٍنيِ نَن سِنفٍ بَ عِ يّتّ يَ مَ. نَ بَ شَنبِ، عِ نْمَ نّ سٍ عِفبّدٍ عَ قَنيِ رَ، عَلَكٌ عِ شَ وُرِ قُحِ بَ عِ نفَشَكٍرٍنيِ قَن يَ مَ.»

سٍ سّنِيّنشِ سٌقٍ بَرٍيٍ يِ رَ

⁶«وٌ نَشَ سٍ سّنِيّنشِ سٌ بَرٍيٍ يِ رَ، شَ نَ مُ عَ رَ عٍ عٍ يَ رَقِندِ مَ نّ وٌ مَ، عٍ وٌ مَشِن. وٌ نَشَ فّمّ تٌقَنيِيٍ وٌلِ شْسّيٍ بُن مَ، شَ نَ مُ عَ رَ عٍ عٍ مَبٌرٌنمَ نَن تُي.»

بَبَ عَلَ مَشَندِقٍ

⁷«وٌ مَشَندِ تِ، وٌ عَ سْتْمَ نّ.وٌ قٍنيِ تِ، وٌ عَ تٌمَ نّ.وٌ نَادّ كْنكْن، عَ رَبِمَ نّ وٌ بّ.⁸مِشِ نَشَن بِرِن مَشَندِ تِمَ، عَ عَ سْتْمَ نّ.مِشِ نَشَن قٍنيِ تِمَ، عَ عَ تٌمَ نّ.مِشِ نَشَن نَادّ كْنكْنمَ، عَ رَبِمَ نّ عَ بّ.»⁹«بَبّ مُندُن نَ وٌ يَ مَ نَشَن شَ دِ تَامِ مَشْرِنمَ عَ مَ، عَ سَ فّمّ سٌ عَ يِ رَ؟¹⁰شَ نَ مُ عَ رَ، عَ بْشِمَسٍ سٌ عَ يِ، عَ شَ دِ نَ عَ مَشْرِن يّشّ مَ؟¹¹شَ وٌ تَن مِشِ كٌبِيٍ قَتَ سٍ قَنيِيٍ قِدٍ وٌ شَ دِيٍ مَ، وٌ بَبَ عَلَ نَشَن نَ عَرِيَننَ، عَ دَنفِ وٌ رَ ثٌن! عَ قٍ قَنيِيٍ قِمَ نّ عَ مَشَندِ مَيٍ مَ.»

مِشِ لَنمَ عَ شَ نَشَن نَبَ عَ بٌورٍ عَدَ مَ بّ

¹²«وٌ وَ مَ مِشِيٍ شَ نَشَن بِرِن نَبَ وٌ بّ، وٌ قَن شَ نَ نَن نَبَ عٍ بّ. تَوُرٍتَ مُنسَ نُن نَمِحْنمّيٍ شَ كِتَابُييٍ بِرِن نَلَنشِ نَن نَ كِ.»

نَادّ عِشُتُشِ نُن عَ عِفبٍ

¹³«وٌ شَ سٌ نَادّ عِشُتُشِ نَن نَ، بَرِ مَ نَادّ عِفبٍ مِشِ رَ سِفَمَ فبَلٌي نَن مَ. كِرَ نَشَن مِشِ شَنِنمَ فبَلٌي مَ، عَ حّرّ مُ شْنْ. مِشِ فبٍفبٍ سٌمَ نَادّ عِفبٍ نَن نَ، مِشِ فبٍفبٍ فبَلٌي كِرَ نَن سُشُمَ.¹⁴كْنْ نَادّ عِشُتُشِ رَبِمَ كِسِ نَن مَ. كِرَ نَشَن مِشِ شَنِنمَ كِسِ مَ، عَ حّرّ شْنْ. مِشِ مُ فبٌ نَشٍيٍ نَ نَادّ نُن نَ كِرَ تٌمَ.»

