Read لُكِ 6

لُكِ6sus_apb

مَلَبُ لْشْي شَ سّرِيّ،

نُن شّمّ ندٍ بّلّشّ رَيَلَنقٍ

¹مَلَبُ لْشْ ندٍ، عِسَ نُن عَ قْشِرَبِرّيٍ نُ حّرّقٍ سَنكِرَ رَ شّيٍ تَفِ. عِسَ قْشِرَبِرّيٍ نَشَ مّنفِ تْنسْي ندٍيٍ بَ، عٍ عٍ تُشُتُشُ عٍ بّلّشّ، عٍ عَ شْرِيٍ دٌن.²قَرِ سّنِ ندٍيٍ نَشَ وْيّن، «مُنقٍ رَ وٌ نَ مَلَبُ لْشْي سّرِيّ مَتَندِقٍ؟»³عِسَ نَشَ عٍ يَابِ، «وٌ مُ نُ عَ شَرَن دَوُدَ نَشَن نَبَ كَامّ تٌ عَ سُشُ، عَ تَن نُن نَشٍيٍ نُ نَ عَ قْشْ رَ؟⁴عَ سٌ نّ عَلَ شَ بَنشِ كُي، عَ تَامِ دٌن نَشَن قِشِ عَلَ مَ، عَ ندٍ سٌ عَ قْشِرَبِرّيٍ قَن يِ رَ، هَلِ عَ تٌ مُ نُ دَشَ مِشِ يٌ شَ نَ دٌن، قٌ سّرّشّدُبّيٍ.»⁵عِسَ مَن نَشَ عَ قَلَ عٍ بّ، «عَدَ مَ شَ دِ نَن قِندِشِ مَرِفِ رَ مَلَبُ لْشْي شُن مَ.»⁶مَلَبُ لْشْي فبّتّ مَ، عِسَ مَن نَشَ سٌ سَلِدٍ كُي، عَ مِشِيٍ كَوَندِ. عَ نَشَ شّمّ ندٍ لِ نَا، نَشَن يِرٍ قَن بّلّشّ تُوشِ عَ مَ.⁷قَرِ سّنِيٍ نُن سّرِيّ كَرَ مْشْيٍ نُ عٍ يَ تِشِ عِسَ رَ عٍ شَ عَ مَتٌ شَ عَ مِشِ رَيَلَنمَ مَلَبُ لْشْي مَ، عَلَكٌ عٍ شَ نْ عَ كَلَمُدٍ قٍ ندٍ مَ.⁸كْنْ عِسَ تٌ نُ عٍ شَ مَحْشُنيِ كٌلٌن، عَ نَشَ عَ قَلَ شّمّ بّ نَشَن بّلّشّ تُوشِ عَ مَ، «كٍلِ، عِ قَ تِ بٍ حَمَ تَفِ.» عَ نَشَ كٍلِ، عَ تِ.⁹عِسَ نَشَ عَ مَسٍن عٍ بّ، «ﭑ شَ وٌ مَشْرِن. عَ دَشَ قٍ قَنيِ نَن شَ رَبَ مَلَبُ لْشْي مَ، كَ قٍ حَاشِ؟ نِي رَكِسِقٍ نَن دَشَ كَ نِي سْنتْقٍ؟»¹⁰عَ تٌ فّ عَ يَ رَحّرّدٍ مِشِ بِرِن كَنكٍ مَ، عَ نَشَ عَ قَلَ نَ شّمّ بّ، «عِ بّلّشّ عِتَلَ.» عَ نَشَ عَ عِتَلَ، عَ بّلّشّ نَشَ يَلَن.¹¹كْنْ قَرِ سّنِيٍ تَن نَشَ شْنْ كِ قَنيِ. عٍ نَشَ سٌ وْيّنقٍ عٍ بٌرٍ بّ، عٍ شَ لَن قٍ مَ، عٍ نْمَ نَشَن نِيَدٍ عِسَ رَ.

عِسَ عَ شَ شّيرَ قُ نُن قِرِنيِ سُفَندِقٍ

¹²نَ وَشَتِ مَ، عِسَ نَشَ سِفَ فٍيَ قَرِ عَلَ مَشَندِدٍ، عَ كْي بِرِن نَدَنفِ عَ عَلَ مَشَندِ مَ.¹³كُيٍ تٌ عِبَ عَ نَشَ عَ قْشِرَبِرّيٍ شِلِ. عَ نَشَ قُ نُن قِرِن سُفَندِ عٍ يَ مَ، عَ عٍ شِلِ سَ شّيرَيٍ. عٍ تَن نَن يَ؛¹⁴سِمْن، عِسَ نَشَن شِلِ سَ ثِيّرِ، ثِيّرِ شُنيَ عَندِرٍ، يَكِ، يَيَ، قِلِثُ، بَرٌتٌلٌمٍ،¹⁵مَتِيُ، تٌمَسِ، عَلِقَ شَ دِ يَكِ، سِمْن نَشَن شِلِ نُ قَلَمَ سٍلٌتِ،¹⁶يَكِ شَ دِ يُدَ سِ، نُن يُدَ سِ عِسِكَرِيٌتِ نَشَن قِندِ يَنقَنتٍ رَ، عَ عِسَ سَ مِشِ كٌبِيٍ بّلّشّ.

