1Namo, den Masaa Jesesi kon doo koosube fu Jelusalem Foto. Den be de na a foto den e kai Betifage, na a pisi fu Oleifi Mongo. Namo, ne Masaa Jesesi kai tu fu den bakaman fi en kon, fu sende sani.2A taigi den taki: â Go na a kondee na abaase anda. U o si tu buliki de, wan uman wan anga en pikin. U losi den teke tyai kon gi mi ya.3Efu wan sama sa akisi pe u e go anga den, da u mu piki en taki, na Masaa sende u, fu kon teke den. Bika Masaa abi den fanowdu nownow. Ma te a Masaa kaba anga den, da u o tyai den kon poti baka.â4Da na fu sani sa waka enke fa wan fositen apaiti takiman fu Masaa Gadu be sikiifi. Bika a be sikiifi taki:5â Meke den sama fu Siyon sabi taki,a kownu fu den e kon.Ai kon a denanga ala gaan saka fasi a wan buliki tapu.â6We, ne den tu bakaman waka go, enke fa Masaa Jesesi sende den. Ne den du san a sende den tu.7Den teke a uman buliki anga en pikin tyai kon. Soseefi den bakaman teke den koosi baala a den buliki mindii baka. Ne Masaa Jesesi subi go sidon na a pikin buliki tapu, fu gwe.8Da tyaipi tyaipi sama be de anda di teke koosi anga bon ana baala na a pasi tapu pe Masaa Jesesi o pasa anga den buliki.9Da sama be e waka a Masaa Jesesi baka, den e waka ne en fesi. Da den e bali taki:â Hosana gi a Bakaten Manpikin fu Kownu Dafeti paansu!ââ Seigi fu awan, di e kon a ini a nen fu Masaa.ââ Hosana gi Masaa Gadu a tapu seefi!â10Namo di den doo a ini Jelusalem Foto seefi, ne a hii foto seke. Den sama booko kon gwuulu, da den e taki: â Sama kon ya?â11Da taawan e piki taki: â Jesesi! Jesesi! Apaiti takiman fu Masaa Gadu di komoto a Nasaleti Foto, na a pisiwataa fu Galileya.â
Masaa Jesesi yaki sama puu naa Mama Keliki
12We, ne Masaa Jesesi waka go na a gaan Mama Keliki. Da somen sama be de anda e bai sani, e seli enke na wowoyo. Namo Masaa Jesesi yaki ala den puu de. Ne a toto ala den tafaa pe den be e booko moni, towe a doti. A puu ala den sutuu pe sama be sidon e seli doifi towe gwe.13Na so ai taigi den tu taki: â U á sabi san sikiifi a Masaa Gadu Buku, no? A sikiifi taki: â Mi osu mu de wan peesi pe sama e kon, fu begi makandii.â Na so! Ma fu saide u sama ya meke a toon wan peesi fu kweki fufuuman du?â14Namo, di Masaa Jesesi de ape, ne wantu beendiman anga lanman kon suku yeepi ne en. Ne a deesi den kon bun.15We, den hei apaiti begiman anga den leliman fu Dyuweiti ape ati boon tuutuu. Bika den si den foondoo sani di ai du ape. Soseefi den e yee pikinengee seefi mu e bali baya ape taki: â Hosana! Bika en na a Bakaten Manpikin fu Kownu Dafeti paansu.â16We, ne den moo hei apaiti begiman komoto kon akisi Masaa Jesesi taki: â I yee bun, fa den pikin e kai yu de?â Namo Masaa Jesesi piki den taki: â Mi e yee kiinkiin, fa den e kai mi! Ma u dati á leisi san sikiifi a Masaa Gadu Buku, no? A sikiifi taki:â Masaa Gadu o meke,te enke petepete pikin seefi e bali baaya gafa en.â â17We, ne Masaa Jesesi waka komoto ape. Soseefi a komoto a ini Jelusalem Foto, go siibi na a peesi den e kai Betaniya.