وُرِ بِلِ كٌلٌنمَ عَ بٌفِ نَن مَ

¹⁵«وٌ وٌ يّتّ رَتَنفَ وُلٍ قَلّيٍ مَ نَشٍيٍ عٍ يّتّ قِندِشِ نَمِحْنمّيٍ رَ. عٍ قَمَ وْيّنيِ حْشُنمّ رَ وٌ مَ، كْنْ عٍ حَنِفٍ مُ قَن قٍوٌ!¹⁶وٌ عٍ كٌلٌنمَ عٍ شَ كّوَلِ نَن مَ. كُسُ بَمَ بَافِ بِلِ كْن نَ؟ شْرّ بَمَ تُنبٍ بِلِ مَ؟¹⁷سَنسِ قَنيِ بٌفِ قَنيِ نَن نَمِنِمَ، سَنسِ كٌبِ قَن بٌفِ كٌبِ نَن نَمِنِمَ.¹⁸سَنسِ قَنيِ مُ نْمَ بٌفِ كٌبِ رَ مِنِدٍ، سَنسِ كٌبِ قَن مُ نْمَ بٌفِ قَنيِ رَ مِنِدٍ.¹⁹سَنسِ نَشَن مُ بٌفِ قَنيِ رَ مِنِمَ، عَ سّفّمَ نّ، عَ وٌلِ تّ عِ.²⁰نَ كُي، وٌ نَ مِشِيٍ كٌلٌنمَ عٍ شَ كّوَلِ نَن مَ.»

نَشٍيٍ مُ عَلَ سَفٌي رَبَمَ

²¹«مِشِ نَشٍيٍ عَ قَلَمَ ﭑ بّ، ‹ﭑ مَرِفِ، ﭑ مَرِفِ،› عٍ بِرِن شَ مُ سٌمَ عَلَ شَ مَنفّيَ نِينِ بُن مَ، قٌ نَشٍيٍ ﭑ بَبَ سَفٌ رَبَمَ نَشَن نَ عَرِيَننَ.²²نَ لْشْي مِشِ فبٍفبٍ عَ قَلَمَ نّ ﭑ بّ، ‹مُشُ مَرِفِ، مُشُ مَرِفِ، مُشُ مُ وْيّن شّ عِ شِلِ رَ؟ مُشُ مُ حِننّيٍ كٍرِ شّ عِ شِلِ رَ؟ مُشُ مُ كَابَنَكٌ فبٍفبٍ رَبَ شّ عِ شِلِ رَ؟›²³نَ تّمُي ﭑ نٍيٍ يَابِمَ نّ، ‹ﭑ مُ وٌ كٌلٌن قٍوٌ! وٌ تَن قٍ كٌبِ رَبَيٍ، وٌ كٍلِ ﭑ يَ عِ.›»

بَنشِتِ قِرِن شَ تَالِ

²⁴«نَ كُي، مِشِ نَشَن نَ ﭑ مَ مَسٍنيِ رَ مّ، عَ قَ عَ رَبَتُ، نَ كَنيِ مَنِيَ شَشِلِمَ رَ نَشَن عَ شَ بَنشِ بِلِ تِ قَنيٍ مَ.²⁵تُنّ نَشَ قَ، شُرٍيٍ نَشَ بَنبَرَن يّ، قٌيٍ نَشَ مِنِ عَ نُ بَنشِ مَبْنبْ، كْنْ بَنشِ مُ بِرَ، بَرِ مَ عَ نُ تِشِ قَنيٍ نَن قَرِ.²⁶كْنْ مِشِ نَشَن ﭑ مَ مَسٍنيِ رَ مّ، عَ مُ عَ رَبَتُ، نَ كَنيِ مَنِيَ مِشِ شَشِلِتَرٍ رَ نَشَن عَ شَ بَنشِ تِشِ مّيّنيِ قَرِ.²⁷تُنّ نَشَ قَ، شُرٍيٍ نَشَ بَنبَرَن يّ، قٌيٍ نَشَ مِنِ عَ نُ بَنشِ مَبْنبْ، بَنشِ قَن نَشَ بِرَ، عَ كَنَ عَ حَاشِ رَ.»

²⁸عِسَ تٌ فّ يِ قٍ بِرِن مَسٍندٍ، حَمَ نَشَ كَابَ عَ شَ شَرَنيِ مَ،²⁹بَرِ مَ عَ مُ نُ لُشِ عَلْ عٍ شَ سّرِيّ كَرَ مْشْيٍ. عَ تَن نُ وْيّنمَ مَنفّ سّنبّ نَن نَ.

مَتِيُ 7 / sus_apb