عِسَ حَمَ كَوَندِقٍ

¹⁷عِسَ نُن نَ مِشِ قُ نُن قِرِنيِيٍ تٌ فٌرٌ، عَ نَشَ تِ كّنّ ندٍ مَ. عَ قْشِرَبِرّيٍ فَلِ نُ نَ نَا، عَ نُن حَمَ فبٍفبٍ نَشٍيٍ نُ كٍلِشِ يُدَيَ نُن دَرِ سَلَمُ، عَ نُن بَا دّ رَ، تِرٍ نُن سِدْن نَبِلِنيِ.¹⁸عٍ بِرِن نُ قَشِ عِسَ شُي رَ مّدٍ، عَ مَن شَ عٍ رَيَلَن عٍ شَ قُرٍيٍ مَ. حِننّ نُ نَشٍيٍ تْورْ مَ، عَ نُ عٍ رَيَلَنمَ.¹⁹حَمَ بِرِن نُ كَتَقٍ عٍ شَ دِن عَ رَ، بَرِ مَ سّنبّ نُ مِنِقٍ عَ عِ، عَ نُ عٍ بِرِن نَيَلَن.

سّيوّ نُن فبَلٌي

²⁰نَ تّمُي عِسَ نَشَ عَ يَ تِ عَ قْشِرَبِرّيٍ رَ، عَ عَ مَسٍن عٍ بّ،«سّيوّ نَ وٌ بّ، وٌ تَن سٍتَرٍيٍ،بَرِ مَ وٌ حَن نَ عَلَ شَ مَنفّيَ نِينِ بُن مَ.²¹سّيوّ نَ وٌ بّ، وٌ تَن نَشٍيٍ كَامّشِ يَكْسِ،بَرِ مَ وٌ قَمَ نّ وَ سَدٍ.سّيوّ نَ وٌ بّ، وٌ تَن نَشٍيٍ وَ مَ يَكْسِ،بَرِ مَ وٌ قَمَ نّ يٍلٍدٍ.²²سّيوّ نَ وٌ بّ، مِشِيٍ نَ وٌ شْن تّمُي نَشّ،عٍ نَ وٌ كٍرِ، عٍ نَ وٌ كٌنبِ، عٍ نَ وٌ شِلِ كَنَ عَدَ مَ شَ دِ شَ قٍ رَ.²³وٌ شَ سّيوَ نَ لْشْي، وٌ تُفَن حّلّشِنيِ رَ،بَرِ مَ وٌ بَرَايِ فبٌمَ نّ عَرِيَننَ.عٍ بٍنبَيٍ نُ نَمِحْنمّيٍ قَن تْورْ مَ نَ كِ نّ.»

²⁴«كْنْ فبَلٌي نَ وٌ بّ، وٌ تَن بَننَيٍ،بَرِ مَ وٌ حَن بَرَ وٌ شَ قٍ قَنيِ سْتْ.²⁵فبَلٌي نَ وٌ بّ، وٌ تَن نَشٍيٍ وَ سَشِ يَكْسِ،بَرِ مَ كَامّ قَمَ نّ وٌ سُشُدٍ.فبَلٌي نَ وٌ بّ، وٌ تَن نَشٍيٍ يٍلٍمَ يَكْسِ،بَرِ مَ سُننُنيِ نُن وَ قَمَ نّ وٌ سُشُدٍ.²⁶فبَلٌي نَ وٌ بّ، مِشِ بِرِن نَ وٌ شِلِ قَنيِ قَلَ تّمُي نَشّ،بَرِ مَ عٍ بٍنبَيٍ نُ وُلٍ قَلّيٍ قَن شُنمَقَلَمَ نَ كِ نّنَشٍيٍ نُ عٍ يّتّ قِندِشِ نَمِحْنمّيٍ رَ.»