Masaa Jesesi fuuku a figasii bon
18Namo fuuku mamanten, ne Masaa Jesesi opo fu go a Jelusalem Foto baka. Ma angii be moo en.19Namo a si wan figasii bon a sikin pasi. Ne a go suku figasii na a bon. Ma ná wan enkii sii a poi fende. Ne a fuuku a bon taki: â I kaba fu meke sii a goontapu! Bika noiti moo wanten i sa meke sii!â Fa i si Masaa Jesesi taki so, a bon dede wanten.20Da den bakaman fi en si a foondoo sani di pasa anga a bon ya. Ne den foondoo te, den á sabi san fu du. Namo den go akisi Masaa Jesesi taki: â Da fa a bon du dede wanboo wanboo so?â21Namo a piki den taki: â Na tuutuu biibi meke dati pasa. Bika te i sa biibi Masaa Gadu doo yu ati tuutuu, da i sa poi du san mi du ya tu. Soseefi i sa poi du moo gaan foondoo sani moo dati seefi. A winsi na sende i sende wan gaan mongo taki: â Diipi go kai a ini ze.â A sa musu fu go!22Fu tuu, ala san i begi akisi Masaa Gadu, a sa du ala dati gi yu. Ma a wan sani, i mu abi biibi doo yu ati, te yu e begi.â
Den hei apaiti begiman kontesi Masaa Jesesi
23Namo Masaa Jesesi go doo Jelusalem Foto baka. Ne a waka go na a Mama Keliki baka, fu go leli den sama sani anda. Namo den hei apaiti begiman anga den gaansama fu kondee go ne en. Ne den akisi en taki: â Sama gi yu a makiti, fu waka du den sani, di yu e waka e du ya! Sama gi yu a makiti fu du den sani ya?â24We, ne Masaa Jesesi piki den taki: â Mi o akisi u wan sani fosi. Te u kaba piki mi dati, da miseefi sa piki u san u akisi mi de.25U piki mi! Sama be gi Johanisi a makiti fu dopu sama? Na Masaa Gadu ofu na libisama be sende en?â We, di a akisi so, ne den bendi a se fosi, fu kai pakisei luku, fa fu piki en. Ne den fiti taki: â Efu u piki taki: â Na Masaa Gadu sende Johanisi,â a sa akisi wi taki: â Da saide, u á be biibi Johanisi?â26Soseefi, efu u piki taki: â Na libisama be gi en Johanisi a makiti,â da wi anga a foluku fu kondee o de a toko. Bika a foluku e si Johanisi enke wan apaiti takiman fu Masaa Gadu.â27Dati meke den piki Masaa Jesesi taki: â Wi á sabi sama be gi en a makiti.â Ne Masaa Jesesi piki den baka taki: â Di u á sabi kaba sama be gi en a makiti, da mi seefi ná o taigi u sama gi mi a makiti tu.â
A ageisi toli fu a dda anga den tumanpikin fi en
28Namo Masaa Jesesi taki anga den go doo taki: â Mi o gi u wan ageisi toli fu teke poti pakisei bunbun! Wan sama be abi tu manpikin anga wan goon. Ne a sende a moo gaan manpikin fu go wooko na a goon.29Ma a pikin ya piki en taki: â Nono, mi dda! Mi ná o poi go wooko a goon.â Ma moo lati, ne a pikin ya fii tyali, fu di a piki so. Ne a komoto langa langa go wooko na a goon, gi a dda.30â We, ne a dda go na a moo nyoni manpikin tu. Ne a sende en fu go wooko na a goon tu. Namo a manpikin ya piki taki: â Iya, mi dda! Mi o go. Ma na piki namo a piki, bika a á go seefi seefi.â â31Namo Masaa Jesesi koti a toli taki: â On di fu den tu manpikin ya du san a dda wani?â We, ne den piki en taki: â Awan di be taki, a ná o go, ma toku a go moo lati.â Ne Masaa Jesesi taki: â We, fu tuu, mi e taigi u taki, den gaan polinen sama fu kondee o daai kon de a ini a Nyun Tii fu Masaa Gadu. Ma u dati o fika so.32Bika u á si taki, Johanisi taki sani fu Masaa Gadu, ne den dati biibi, no? Weeno! Ma u dati si san pasa de, ne toku u seefi á wani daai libi fu biibi Johanisi.â
