Read Matej 13

Matej13rmy_che

O Isus phenel e prispodoba palo sejači

¹Isto godova đes o Isus inkljisto andar o ćher, đelo thaj bešlo pašo jezero te sikavel.²Oko leste ćida pe gaći but them, gajda kaj vo moraš te dijas ando čamco thaj bešlo, a sa o them ačhelas pe obala.³But godova phenelas lenđe ande paramiče sago kaj si akaja: “Jek đes inkljisto o sejači te sejol.⁴Dok sejolas, varesavo seme pelo po drom thaj avile e čiriklja thaj sa haline les.⁵Aver seme pelo pe barutni phuv kaj nas but phuv thaj odma inkljisto kaj e phuv nas handuk.⁶Ali kana inkljisto o baro kham, phabilo thaj šućilo kaj nas les handuk koreno.⁷Varesavo seme pelo maškar e kangre. E kangre barile thaj tasadine les.⁸A varesavo seme pelo pe lačhi phuv, thaj bijandas šel drom majbut, šovardeš drom majbut, ili trijanda drom majbut.⁹Ašunen, kana već si tumen kan!”

Sostar o Isus mothol lenđe ande paramiči

¹⁰E Isuseše učenikurja avile dži leste thaj phučline les: “Sostar mothos e themešće ande paramiče?”¹¹A vo phendas lenđe: “Tumenđe si dino te džanen e tajne e nebesko Carstvošće, a lenđe naj dino.¹²Kaj, kas si džanglipe, dela pe lešće thaj avela les još majbut, a kas naj, lela pe lestar vi okova cara so si les.¹³Zato phenav lenđe ande paramiče, kaj dićhen so ćerav, a phandaven e jakha te na dićhen, čhon kan so phenav lenđe, a či ašunen thaj či haćaren.¹⁴Gajda pherdol pe lende e Isaijasko proročanstvo:
‘Ašunena mungre alava,a či haćarena;pire jakhenca dićhena mungre dela,a našti dićhena len.¹⁵Kaj barosajle e ile akale themešće,pire kanenca jedva ašunen,pire jakha phandadine;te e jakhenca či dićen,te e kanenca či ašunen,te e ileja či haćarenthaj te obratin pe, te sastarav len.’

¹⁶Ali blago tumare jakhenđe kaj dićhen, thaj blago tumare kanenđe kaj ašunen.¹⁷Kaj čače phenav tumenđe: e but prorokurja thaj e pravednikurja zurale kamline te dićhen so tumen dićhen, a či dikhline thaj te ašunen so tumen ašunen, ali či ašundine.”

O Isus objasnil e paramiči palo sejači

¹⁸O Isus majdur phendas: “Ašunen so značil e paramiči palo sejači.¹⁹Svakonešće savo ašunel o alav pale Devlesko carstvo, a či haćarel, avel o beng thaj čorel so si posadime ande lesko ilo. Godova si okova seme savo si posadime po drom.²⁰O seme savo si posadime po barutno than, si okova savo ašunel e Devlesko alav thaj odma e bahtasa prihvatil les,²¹ali sar e Devlesko alav či mukla koreno ande leste, či ačhel dugo. Kana avel e nevolja thaj o progonstvo zbog o alav e Devlesko, vo odma otpadnil.²²O seme savo si posadime ande kangre, si okova savo ašunel o alav e Devlesko, ali e brige akale trajošće thaj o hohavno barvalipe tasaven o alav thaj ačhel bi plodosko.²³A okova seme kaj si posadime pe lačhi phuv, godova si okova savo ašunel o alav, haćarel thaj čače anel plodo, šel drom majbut, šovardeš drom majbut ili trijanda drom majbut.”

O Isus phenel e prispodoba palo điv thaj palo o kukolj

²⁴Askal o Isus phendas lenđe vi aver paramiči: “O Carstvo nebesko si sago o manuš savo posadisardas o lačho seme ande piri njiva.²⁵Ali dok savora sovenas, avilo lesko dušmano thaj posadisardas o kukolji maškar o điv thaj đelotar.²⁶A kana o seme barilo thaj anda plodo, askal sikadilo vi o kukolj.²⁷Askal aviline e sluge ko domaćino thaj phendine lešće: ‘Gospodarina! Zar tu či posadisardan o lačho seme pe ćiri njiva? Katar askal o kukolj?’²⁸A vo phendas lenđe: ‘O dušmano ćerda godova.’ A e sluge phučline les: ‘Kames te džas thaj te inkalas o kukolj?’²⁹A o domaćino phendas lenđe: ‘Na, kaj te akana inkaldine o kukolji inkalena vi o điv.³⁰Mućen te liduj barjon dži ke žetva, thaj ande vrjama e žetvaći phenava okolenđe save ćiden o điv: Majsigo inkalen o kukolj, thaj phanden le ande snopurja te del pe jag, a o điv ćiden thaj čhon les ande mungro skladište.’”