يَشُييٍ شَنُقٍ

²⁷«ﭑ شَ عَ قَلَ وٌ بّ، وٌ تَن نَشٍيٍ نَ وٌ تُلِ مَتِقٍ ﭑ نَ،وٌ شَ وٌ يَشُييٍ شَنُ،وٌ قٍ قَنيِ نَن نَبَ وٌ شْنمَيٍ بّ،²⁸وٌ عَلَ مَشَندِ وٌ دَنكَمَيٍ بّ،وٌ عَلَ مَشَندِ وٌ تْورْ مَيٍ بّ.²⁹شَ مِشِ عِ شّرّ فَرِن،عِ شَ بٌورٍ سّيتِ قَن تِ عَ بّ.شَ مِشِ عِ شَ دٌنمَ تٌنفٌ،عِ نَشَ تٌندِ عَ شَ عِ شَ مَقٍلٍنيِ قَن تٌنفٌ.³⁰نَشَن يٌ نَ عِ مَكُلَ، عِ شَ عَ كِ.نَشَن نَ سٍيٍ بَ عِ يِ، عِ نَشَ عَ مَشْرِن عَ شَ عَ رَفبِلٍن.³¹وٌ وَ مَ مِشِيٍ شَ نَشَن بِرِن نَبَ وٌ بّ،وٌ قَن شَ نَ نَن نَبَ عٍ بّ.»³²«شَ وٌ سَ مِشِ فبَنسَن نَن شَنُمَ، نَشٍيٍ وٌ قَن شَنُشِ، وٌ بَرَايِ مُندُن سْتْمَ نَ كُي؟ هَلِ يُنُبِتْييٍ، عٍ مِشِيٍ نَن شَنُمَ نَشٍيٍ عٍ تَن قَن شَنُشِ.³³شَ وٌ سَ قٍ قَنيِ رَبَمَ مِشِيٍ بّ، نَشٍيٍ قٍ قَنيِ رَبَمَ وٌ قَن بّ، وٌ بَرَايِ مُندُن سْتْمَ نَ كُي؟ نَ تَن، هَلِ يُنُبِتْي عَ رَبَمَ.³⁴شَ وٌ سَ دٌنِ تِمَ مِشِ نَن بّ، وٌ لَشِ نَشَن نَ عَ وٌ شَ دٌنِ قِمَ، وٌ بَرَايِ مُندُن سْتْمَ نَ كُي؟ هَلِ يُنُبِتْييٍ، عٍ دٌنِ تِمَ عٍ بٌورٍ بّ، عَلَكٌ عٍ مَن شَ دٌنِ بِرِن سْتْ.³⁵كْنْ وٌ تَن شَ وٌ يَشُييٍ شَنُ. وٌ شَ قٍ قَنيِ نَن نَبَ. وٌ شَ دٌنِ تِ، هَلِ وٌ مُ لَشِ عَ قِقٍ رَ. نَ كُي، وٌ بَرَايِ فبٌمَ نّ، وٌ قِندِ عَلَ شِلِ شُنفبٍ كَنيِ شَ دِيٍ رَ، بَرِ مَ عَ تَن قٍ قَنيِ رَبَمَ قِنسِرِوَلِيٍ نُن مِشِ كٌبِيٍ بّ.³⁶وٌ قَن شَ كِنِكِنِ مِشِ مَ، عَلْ وٌ بَبَ عَلَ كِنِكِنِمَ مِشِ مَ كِ نَشّ.»

