1Sabbath mhmüp üng Jesuh lo hmu lama cit se axüisaw he naw kyung cangvui jah kpyat u lü ami kut am mnawiki he naw ei u se,2Pharise avang he naw, â Ivai Sabbath mhmüp üng am nghlawiki nami pawhki ni?â ami ti.3Jesuh naw jah msang lü, â Davit a ei cawi law lü, a püi he am i ami pawh am nami kheh khawiki aw?4Pamhnama ima lut lü, ktaiyüe däng naw ami ei ngkawi muk lo lü, ei lü, a püi he üng pi a jah pet cen,âa ti.5Acunüng Jesuh naw, â Khyanga capa hin Sabbatha bawi ni,âa ti.
Akutxo Khyang Mat
6Sabbath akce üng Sinakoka lut lü a jah mthei. Acunüng khyang mat a kut kpat lam xoki awmki.7Thum ksing he la Pharise he avang naw ami mkateinak vaia, Sabbath mhmüp üng mdaw law be khai aw tia a peia awm u lü ami mcih.8Jesuh naw ami ngaihkyunak jah ksingki naw akutxo üng, â Tho law lü maa lawaâti se, akxo cun tho law lü ngdüiki.9Acunüng Jesuh naw, â Mat ka ning jah kthäh khai. Sabbath mhmüp üng kpüi vai aw angkawih? Kpyeh vai aw angkawih? Xünak küikyan vai aw angkawih? Kpyeh vai aw angkawi?âa ti.10Acunüng ami van jah teng law päng lü; akxo üng, â Na kut sängaâ tise, acunkba a säng la vanglama ka kba a kut daw law beki.11Acunüng ami mlung naw jah uimsoei se ikba Jesuh ami pawh vaia ngthäh kyuki he.
Jesuh naw Axüisaw Xaleinghngih he a jah Xü
12Acunüng, Jesuh ktaiyü khaia mcunga ktawih lü, Pamhnama veia mthai mhlän lü ktaiyüki.13Khaw athaih law la axüisaw he a veia jah khü lü, xaleinghngih ngsä hea a jah xü he cun,14Pitaa a sui Sihmon la a na Andru; Jakuk la Johan, Philip la Batolame,15Mahte la Thomah, Alaphaha capa Jakuk, Patriot naki Sihmon,16Jakuka ca Judah la Jesuh ceng lawkia Judah Iskarota kyaki he.
Jesuh naw jah Mthei lü a jah Mâ yai be
17Jesuh a ngsä he am mcung üngka naw ami kyum law be üng, a donak üng axüisaw he khawjah am ngdüiki he. Acuia khyang khawjah, Judah khaw avan üngka he la, Jerusalem üngka he, Turah la Sidon mlüh lam tuikam üngka khyang khawjah;18a ngthu ngai khai he la ami natnak a jah mdaw be vaia law hüki he. Acunüng ngmüimkhya kse hea jah pawhe pi law u se a jah mdaw be.19A vei üngka naw khyaibahnak lut law lü jah yai sak se, khyang avan naw ami hnet vaia ktha naki he.
Jekyainak la Mlung Natnak
20Jesuh naw axüisaw he jah teng lü,â M'yenkseki he aw nami jo sen ve;Pamhnama khaw nami hama kyaki!21â Nangmi atuh nami ei nami cawiki nami jo sen ve;nami ei nami phü law khaia kyaki!â Nangmi atuh nami mbawikyapki he nami jo sen ve;nami yaiyüng law khaia kyaki!22â Khyanga Capaa phäha khyang he naw ning jah hneng u lü, ning jah jüi u lü nami ngming am dawki ti u lü ami ning jah yawk üng nami jo senki!23â Jekyai u lü, hlim u lü, nglam ua, khankhawa nami ngkhengnak vai khawjah awmki. Acukba ami pupa he naw sahma hea khana ana pawh khawiki he ni.24â Cunsepi atuh nami bawimangki he nami jo se ve;hlimnak nami yah pängkia kyaki!25â Nangmi atuh nami phüki nami jo se ve;nami cawi law khaia kyaki!â Nangmi atuh nami yaiyüngkie nami jo se ve;ktha se lü nami mbawikyap law khaia kyaki!26â Khyang he naw ami ning jah mhlünmtai üng nami jo se ve; ami pupa he naw sahma kcang he am niki he khana acunkba ana pawh khawiki he ni.