O Isus phenel e prispodoba pale gorušicako seme

³¹O Isus phendas lenđe vi aver paramiči: “O Carstvo nebesko si slično sago e gorušicako semeno savo o manuš posardisarda ande piri njiva.³²Vi ako si majcikno katar sa o seme, kana barjol avel majbaro katar svako povrće. Barjol thaj avel kaš, thaj e čiriklja aven thaj gnezdin pes maškar lešće ranja.”

O Isus phenel e prispodoba palo kvasco

³³Askal o Isus phendas lenđe aver paramiči: “O Carstvo nebesko si sago o kvasco savo lel e manušnji thaj šukljarel les ande biš kile aro, dok sa či vazdel pe.”³⁴O Isus sa godova phendas e themešće ande paramiča. Thaj khanči či phenelas lenđe bi e paramičengo:³⁵Gajda pherdilo o proročanstvo savo phenel:
“Ande paramiči phenavathaj objaviva okova so si garado katar o postanko e themesko.”

O Isus objasnil e paramiči palo điv thaj palo kukolj

³⁶O Isus mukla e but e themes te džaltar thaj dijas ando ćher. E učenikurja aviline leste thaj phendine lešće: “Objasnisar amenđe e paramiči palo kukolj pe njiva.”³⁷A vo phendas lenđe: “Okova kaj posadisardas o lačho seme si o Čhavo e Manušesko,³⁸a e njiva si o them. O lačho seme si e manuša save pripadin e nebesko Carstvošće, a o kukolji si e manuša e benđešće.³⁹O dušmano savo posadisardas o seme si o beng; e žetva si o krajo e themesko, a okola save ćiden o điv si e anđelurja.⁴⁰Sago kaj o kukolji ćidel pe ande snopurja, thaj del pe jag, gajda avela vi po krajo e themesko.⁴¹A me, o Čhavo e Manušesko, bičhalava mungre anđelen, te izdvoin andar mungro Carstvo savoren save crden avren po bezeh thaj savoren save ćeren bilačhipe.⁴²Thaj e anđelurja čhudena len ando jagalo bov, okote avela roipe thaj škripipe e dandenca katar e duk.⁴³Askal e pravednikurja sago o kham zasijina ando Carstvo pire Dadesko. Ašunen, kana već si tumen kan!”

O Isus phenel vi e aver paramiče pale Devlesko carstvo

⁴⁴“E nebesko Carstvosa si sago e garade barvalipeja ande njiva. Kana o manuš araćhel les, garavel les okote thaj pherdo bah džal thaj bićinel sa so si les thaj ćinel godoja njiva.”⁴⁵Još o Carstvo nebesko si slično sago o trgovco savo rodel šukar biserja.⁴⁶Pa kana araćhel zurale kuč biseri, džal thaj bićinel sa so si les, te ćinel les.⁴⁷Još o Carstvo nebesko si slično sago vi e mreža savi si čhudini ando more ande savi astardile e svakovrsne mačhe.⁴⁸Kana e mreža pherdol e mačhenca, crden lat avri pe obala. Askal e ribarja bešen thaj losaren e lačhe mačhe thaj čhon len ande kante, a e bilačhe mačhen čhuden.⁴⁹Gajda avela po krajo e themesko: avena e anđelurja thaj odvoina e bilačhen katar e pravedne⁵⁰thaj e bilačhen čhudena ando užarime bov, okote avela roipe thaj škripipe e dandenca katar e duk.

O nevo thaj o purano nebo

⁵¹O Isus phučla len: “Dali haćardine sa akava?” A von phendine: “Haćardam.”⁵²O Isus phendas lenđe: “Zato si svako učitelj e Mojsiješće zakonestar savo si sikado palo Carstvo nebesko slično sago o domaćino savo andar piri riznica inkalel o nevo thaj vi o purano blago.”

E Isuse či prihvatisardine ando Nazaret

⁵³Kana o Isus završisarda akala paramiče, đelotar okotar.⁵⁴Thaj dijas ando piro gav kaj barilo. Thaj sikavelas okote e theme ande lenđe sinagoge, a von zadivime phenenas: “Katar akales kasavi mudrost thaj moć?⁵⁵Naj li akava e tesaresko čhavo? Či li bučhol lešći dej Marija, a lešće phrala o Jakov, Josif, Simon, thaj o Juda?⁵⁶Thaj zar naj sa lešće pheja akate maškar amende? Katar les askal sa akava?”⁵⁷Thaj odbisardine te paćan ande leste. A o Isus phendas lenđe: “O proroko si svugde poštujime osim ande piro gav thaj ande piro ćher.”⁵⁸Zbog lengo bipaćipe okote či ćerda but e čudurja.

Matej 13 / rmy_che