ዣጋና ጼገ አዝዘ
1የሱሳ አሱንስ ማህ Ꮉኒ ጋር ያጋእ አዝዘ ኦህዳ።2«ጾዘ ካእቱሞ ፋ ናአይስ ዣጋና ጊግዝደ ካት አዛነ።3የ ካትዘ ዣጋና ዮኦደ ፋና ኦህ ጋድደ አሱንና ጼጎደስ ፋ አሩንና ኪትዳ። የዝን አሱን ዮኦደስ ኮይካያ።4ማህ መለ አሩንና ጼጊ፥ ጼግንትደ አሱንጎ Ꮉንግ፥ ‹ታኒ ታ ሳንጉንናን ሞንና ሹክዳ፤ ኡባና ጊግዳ። ታ ዣጋና ድግሳጎ Ꮉንካ ዮኦተ ያጋኦተ› ያጋእ ኪትዳ።5የዝን ጼግንትዱን ጼግቶ እጺ፥ ፋ ኦቻ ኦቻ ቅትዳ። ፈታይ ፋ ዎታስ፥ Ꮉንካይ ፋ ዛልኤ ቅትዳ።6መሉን ማህ ካት አሩንና አይኪ፥ ኢሲ Ꮉ ዎዳ።7«ካትዘ ጋማ ዥል፥ ፋ ዎታዳሩንና ዳኪ ሸምፖ ዎዱንና ዎዝዳ፥ ኡን ካታምቶ ኤዳ።8ይንፓ ሱባ፥ ፋ አሩንጎ፥ ‹ዣጋንታ ጊግዳ፥ የዝን ጼግንትዱን ዣጋናስ ቤዘ አስ ባያ።9ይኒ ግሾ፥ ዳልጋ ኦገ Ꮉንግ፥ ደንግደ አስ ኡባ ዣጋና ዮኦደ ፋና ጼጎተ› ያጋይዳ።10አሩንን ኦገላ Ꮉንግ ፋስ ደንግደ አስ ኡባ ሎኡንናን ኢቱንና ክእ ዣጋና ዳሰ ገል ኩንዳ።11«የዝን ካትዘ ካ ማአደስ በትደ አሱንና በአደስ ገልደ ዎደ ዣጋና አፉላ ማእካይዘ ፈቲ አስ ደንግዳ።12ኤጎ፥ ‹ናተ፥ ነ ዣጋና አፉላ ማእካይዛራ ዋይዝ Ꮉነ ገልዶ?› ያጋይዳ። የዝን አ ስእ ጋይዳ።13«ካትዘ ፋ አሩንጎ፥ ‹Ꮉይ አ ኩሽቶን ቶህቶ አጪ፥ ባለ ማ ኬሲ ኦሎተ። እዘ ዬፎን አች ጋርጭንገ ማቆዳ› ያጋይዳ።14«ይኒ ፋናን፥ ጾዘ ካእቱሞስ ጼግንትዱን ጋማ የዝን ዶርንትዱን ኤራ» ያጋይዳ።ጊራ ባዝ
15ይንፓ ሱባ፥ ፋርሳዉን Ꮉንግ፥ የሱሳ ዋይዝ ኦሄራ አይኮድ የዛኮ ዞርንትዳ።16ፋ ታማሩንናን ካት ሄሮድሳ ባጉንፓ ፈታ ፈታ ኪትዳ። ኡንትን፥ «አስታማርዛዮ፥ ነ ቱሮ ኦህዛኖ ኑ ኤራነ። ነ አሳፓ አስ ሻጎስ፥ አስ ዎይጋንደስ ጋእ አኮን ኦቾስ፥ ጾዘ ኦግቶ ቱረትራ ታማርሳነ።17አነ ኑስ ኦሆ፥ ኑኒ ሮመ ካትስ ጊራ ጊሮደስ ቤዛነን ቤዞሳ?» ያጋይዳ።18የዝን የሱሳ ኡን ኢታ ቆፍቶ ኤሪ፥ «Ꮉን ጩቡን፥ ታና አኮስ ፋታነተ?19ጊራ ጊርዘ ሚሸ ታና ቤዞተ» ያጋይዳ። ኡንትን ኤስ ድናረ ክእዳ።20ኤ፥ «Ꮉይስ ሱንታን ብሽታ ኦደሶ?» ያጋይዳ።21ኡንትን፥ «ሮመ ካታይስ» ያጋይዳ። ዬዛኮ የሱሳ ኡንታጎ፥ «ይኬ፥ ካትስ ቤዛኖ ካትስ፥ ጾዝስ ቤዛኖ ጾዝስ እንጎተ» ያጋይዳ።22ኡንትን ይኖ ስእደ ዎደ ጋማ ቆፒ ኤ ካለፓ አሺ ቅትዳ።Ꮉይቆፓ ደንደባዝ
