शेंसीब आन कली ब्रेश्शो
1मिनु आ शेंसीब १२ जना आन कली खुप्शा, वोल आन कली ग्रुंइशा, खेरतीक, रोइमी गुरशो नु रोइ पाइब आन कली सापाइक्तीक अधिकार गेम्तीमी।2मोदेंशो अधिकार ताइब आन कली “सोइश्शोपुकी” दे यो देंसीब। मेकोपुकी सु सु बाक्तेक्म देंशा हना, पत्रुस माइश्शो सिमोन नु आ दाग्यु अन्द्रीयास, जब्दी आ तौ याकूब नु यूहन्ना, मर्कूस ३:१६-१९; लूका ६:१४-१६; प्रेरित १:१३3फिलीप नु बारथोलोमाइ, थोमास, तिरो पोक्ब मत्ती, अल्फयस आ तौ याकूब, थदेयस,4कनानी सिमोन नु इस्कारीयोत ङा यहूदा बाक्तेक्म। मेको यहूदा नोले येसु कली साइक्चा, दे माल्ब आन कली वारच पाइब दुम्बाक्माक्त।शेंसीब आन कली सोइश्शो
5येसुमी आ १२ जना शेंसीब आन कली सोइश्शा, मेको आन कली “अर्को जात ङा मुर आन रागी मलने। सामरीया ङा मुरपुकी आन रागी यो मलने।6तन्न गोठला मबाक्शो, लां जाम्शो भेडा खोदेंशो, इं इस्राएली आन बाक्तीके लने। मत्ती १५:२४; प्रेरित १३:४६7‘स्वर्ग ङा राज्य जाक्चशो बाक्त’ दे शेंदीने। लूका १०:१-१२; मत्ती ४:१७8रोइ पाइब आन कली सापतीन। बेक्शो मुर आन कली सेंपतीन। कोर पाइब आन कली सापतीन। वोल आन कली ग्रुंइशा खेरीन। मेको नेल्ल मोशा ताइतीनी। मिनु मोशा गेने। मर्कूस १६:१७9सुन चांदी तांबा का यो मकुरीन। प्रेरित २०:३३10लां कली फेक्तीक वा, जुत्ता जोड निक्शी, झोला नु कोक्के मकुरीन। मारदे हना गेय पाइबपुकीमी जचा गेचा पुंइसीनीम। गन्ती १८:३१; १कोरिन्थी ९:१४; १तिमोथी ५:१८11सहर गाउं तेइ जाक्दीन्नीनु, रिम्शो थुं पाइश्शो मुर आ खिं हिल्लो पा बाक्थ लने। मिनु बास गेम्तेक्म हना, गाक्ची मजाक्म सम्म बाक्कीन।12मिनु खिं ओव़नीनु ‘परमप्रभु यावेमी इन कली रिम्शो पवल’ दे आसीक गेने।13मेको खिंमी रिम्शो थुं पाइश्शो मुर बाक्तेक्म हना, आसीक रशा, आन थुं नाइक्चा ताइनीमी। मोदेंशो मुर मबाक्तेक्म हना चहिं मेको आन रचा ङा आसीक गे राइनीनी।14मुरपुकीमी इन लोव़ मनेंथु, बास मगेम्तेक्म हना, इन खोइल ङा फुरक थुर थुर पाइश्शा गाक्कीन। प्रेरित १३:५१15नोफा दाइश्शा नेनीने, निसाफ पची नाक्त सोदोम नु गोमोररा सहर निक्शीमी बाक्ब मुर आन क्येङा इन लोव़ मनेंब मटीबपुकीमी शुश सजाइ ताइनीम। उत्पत्ती १९:१-२९थमा सुइक्बपुकी खेदा पचा पुंइसीनीम
16भेडा आन कली फर आन दातेम सोइश्शो खोदेंशो पा सोइक्नन्नी। बुस्स खोदेंशो पा निप्स पाइश्शो दुमीने। मिनु परवा खोदेंशो दुम्शा, सुइ कली मरिम्शो मपने। लूका १०:३; रोमी १६:१९; एफिसी ५:१५17होस पा गाक्कीन। मारदे हना मेको फरपुकीमी इन कली सभा कछडीम वोइक्नीम। ग्रुम्तीक खिंमी लाइश्शा युक्नीम। प्रेरित ५:४०; २कोरिन्थी ११:२४18इन कली श्येत गेबपुकी नु अर्को रागी ङा मुर आन ङोंइती सांकछी दुम्चा कली ठेयब मुर नु पिप आन ङोंइती राप्पाइक्नीम। प्रेरित २५:२३; प्रेरित २७:२४19इन कली मोपा राप्पदमेनु, मार लोव़ पका? मार देंका? दे सुर्ता मपने। मार देंचा माल्बा, मेको लोव़ तुइक्पाइक्चा पुंइसीनीनी। प्रस्थान ४:१२; लूका १२:११-१२; प्रेरित ४:८20मारदे हना गे इन थुं रे पिशो लोव़ मपाइनीनी, तन्न इन आफ आ सोक्तीमी इन शोव़ रे पा लोव़ पाइब। १कोरिन्थी २:४21लोक्बमी आ लोक्ब कली साइक्पाइक्चा गेब। आफोमी तमी तौ आन कली नु तमी तौपुकीमी यो आम आफ कली मरिम्शो पा साइक्पाइक्नीम। मीका ७:६22आं नें आ पर्बम नेल्लेमी इन कली मदाक्नीम। तन्न सु सुमी चहिं नोले सम्म फाल्शा बाक्नीमी, मेकोपुकी परमप्रभु यावे नु ब्रोंइशा बाक्चा ताइनीमी। २तिमोथी २:१२; मत्ती २४:९-१३23सहर कामी खेदा पाम्तेक्म हना, प्रोक्शा अर्को सहरमी जाक्दीश्शा बाक्कीन। नोफा दाइश्शा नेनीने, रागीम जरमेशो मजाक्म सम्म इस्राएल ङा सहर नेल्ल हिरशा मग्रुम्नीनी। प्रेरित ८:१; मत्ती १६:२८श्येत गेब आन कली तशा महिंचा