وُرِ قُحِ نُن شٍبٍنيِ

³⁷«وٌ نَشَ وٌ يّتّ قِندِ وٌ بٌورٍ عَدَ مَ كّوَلِيٍ مَكِيتِمَ رَ، عَلَكٌ كِيتِ نَشَ قَ كَنَ وٌ قَن نَ عَلَ يِ. وٌ نَشَ مِشِ مَكِيتِ كِيتِ شْرْشْي رَ، عَلَكٌ وٌ قَن نَشَ مَكِيتِ كِيتِ شْرْشْي رَ. وٌ دِحّ مِشِ مَ، عَلَكٌ عَلَ شَ دِحّ وٌ قَن مَ.³⁸وٌ مِشِ كِ، عَلَكٌ عَلَ قَن شَ وٌ كِ. وٌ كِمَ كِ نَشّ، عَ لُمَ نّ عَلْ مَالٍ نَ مَنِيَ، عَ مَنِيَسٍ رَقٍ عَ قَنيِ رَ، مَالٍ مَدّتّن، عَ شّيّ شّيّ، ندٍ مَن قَ سَ عَ شُن هَن عَ قِلِ عَ مَ. نَ كُي، وٌ مَنِيَسٍ نَشَن نَوَلِمَ بٌورٍيٍ بّ، نَ نَن نَوَلِمَ وٌ قَن بّ.»³⁹عِسَ مَن نَشَ يِ تَالِ وْيّنيِ قَلَ عٍ بّ، «دْنشُي نْمَ شُلِ سُشُدٍ دْنشُي بّ يِرٍ؟ عَ دِ، عٍ قِرِن بِرِن مُ بِرَ مَ شّ يِلِ كُي؟⁴⁰تَالِبِ مُ دَنفِمَ عَ كَرَ مْشْ رَ، كْنْ تَالِبِ نَشَن بِرِن نُ فّ عَ مَتِنكَندٍ، عَ لُمَ نّ عَلْ عَ كَرَ مْشْ.»⁴¹«مُنقٍ رَ عِ وُرِ قُحِ تٌمَ عِ نفَشَكٍرٍنيِ يَ مَ، عَ قَ لِ عِ مُ شٍبٍنيِ تٌشِ نَشَن نَ عِ تَن يّتّ يَ مَ؟⁴²عِ نْمَ عَ قَلَدٍ عِ نفَشَكٍرٍنيِ بّ دِ، ‹عَ لُ ﭑ شَ نَ وُرِ قُحِ بَ عِ يّتّ يَ مَ،› عَ قَ لِ عِ تَن مُ شٍبٍنيِ تٌشِ نَشَن نَ عِ تَن يَ مَ؟ عِ تَن قِلَنكَقُي، شٍبٍنيِ نَن سِنفٍ بَ عِ يَ مَ! نَ بَ شَنبِ، عِ نْمَ نّ سٍ عِفبّدٍ عَ قَنيِ رَ، عَلَكٌ عِ شَ وُرِ قُحِ بَ عِ نفَشَكٍرٍنيِ قَن يَ مَ.»

وُرِ بِلِ كٌلٌنمَ عَ بٌفِ نَن مَ

⁴³«سَنسِ قَنيِ مُ نَ نَشَن بٌفِ كٌبِ رَ مِنِمَ، سَنسِ كٌبِ قَن مُ نَ نَشَن بٌفِ قَنيِ رَ مِنِمَ.⁴⁴سَنسِ بِرِن كٌلٌنمَ عَ بٌفِ نَن مَ. شْرّ مُ بَمَ تُنبٍ بِلِ رَ، كُسُ قَن مُ بَمَ بَافِ بِلِ كْن نَ.⁴⁵قٍ قَنيِ تٌ رَفَتَشِ مِشِ قَنيِ بْحّ كُي، عَ قٍ قَنيِ نَن نَمِنِمَ. قٍ كٌبِ تٌ رَفَتَشِ مِشِ كٌبِ بْحّ كُي، عَ قٍ كٌبِ نَن نَمِنِمَ. نَشَن نَ فبٌ مِشِ بْحّ كُي، نَ نَن دْنشْي مِنِمَ عَ دّ عِ.»

بَنشِتِ قِرِنيِيٍ شَ تَالِ

⁴⁶«مُنقٍ رَ وٌ ﭑ شِلِمَ ‹ﭑ مَرِفِ، ﭑ مَرِفِ،› كْنْ وٌ مُ ﭑ شُي رَبَتُمَ؟⁴⁷مِشِ يٌ قَ ﭑ مَ، عَ ﭑ مَ مَسٍنيِ رَ مّ، عَ قَ عَ رَبَتُ، وٌ وٌ تُلِ مَتِ ﭑ شَ عَ مَسٍن وٌ بّ نَ كَنيِ مَنِيَشِ مِشِ نَشَن نَ.⁴⁸عَ مَنِيَشِ بَنشِتِ نَن نَ، نَشَن بْشِ فٍ هَن عَ سَ قَنيٍ لِ، عَ قَ عَ شَ بَنشِ بِلِ تِ نَ قَنيٍ قَرِ. لْشْ ندٍ، شُرٍ نَشَ بَنبَرَن يّ هَن عَ دِن بَنشِ مَ، كْنْ عَ مُ نْ سٍسٍ نِيَدٍ عَ رَ، بَرِ مَ عَ نُ تِشِ عَ قَنيِ رَ.⁴⁹كْنْ مِشِ يٌ نَشَن ﭑ مَ مَسٍنيِ رَ مّ، عَ قَ لِ عَ مُ عَ رَبَتُ، نَ كَنيِ تَن مَنِيَشِ شّمّ نَن نَ نَشَن بَنشِ تِ بْشِ قَرِ مَ، بِلِ مُ عَ بّ. شُرٍ تٌ بَنبَرَن، عَ دِن بَنشِ مَ، عَ نَشَ عَ رَبِرَ كٍرٍن نَ، بَنشِ نَشَ كَنَ عَ حَاشِ رَ.»

لُكِ 6 / sus_apb