23ይና ቃምተ Ꮉይቆፓ ደንዶ ባያ ያጋዘ ሳዱቃዉን የሱሳጎ ይእ፥ ያጋእ ኤዛ ኦጭዳ።24«አስታማርዛዮ፥ ‹ሙሴ፥ ፈቲ አስ ናአ የልካይዛራ Ꮉይቅኮ፥ የ Ꮉይቅደ እሻይ ኤ ማችቶ ኤኪ፥ ፋ እሻይስ ናአ የሎ› ያጋእ ኪትዳ።25ኑ ኤርዘ ላፑን እሹን የነ። አንግሰ ማቾ ኤኪ ናአ የልካይዛራ Ꮉይቂዳ። ኤ ማችቶ ኤ ጌዘ ማህዳ።26ይኒ ፋና፥ የ ላምአንን፥ Ꮉይንን፥ Ꮉንግ ላፑኑን የሎደስ።27ኡባፓ ሱባ ይና ማችታ Ꮉይቂዳ።28ዬዝን፥ ላፑኑን ኡቡን እዞ ማህደ ግሾ Ꮉይቆፓ ደንድዘ ቃማ፥ ይና ማችታ ላፑኑንፓ አየ ማቾ ማቃደ?» ያጋይዳ።29የሱሳ ማህ፥ «ይን ጾዘ ቃላን ኤ ዎልቅቶ ኤሮሰ ግሾ ባልንታነ።30አሱን Ꮉይቆፓ ደንድዘ ዎደ ሳሎ የዘ ኪታንቹን ፋና ማቃነፕ አትን ኤኮስን ገሎስ።31ማህ Ꮉይቂደ አሱን Ꮉይቆፓ ደንዶደ ባዝ ጾዚ ይንትስ ኦህዳኖ ናባብካተ?32ጾዚ፥ ‹ታኒ አብራሃማ ጾዝ፥ ይሳቃ ጾዝ፥ ያይቆባ ጾዝ› ያጋይዳ። ይኒ ግሾ፥ ጾዚ ፋጻ የዙን ጾዛፕ አትን Ꮉይቂዱን ጾዝ ባያ»ያጋይዳ።33ጋማ አሱን ይኖ ስእ፥ ኤ ትምርትተ ጋማ ቆፕዳ።ኡባፓ ቲንዘ ኪታ
34የሱሳ ሳዱቃዉንስ ጋዉደ ባዝ ብስዳኖ ፋራሳዉን ስእደ ዎደ ፈትላ ሺቅዳ።35ኡን ግዳፓ ፈቲ ህገ አስታማርዘ የሱሳ ፋታና ኦጨ ኦጭዳ።36«አስታማርዛዮ፥ ህገ ኡባፓ ኣዘ አያ?» ያጋእ ኦጭዳ።37የሱሳ ማህ፥ ነ ላ፥ ነ ጾዛ፥ ነ ኩሙ ዎዝናፓ፥ ነ ኩሙ ሸምፖፓ፥ ነ ኩሙ ቆፋፓ ካ።38ኡባፓ ኣዘን ቲኖ ኪታ Ꮉኖ።39ላምእን ኡባፓ ኣዘ ኪታ፥ አስ ኡባ ነ ኦምቶ ነ ካዛን ፋና ካ ያጋዛኖ።40ሙሴ ህገን ናቡን ትምርተ ኡባ Ꮉና ኪትላ አፋ ካታነ ያጋይዳ።ክርስቶሳ ፋ ባዝ ኦጭደ ኦጨ
41ፋርሳዉን ፈትላ ሺቂ የዝን፥ የሱሳ ኡንታና፥42«ክርስቶሳ ባዝ ይን ዋጋኤተ? ኤ ኦደ ናአ?» ያጋእ ኦጭዳ። ኡን፥ «ኤ ዳዉተ ናአ» ያጋእ ማህዳ።43የሱሳ ኡንታጎ፥ «ዬዝን፥ ዳዉተ ጌሽ አያናራ ማቂ ዋይዝ ክርስቶሳ፥ ‹ላ› ጋእ ጼገ? ዳዉተ ጋእተራ፥44«ላ ጾዚ፥ ታ ላጎ፥ነ ሞርኩንና ነ ቶህታ የዘ በሲ ማሆደ ዎንስ፥Ꮉነ ታፓ ምዛቅ ባጋራ በቶ» ጋይዳ።45ይኬ፥ ዳዉተ ክርስቶሳ ላ ጋእ ጼግኮ፥ ዋይዝ ክርስቶሳ ዳዉተ ናአ ማቀ?ያጋይዳ።46የሱሳስ ፈቲ ቃላ ማሆደስ ዳንዳእደ አስ ኦደን ባያ። ማህ ይና ቃምትፓ ደን መለ ኦጨ ኦጮደስ ኦደን ዳንዳእካያ።