Ye Jawngnak vai
27â Ka ngthu ngjaki he aw, nami ye jawng na u lü ning jah hnengkie ami dawnak vaia pawh u.28â Ning jah yünceki he josenak am jah kbe u lü ning jah mkhuimkhaki he jah ktaiyü pe u.29â Nami ngbeng vanglam ning jah kbeiki üng vanglam pi dunei pe u, acunüng nami jih ning jah lawhei peki am nami kcu a lawhei vaia pi ä nami mkhyawh vai.30â Ning jah kthäheiki üng pe u lü nami ka ning jah lawhei peki ä kthäh be u.31â Khyang naw nami khana akdaw a pawh vai nami ngjak hlüa kba khyanga khana akdaw pawh ua.32â Ning jah jawng naki däng nami jawngnak be üng ngkhengnak i nami yah khai ni? Khyangka he naw pi jah jawng naki cun jawng na beki he ni.33â Acunüng nami khana dawki hea veia däng nami daw be üng ngkhengnak i nami yah khai ni? Khyangka he naw pi acunkba cui pawh hngaki he ni.34â Ning jah thung be thei khai däng üng yah be vaia ngak'uheinak am iyaw nami kpu üng ngkhengnak i nami yah khai ni? Khyangka he naw pi yah be vaia ngak'uhnak am khyangka he üng jah kpu hngaki he ni.35â Cunsepi nami ye he jah jawng na u lü ami dawnak vai pawh u lü jah kpu ua, acunkba nami pawh üng ngkhengnak nami yah be vai ä ngai ua. Acunüng Akhlüng säih Mhnama ca hea nami kya khai. Mhnam cun bänak am ksingki la am dawki hea veia pi m'yeneinak taki ni.36â Acunakyase nami Pa m'yeneinak am a bea kba khyang m'yenei hnga ua.
Khyang ä ngthumkhya pet vai
37â Khyang ä nami jah ngthumkhya pet vai, acunüng ngthumkhyanak am am nami awm khai; ä nami jah mkatei vai, acunüng mkateinak am am nami awm khai; jah mhlät u, acunüng mhlätnak am nami awm hnga khai,38â Khyang üng pe u, Pamhnam naw ning jah pe be khai. Akcanga kbäi dänga ä kyase hnawm u lü, khyün u lü, pyep khaia ning jah pe khai he. Nami kbäinak bä am Mhnam naw ning jah kbäi pe be khaia kyakiâa ti.39Acunüng Jesuh naw msuimcäpnak mat ami veia pyen lü, â Amikmü naw, amikmü cehpüi thei khai aw? Amikmü naw a cehpüi üngta ani nghngih khuia k'uma am kya khai xawi aw?40â Ngtheiki cun mtheikia kthaka am kyäp bawk naw, upi ami ngthei käna jah mtheikia mäih ni ami law kawm.41â Ivaia nami mäta mik üng thingmtawn awmki am ngai u lü, nami bena mik üngka mik ek cun nami hmuh ni?42â Ikba nami mäta mik üngka thingmtawn am hmuei u lü na benaa mik üngka â Na mik ek ning lawh pe vangâ nami ti thei ni?â Hypocrit he, akcüka nami mäta mik üngka thingmtawn loei ma u lü, acunüng nami benaa mik üngka mik ek nami lawh pet vaia angsinga nami hmu khai.
Thing la a Ktheih
43â Thing kdaw naw akse am ngtheih khawi naw, thing kse pi akdawa am ngtheih khawi naw.44â Thing avan a ktheih üng ksinga kyaki. Khyang u naw nghling kpyap üng ktheih am kbit khawi u, u naw kpyap üng capyit am kbit khawi u.45â Khyang kdaw naw akdaw a mlungmthin üngka akdaw mhluh law khawiki; khyang kse naw akse a mlungmthin üngka akse mhluh law khawiki. Isetiakyaküng a mlungmthin üng beki a mka naw a pyen khawia kyaki.
Imksa Nghngih
46â Ivai ka ning jah mtheh am bi u lü, â Bawipa, Bawipaâ tia nami na khüki ni?47â Khyang ka veia law lü ka ngthu ngai lü ka ngthua kba awmki avan cun u am tängki tia kyak üng,48lunga khana angkyunga co lü imsaki am tängki ni. Tui däm law lü tui naw acuna im cun tu law se pi lunga khana saka kyase am ngsün lü awmki.49â Ka ngthu ngja lü ka ngthua kba am awmki cun, akhängnak am awmki, mdeka khana imksa am tängki. Tui däm law lü tui naw acuna im cun tu law se angxita kyu lü avan pyehki,âa ti.