1Iesu asuk us taman Nantanua Pat biaa ta mula xaal Jodan, ma Nantanua ga giwaa laa lalon xobel biil.2O Saatan ga xonon ia sin no sangaul aet ina no leng. A xap ngani xawas sin abia no leng o mil sin abia no leng ga suk itol.3Saatan ga paare ngali, â Nawe iu Xan Tsi Moroaa, u na asaaiti abala no xaat ngali di ba tsap tsoki.â4Iesu a xisi, ga we, â Di se atalaa, â Taamat a xap tino sin tsoki mu.â â â5A xap sauna mu, Saatan ga giwaa ia laa papan biexa xolot lapalaa o ga asen no Maradaan araraa ina xolkolmoxo.6Ma Saatan a asaaiti, â Iaa ba tali no banam susum ma xadi no geramis, amuina di se tali no susugu ma iaa pupua ngali tali sin saa ia, iaa ta saan ngali tali sin.7U ba tapkina abala no, nawe u langaari sin iaa.â8Iesu a xisi ga we, â Di atalaa, â U na langaari laa sin Orong, iwaa num Moroaa, ma u na lolong amusili mu ia xasinge.â â â9Ma Saatan ga giwaa ia laa Jerusalem, ga atilngi tile lapalaa suk se ina Xan Anua Moroaa, ga we, â Nawe iu xan Tsi Moroaa, u na rik laa lapula.10Amuina di atalaa,â â â Naba paare watwat sin xan no angelongali tilaamamil sin iu,â â â11ma ga paare bula we,â â â di ba tsiil tsaali iu taman no liman di,ngalibi u ba xap tigen no xaiim sin xa xaat.â â â12Iesu ga xisi ia, â Di atalaa, â Nangaam tali Orong num Moroaa sin xonkonon.â â â13Biaa Saatan ta se araraai xan no xonkonon, ga papaalii ia, o ga liliis ngali xa leng axaau ngali sebula xonon Iesu.
No inaman in Nasaret di palolii Iesu
14Iesu ga mula laa Galili taman xan watwat Nantanua, o inesaait ina asuk laa sin no xolot araraa ulti inaman laba.15Asingan no inaman lalon xadi no anua sausawit ma di araraa, di ga suk paʼii ia.16Mil ga laa Nasaret lalon xan xobel so, tii lot lalon. Sin Saabat, a laa lalon anua sausawit malen xan namaang, ma ga til ngali xoxoti Inaatel Pat,17Di suk tali xan Inaatel Propet Aisaia sin. Iesu adi, ga tsalali, ga tatanginai xolot lalon, o ga xoxoti weaatalaa:18â Nantanuaan Orong ila papan iaa,amuina a se patsaa apati iaangali baais taman inesaait mamainaang, laa sin no muunwas.A tulen iaa ngali baais weaatala: no inaman lalon anua lodo, di ba leiwaa,ma no matababa di ba sebula nanen,ma no inaman di ta adi xariin mamaet, di ba leiwaa,19ma ngali baais taman miet Orong naba ta asen xan tubudaan.â20Ga ulis mulangenai Inaatel Pat ma ga taal mulangenai laa sin untinaxaa ina Anua Sausawit o ga tsotso, ma no inaman lalon anua sausawit di ga lo nan ariti ia.21O ga sebula asaaiti di, â A se taxaawiti abala Inaatel Pat sin nagim lolong atalaa.â22Di suk tinangen ma adodo xuduxudu sin abia no totore mamainaang ta tsuul lalon ngutsina ma di ga we, â Ilawaa mu xan tsi Josep aila, ngaa?â23Iesu ga paare ngali di, â Asuk so maase, gim ba paare taman abala totore puapua sin iaa: â Pispis toto, u na atoaa iu tsaa! Ma u na xosaraa abala no maarang tala lalon num xobel tsaa, malen giem ta alongmen u ta se xosaraa no Kaperanaam.â â â24Ga lo papaare tsaa, â Iaa asaaiti gim taman so, a xap xa propet di ba sirawaa lalon xan xobel so.25Iaa suk asaaiti gim taman so, sin xan no leng Elaija, tii suk xudu abia no aina xadi no maxis di ta se metli di in Israel. Sin abia no leng xariin itol tii tsap sin no xobel se araraa amuina tii xap xaa langit no miet a tuul ma xolot.26O Moroaa tii xap tulen Elaija laa sin abia no aina nal in Israel. Oro, a tulen ia laa sangan iexa aina nal in Sarapat lalon xolot Sidon.27Ma no daan inaman Israel di tii ie minet basbas sin xan no leng propet Elisa, o tii ga xap xa ina di na tuo, oro Neman mu in Siria.â28No inaman lalon anua sausawit, di alongmen abala xan no totore ma di ga suk magaa buxa.29Di tapaas ma di ga tatei atsuulngi Iesu lalon abia inaman laba, ma di ga giwaa laa papan buk ngali di ba lii laangen lapula amuina Nasaret a manman papan buk.30Oro asuk es tapaas labatina abia xumul mu, ma ga laa lalon xan sal.
Iesu a saali nantanua tsaxa
31Mil Iesu ga laa lapula, laa Kaperanaam biexa inaman laba in Galili o sin Saabat ga atiltsoli ngali asingan no inaman.32Di suk tunga sin xan no asasing amuina xan no inesaait a ie banam.33Lalon anua sausawit, taamat ia salawa tsaxa ta tsigaii a xuup lot weaatalaa,34â Aii! Iesu in Nasaret! U saan ngali samaarang sin giem? U xaalame ngali le xosor atsoti giem? Iaa atii iu saa. Iu iwaa Xa ta Pat xan Moroaa.â35Iesu asuk imii ga we, â U na bong! Tsuul papaalii aia taamat!â Iwaa salawa tsaxa apipidi taman taamat lapula sangan di ma ga suk tsuul alen. Ga xap xosor atsoti aia taamat.36No inaman araraa di tunga ma di ga epaare engen di, â Sen mat asasing abala? A paare taman banam ma watwat ga tulenlii no tanua tsaxa ma di ga tsuul!â37Inesaait ina ia asuk sol laa lalon no xolot araraa lalon abia inaman laba.
Iesu atoaa no daan inaman
38Iesu apapaali anua sausawit o ga tsiga lalon xan anua Saimon. Sin abia xolot ina leng xan xoxup Saimon a maramase taman isua lalep buxa ma di ga ningi Iesu ngali tiltsomi ia.39Ma Iesu ga tudu laa sin aia aina ma ga imii abia isua lalep sin, o minet ga suk papaalii ma tiwaa tsaa aina asuk tapaas ma ga suk tabali di.40Biaa matanios ta we na se laa tsurii, no inaman di le tali no inaman di ta ie no mat laxen minet sangan Iesu, o ga aturungi no liman papan di xuxuuk ma ga atoaa di.41No salawa tsaxa bula, di tsuul alen no daan inaman ma di ga xuupkup weaatala, â Iu xan Tsi Moroaa.â O Iesu ga imii di, ma ga xap sirawaa di ngali di na papaare, amuina di atixi ia Karisito.42A se tampanek o Iesu ga laa lalon biexa xobel biil. No inaman di ga lo nanen ngali, o biaa di ta tatanginai, di suk xonon ngali alilii ngali naba xap papaalii di.43Oro ga paare, â Moroaa a tulen iaa ngali baais taman Inesaait Mamainaang ina xan Maradaan sin biexaa xobel bula, biaabi iaa tii ga xaalame.â44Ma Iesu ga lo babaais lalon xadi no anua sausawit lalon prowins Judaia.