Read Matiee 4

Matiee4bqc_sim

Yesu yↄ̃a

¹Ɔ̃ Lua Nisĩna gɛ̀ ń Yesuo gbáau kɛ́ Ibiisi aà yↄ̃.²Yesu lɛyè fãanɛ ń gwãasĩnao e gↄↄ bla. Kɛ́ nↄana lɛ́ aà dɛ,³ↄ̃ kↄ̃nidepi sↄ̃̀aàzi à mɛ̀: Tó Lua Nɛ́n n ũ, o gbɛɛ beeↄ li pɛ̃ɛ ũ.⁴Yesu wèwà à mɛ̀: A kɛ̃a Lua taalau wà mɛ̀,pↄblea yã́ ↄ̃ gbɛ̃nazĩna kuò adoo,sema yã́ pↄ́ Lua lɛ́ o píi.⁵Ɔ̃ Ibiisi aà sɛ̀ gɛ̀ò Lua wɛ̃́lɛu, à aà zɛ̀ Lua kpɛ́ misonaa,⁶a òɛ̀: Tó Lua Nɛ́n n ũ, ǹ nzĩa zu zĩ́lɛ, asa a kɛ̃a láu Lua mɛ̀,a n yã'o a malaikaↄnɛ aa ↄdama,kɛ́ ńsu gɛ̃nalɛ gbɛwao yã́i.⁷Yesu òɛ̀: A kɛ̃a Lua taalau lↄ wà mɛ̀,ńsuli Dii n Lua lɛ ǹ gwao.⁸Ɔ̃ Ibiisi aà sɛ̀ gɛ̀ò lↄ gbɛ̀sĩsĩ lɛsĩ maamaa musu, à dṹnia bùsu píi ↄ̀lↄɛ̀ ń ń àizɛɛↄ⁹à mɛ̀: Má n gba beeↄ píiɛ, tó n wulɛ n gbɛɛu n misìilɛmɛɛ.¹⁰Ɔ̃ Yesu òɛ̀: Gɛ́i Setãu! Asa a kɛ̃a láu wà mɛ̀:Kúlɛ Dii n Luaɛ,níↄ zↄbleɛ̀ ado.¹¹Ɔ̃ Ibiisi aà tò we sa, ↄ̃ malaikaↄ mↄ̀ dↄ̀aàlɛ.

Yesu ↄkpaa a zĩwa

¹²Kɛ́ Yesu mà wà Zãa kũ̀ wa dàkpɛu, ↄ̃ à tà Galile.¹³I zↄ̃lɛ Nazalɛti lↄo, à gɛ̀ zↄ̃̀lɛ ísida saɛ Kapɛnaũɛ, Zabulↄni buiↄ ń Nɛfatali buiↄ bùsuu,¹⁴kɛ́ yã́ pↄ́ ãnabi Isaia ò kɛ yã́i à mɛ̀:¹⁵Zabulↄni buiↄ ń Nɛfatali buiↄ bùsuza ísia oi e Yuudɛ̃ baale,Galile bùsu pↄ́ buipãleↄ kuupi,¹⁶an gbɛ̃́ pↄ́ kú gusiauↄ gupua zↄ̃ↄ è,gu dↄ̀ bùsu pↄ́ kú ga lɛ́zĩpi deↄnɛ sa.¹⁷Za gↄↄ bee Yesu nà waasokɛawa à mɛ̀: À nↄ̀sɛlilɛ, kpala pↄ́ bↄ̀ Lua kĩ́i kà kãi.¹⁸Kɛ́ Yesu lɛ́ dↄ Galile ísidai, à kpↄ̀wɛnaↄ è gbɛ̃ↄn pla, vĩ̀i ń dãunao, Simↄↄ pↄ́ wì mɛ Piɛɛ ń a dãuna Ãndeleeo. Aalɛ táalu zu ísidapi guu.¹⁹Ɔ̃ Yesu ònɛ́: À mↄ tɛmazi, mí á kɛ gbɛ̃wɛɛlɛnaↄ ũ.²⁰Wegↄ̃ↄ aa ń táaluↄ tò we, aa bↄ̀ tɛaàzi.²¹Kɛ́ à gɛ̀ aɛ, à gbɛ̃ↄn pla pãleↄ è, vĩ̀i ń dãunao lↄ, Zebedee nɛ́ Zaaki ń a dãuna Zãao. Aa ku gó'ilɛna guu ń ń mae Zebedeepio, aalɛ ń táaluↄ kɛkɛ. Yesu ń sisi,²²ↄ̃ aa ń mae tò gó guu wegↄ̃ↄ, aa bↄ̀ tɛaàzi.²³Yesu ìↄ Galile bùsu kɛɛlɛ, ì yãdanɛ́ ń lousisikpɛↄ guu, ì kpala pↄ́ bↄ̀ Lua kĩ́i baokpa, ì gbɛ̃́ↄ gbã́gbã ń gyã bui píio ń kↄ̃̀ↄↄ píi.²⁴Aà tↄ́ lì Sili bùsua píi, ↄ̃ wìↄ mↄɛ̀ ń gbɛ̃́ pↄ́ aalɛ gyã bui dasi ge wãwãkɛↄ ń tã́adeↄ ń gbakↄↄndeↄ ń ɛɛↄ píi, ↄ̃ ì ń gbã́gbã.²⁵Wà bↄ̀ Galile ń Wɛ̃́lɛmɛnkwi bùsuo ń Yelusalɛũo ń Yudeo ń Yuudɛ̃ baaleo dasidasi, wà tɛ̀aàzi.

Matiee 4 / bqc_sim

Yesu yↄ̃a

Yesu ↄkpaa a zĩwa

Matiee4bqc_sim