1Pwen iro mwonen ara, Mwoiwan Haiyan iluwani Yesu iya kol ndrohoyin, para Sinai kinohonou yiy.2Pe Yesu, ara iyuh anandrinai iho nondriya lang mahaangui pe ping mahaangui, pwen iyamulan imundrui.3Pe ndramat para nohonou yiy ara isa kili yiy, pe ipa, â Kapa wou Noru Ngindrai Kamai ndrokonan, apwandrandrahani hu pat aro, pe kapaiwani hu para karayah ndrinanohun.â4Hapeko Yesu isomwi yiy, ipa, â Pwayan kinpwai pwen kinna, ara ipa toro: â Taleh ta ndramat andre kinyau anandrinai o, ara pwi, hapeko ngara kawiri taleh kiya hu nongna Ngindrai masih mepo ngara kiyau pohon.â â5Pwen Sinai iwiri Yesu iya kol namandran haiyan, pe iyki yiy iya iro tine payandroha yumwa totohun namandran mepo paingan masih.6Pwen ipwai iya kili yiy, ipa, â Kapa wou Noru Ngindrai Kamai ndrokonan, pwen apiyani wou aya pwan. Paratesah, pwayan kinpwai pwen toro:â Yiy andre kipwandrandrahani hu angelou tan,pe andre hu kasopwari wou kiho nima hu,pwen pe andre antuwani ndrikam kinna pat sih pwi yoh.â â7Yesu isomwi yiy, ipa, â Pwayan handra yi, ara ipa toro: â Wou mbuna anohonou Yapan, Ngindrai atam.ââ8Pwen porosih i, Sinai iwiri yiy iya ngondron sih mepo paingan masih, pe ipwaingani hu kol namandran iya, tahu king masih kene para kol pwan masih iyapolo nonowahu.9Pe ipwai iya kili yiy, ipa, â Kapa atukuruhu kiya pwan, pe atohun kisa kili yo, pwen hu melit masih kene aro, ara andre kuiki hu kasatam.â10Pwen Yesu ipwai iya kili yiy, ipa, â Sinai! Aya mawen kili yo! Paratesah pwayan, ara kinpwai pwen toro: â Atohun kiya kili Yapan Ngindrai atam, pe aro pahandra yiy hamou opu.ââ11Pwen Sinai itali Yesu, pe hu angelou husa pe husopwat yiy.
Yesu irandroiyi mbulyan para pohoweya nongan
12Pe iro mwonen Yesu ihilong tehe yihu kaniyki Yohanes kinna nondriya kou, pwen yiy imui iya kol namandran hape Kaliliyy.13Pwen itali Nasaret, pe iya pe ikuw iro kol ngawan Kapernawum, ita ngilse Ndran Makaiye Kaliliyy. Kapernawum, ara ita pwene hu Sepulun pe Naptali.14Pwen pe nongan mepo Ngindrai iwong iyau poho poropet Yisayah, ara irayah mannan, ipa toro:15â Yihu ndramat para pwan Sepulun pe pwan Naptali,pe sai iya yau te ndras ngilse ndrokomatne Ndran Yortan,yihu ndramat ara, para kol namandran hape Kaliliyy, mepo pwenehu Ndramira Lah, â16yihu ndramat ara, mepo hutora lokuhan,ara hu kannime nganan namandran.Pe yihu hiyeh hutora lokuhan mepo hukowu ta Ngindrai,ara nganan kinlengani hu.â17Iro mwonen lang ara iya, Yesu ara iro pohowe nongan iya kili hu ndramat, ipa toro: â Akarapaiwani ndriya wawu, paratesah, kolo king para kol paingan yang, ara kinsa pakeh.â
Yesu iyoh ndramiran hu hayah
18Pwen porosih aro, Yesu iro tokai pwaki Ndran Makaiye Kaliliyy, pe inime hilu ndramat malmou hilnali hilu; hamou, ara Simon, ngalan handra yi, ara Pita, pe nalin Antruw. Hilro piye kahu iya ndran makaiye, paratesah, hilu ara ndramat para poya ni.19Pwen Yesu ipwai iya kili hilu, ipa, â Walu kasa koho ndruwo, pe andre kuhunuwani walu para alkarayah ndramat para poya ndramat.â20Pwen indrou pwi ko, hilu tali kahu ta hilu pe hilu ho ndruwa Yesu.21Pe Yesu iropo iya, pe inime hilu ndramat malmou hilnali hilu yi. Hilu ara NdraSepetiy malmou, Yamis pe nalin Yohanes. Hiluro nondriya ndroi hakou iyapolo tama hilu Sepetiy, pe huro soro hu kahu tahu. Pwen Yesu iyoh hilu,22pe hape pwi ko, hilu tali tama hilu pe ndroi, pe hilu ho ndruwa Yesu.
Yesu Isopwoyani Hu Ndramat Mepo Humwa
23Yesu iya yau nondriya kol namandran hape Kaliliyy, pe iro hinuwani hu ndramat iro hu yumwa mbultere tahu Yuta, pe iro pohowe nongan hiyan para kolo king Ngindrai. Pe isopwoyani hu ndramat masih humwa iya hu mwamwa handra-handra, pe hu masih hiyeh humbuyei.24Pwen nola Yesu, ara ingau iya kol Siriya masih, pe hu ndramat huwiri hu mepo humwa iya mwamwa handra-handra, pe hu mepo huro nondriya ngandran, pe hu mepo payit isilihihu masih, pe hu mepo melit ngara kilowayani hu, pe hu mepo mandrahu imat, ara hu masih kene husa kili Yesu pe isopwoyani hu.25Pe hu ndramat soyo-soyon iya para Kaliliyy, pe para kol namandran hape Tekapolis, pe para Yerusalem, pe Yutiya, pe hu kol hora haroh para Ndran Yortan, ara huho ndruwa Yesu.