A ageisi toli fu den takuu ati samadi e luku a goon
33Namo Masaa Jesesi taki baka taki: â Wan taa ageisi toli e kon ya, fu soi wan sani. Wan gaan masaa be abi wan goon, fu paandi wan sii enke doloifi. Ne a meke wan wooko sani poti ape, fu kwinsi a sii ya kon toon win. Soseefi a lontu a hii goon anga a hii wooko sani ya poti a ini dyali. Ne a meke wan hei osu go a tapu fu den wakiti man oli waki na a goon. Ne a kai wan duupu sama kon poti a hii wooko ya a den ana, fu du. Bika enseefi o go koi a taa kondee.34Namo, den sii fu a goon be kon lepi. Na so a yuu doo, fu go booko den kwinsi toon win. Ne a gaan masaa sende en futuboi go a den sama, fu den sende fi en se gi en.35Ma den sama feti ogii ogii anga den futuboi fu a gaan masaa, di a sende go. Den fon afu, ne den naki taawan kii anga siton.36Ma toku, a gaan masaa sende moo ipi futuboi go a den sama baka, fu meke den sama sende fi en se gi en. Ma den disi seefi go tuka anga a seefi ogii, di be miti den fosi futuboi di a masaa be sende go.37â We, ne a gaan masaa luku taki: â Efu mi sende a manpikin fu miseefi go a den sama tu, da den o feele fu du ogii anga en, fu di na a manpikin di miseefi abi.â38â Namo den sama si a manpikin e kon. Ne den taki: â Oho, luku anda! A gaan masaa sende a manpikin fi en seefi kon a leisi ya. We, disi na awan kodo manpikin di a dda abi, fu poti enke basi, fu taki, gi ala san a dda seefi abi. Meke u kii en, da a goon o fika gi wi.â39We, ne den lulu a manpikin ya, fu te a kon doo. Ne den ali en puu a ini a goon tyai go kii.â40Namo, ne Masaa Jesesi koti a toli. Ne a akisi den taki: â San u pakisei a gaan masaa o du, te enseefi o kon a den sama ya?â41Namo den piki en taki: â A gaan masaa ya ati musu boon tuutuu. Da a musu kii den takuu ati sama di be e luku a goon de. Soseefi, a o poti a goon a ini taa sama ana, di sa wani gi en, fi en se.â42Namo Masaa Jesesi taigi den baka taki: â U á leisi san sikiifi a Masaa Gadu Buku, no? A sikiifi taki:â Disi na a siton di meseeman be oli fu wan soso sani.Na dati daai kon toon a siton futu fu a hii osu.Na so Masaa du en wooko.A foondoo gi wi, fu si.â43We, meke mi e taigi u! Masaa Gadu o fika u fu a peesi ya a wan se. Da a o komoto go anga a Nyun Tii fi en a taa taa foluku sama, di wani tan enke fa a wani.44Bika sama di o kai na a siton ya tapu, o booko pisipisi. Soseefi, efu a siton ya kai a wan sama tapu, da a o masi a sama de fini fini.â45Namo den hei apaiti begiman anga den Faliseiman aliki den toli fu Masaa Jesesi ya, te a kaba. Ne den taki: â Na wi ai poti na ageisi toli de so.â46Da na leti ape kaba den be wani kisi Masaa Jesesi wanten. Ma den á kisi en ape. Bika den be e feele a foluku di e oli Masaa Jesesi enke wan apaiti takiman fu Masaa Gadu.