24शेंब क्येङा शेंसीब नु होव़प क्येङा गेय पाइब ठेयब मनमी। लूका ६:४०; यूहन्ना १३:१६; यूहन्ना १५:२०25शेंब नु शेंसीब, होव़प नु आ गेय पाइब कांइचीक दुम्ने चाप्नीम। खिं ङा ठेयब मुर कली बेल्जीबुल, दे शुक्शी पाइक्तेक्म हना, आ खिं ङा मुर आन कली शुक्शी मपाइनीमी ङा? मत्ती १२:२४26मोपतीके मेको आन कली तशा महिनीन। मुल सम्म सुम्शा वोइश्शो नोले नेल्ल हाक्सीशा तांइसीब। मुल ख्रुइश्शा वोइश्शो नोले तुंइसीब। लूका १२:२-९; मर्कूस ४:२२; लूका ८:१७27गोमी इन कली छिङछिङमी माइश्शो लोव़ छेङछेङमी मतीने। इन कली नोफाम देंशो लोव़ नोले ठेयब सेंदा पा नेंपतीने।28इन रां कली साइक्ने चाप्ब। तन्न इन सोक्ती कली साइक्ने मचाप्बपुकी आन कली तशा महिनीन। रां नु सोक्त निम्फा नरकमी खतम पने चाप्ब कली तशा चहिं हिनीन। हिब्रू १०:३१; याकूब ४:१२29अस्सारीयोन कामी भंगेरा निक्शी मग्याम्सीबा ङा? मो हना यो इन आफोमी मदेंथु, का यो खपीम मदोक्ब।30इन पिया ङा चां का का पा हिक्शा, गिश बाक्मा, दे तुइश्शो बाक्ब। अस्सारीयोन का आइक्च तांबा के क्येट बाक्त। प्रेरित २७:३४31मोपतीके महिनीन। गे भंगेरा क्येङा शुश हिक्सीशो बाक्नीनी। मत्ती ६:२६32सुमी मुर आन कली ‘येसु आ मुर नङ’ देंबा, गो यो स्वर्गम बाक्ब आं आफ कली ‘एको आं मुर बाक्ब’ देंनुङ। प्रकाश ३:५33सुमी चहिं मुर आन कली ‘येसु सु में? मतुइक्नुङ’ देंबा, गो यो स्वर्गम बाक्ब आं आफ कली ‘मेको कली मतुइक्नुङ’ देंनुङ। मर्कूस ८:३८; लूका ९:२६; २तिमोथी २:१२येसु आ पर्बम मुर ब्रानीम, दे शेंशो
34रागीमी नेल्ल आन कली गारपाइक्थ जाक्शो बाक्ब, दे आं पर्बम ममिम्तीने। दुपाइक्चा कली ममाइ, तन्न तरवार ग्यारपाइक्थ जाक्ती। लूका १२:५१-५३; मीका ७:६35मारदे हना आ पर्बम तौ नु आफ, तमी नु ममा, चाइमी नु शिमी जिमुशा ब्रानीम।36मोदेंशो पा आंम खिं ङा मुर जोरी सत्रु दुम्नीम।37आं क्येङा आन आम आफ कली दाक्बपुकी आं नोले खोइक्चा मशिरनीम। आं क्येङा आन तमी तौ आन कली दाक्बपुकी यो आं नोले खोइक्चा मशिरनीम। ब्यवस्था १३:७-१२; ब्यवस्था ३३:९; लूका १४:२६-२७38सुमी आं नोले खोइश्शा, श्येत फाल्ने मचाप्बा, मेको आं नोले खोइक्चा मशिरब। मत्ती १६:२४-२५39आंम कली प्रोंइचा दाक्ब जाम्शा लाइब। आं पर्बम जाम्शा लाइब चहिं ब्रोंइचा ताइब। लूका ९:२४; यूहन्ना १३:२०; गलाती ४:१४रिम्शो पाइबमी इनाम ताइब
40इन कली ब्राइबमी आं कली ब्राइब। मिनु आं कली ब्राइबमी आं कली सोइक्ब कली यो ब्राइब।41परमप्रभु यावे आ लोव़ पाइब बाक्माक्त, दे मिम्शा, परमप्रभु यावे आ लोव़ पाइब कली ब्राप्तु हना, परमप्रभु यावे आ लोव़ पाइब आ तचा ङा इनाम मेकोम ताइब। ठीक पाइब मुर बाक्माक्त, दे मिम्शा, ठीक पाइब मुर कली ब्राप्तु हना, ठीक पाइब आ तचा ङा इनाम मेकोम ताइब। १राजा १७:८-२४42नोफा दाइश्शा नेनीने, सुमी महिक्सीशो मुर का कली ‘एको यो शेंसीब का बाक्माक्त’ दे मिम्शा, लोटा का ब्वाक्कु तूचा गेबा, मेकोमी दोपा यो आ तचा ङा इनाम मसाम्ब” दे शेंताक्मी। मत्ती २५:४०; मर्कूस ९:४१