1Jesuh Ngmüimkhya Ngcim am beki, Jordan tuinu üngka naw a nghlat law be üng Ngmüimkhya naw khawkhyawng khawa cehpüi se,2mhmüp kphyükip khawyai naw a hlawhlep. Acunüng ipi am ei se, anghnua a ei cawi lawki.3Khawyai naw, â Nang Mhnama capa na kyak üng, hina lung muka ngthawn law khaia ngthu pea,â a ti.4Acunsepi Jesuh naw msang lü, â Khyang cun ei däng üng am xüng, tia cangcim üng ngâ yuki,âa ti.5Acunüng khawyai naw Jesuh khawmcung a hlüngnaka kaipüiki naw khawmdeka khana khawe avan mik mkhyüp üng jah mhmuh lü,6â Hin he avan ka veia peta kyaki, upi ka ngaih üng ka peki, hina ana avan la a kyäpsawknak avan ka ning pe khai,7acunakyase na sawhkhah lü, avan na kaa kya khai,â a ti.8Jesuh naw a veia, â Cangcim üng, â Na Bawipa Pamhnam sawhkhah lü, ani däng na khüih vai,â tia ngâ yuki,â âa ti.9Acunüng khawyai naw Jerusalema cehpüiki naw, Temple khan, amsumnaka ta lü, â Mhnama capa na kyak üng hin üngka naw mcea namät kcoa,10â Ani naw khankhawngsä he ning na kâ äih u lü, ning na mcei khai hea jah mcawn khai,11na khaw am lung am na su khaia, ami kut am ning na mcei khai heâ tia, ngâ yüki,â a ti.12Cunsepi Jesuh naw, â Na Bawipa, Pamhnam ä na mhnütei vai,â tia kyaki ni,âti lü a msang.13Acunüng khawyai naw a hlawhlepnak vai avan am a hlawhlep käna asäng a ceh tak ma.
Kalilea Jesuh Khutbi Cuteiki
14Acunüng Jesuh, Ngmüimkhya Ngcima khyaihnak am Kalilea nghlat be se, a mawng cun acuna khaw pei avan üng ngthang hüki.15Acunüng sinakoka jah mthei hü se, khyang avan naw ngak u lü, ami mhlünmtai.
Jesuh Nazareta ami Ma
16Acunüng angvainak Nazareta a law be üng a thum khawia kba Sabbath mhmüp üng, Sinakoka k'uma lut lü ngthungcim khe khaia ngdüiki.17Acunüng sahma Hesajah cauk ami pet. Acunüng cauk ktawm a kphyan üng hinkba angyuknak a kheh,18â Bawipa Ngmüimkhya ka khana awmki,ani naw thangkdaw m'yyenkse hea veia ka sang khaia a na xü.Ami mlung naki he ka jah mhlät be khai, khuikhaki hea veia lätnaka thangkdaw ka sang khai,amikmü he ka jah mdaw be khai,ami jah man he ka jah mhlät khaia la,19Bawipa naw a khyang he a jah küikyanak vaia kcün pha lawki ti,ka sang khaia ana tüih law ni,â tia kyaki.20Jesuh naw cauk ktawmki naw jah pe be lü ngawki. Acunüng Sinakoka k'uma ngawki he avan naw kcävä u lü ami teng.21Acunüng Jesuh naw, â Tuhngawi hina thungcim nami sim kümkawi law ve,âa ti.22Acunüng ami van naw, a ngthu pyen cun aktäa ngai hlü u lü, aktäa kyühkhyai u lü, â Hin hin Josepa capa am kyakia kya aih se,â ami ti.23Jesuh naw, â Hina msuimcäpnak, â Sibawi, namät la namät mâ yai bea! Ipi Kapenawm khawa pawh hina khaw üng pi pawh lü mdang lawaâ nami ti khai,âa ti.24Acunüng Jesuh naw, â Akcanga ka ning jah mthehki, sahma cun amäta khawa am dokhamei khawi u.25â Cunsepi ka ning jah mthehki, Elijaha kcün üng, khawkum kthum la khya khyuk khaw am a se, khaw avan üng khaw a set law üng, hmeinu khawjah Isarel khawa awmki he,26cunsepi ua veia pi Elijah tüiha am kya naw, Sidon khaw da Sarepta khawa hmeinu mata veia ni tüiha akya ve.27â Acunüng sahma Elishaa kcün üng pi Isarel khawa mnehkse mnehki khawjah awmki he; cunsepi Naman, Siria khawa ka dänga thea upi ngcimsak bea am kya naw,âa ti.28Acunüng Sinakoka k'uma awmki he ami van acun ami ngjak üng, aktäa ami mlung soki.29Acunüng tho law u lü, mlüh üngka naw ktämki he naw ami mlüha awmnak mcunga khana ami buhtawn vaia ami cehpüi.30Cunsepi Jesuh ami ksunga ngjui lü akcea citeiki.
Ngmüimkhya kse mata Awmnak Khyang Mat
31Acunüng Jesuh naw Kalile mlüh, Kapenawma cit lü Sabbath mhmüp üng a jah mthei.32A ngthu pyen ana a awma phäha aktäa cäicah lawki he.33Acunüng Sinakoka k'uma khyang mat ngmüimkhya ksea awmnak awmki cun,34â Nazaret Jesuh, i mi nglak awm se ni? Jah mkhyüh khaia na lawki aw? Nang ka ning ksingki, nang Mhnama ngsä ngcima na kyaki ni,â ti lü ngpyangki.35Jesuh naw, â à khikheh lü a k'um üngka naw lut law,âti lü jüi se, acunüng khawyai naw khyang hea maa mkhyu lü, ia pi am pawh lü a ceh tak.36Acunüng awmki he ami van naw cäi u lü, â Hin hin ia ngthu ni? Ana la khyaihnak am khawyai kse he jah jüi se lut lawki he hin,â tia ngthäh kyuki he.37Acunüng acuna pipei, khaw avan üng a mawng ngthang hüki.
Jesuh naw Khyang khawjah a jah Mâ yai be
38Jesuh Sinakok üngka naw ktawih lü Sihmona ima citki. Acuia Sihmona pi aktäa mhnatei se ami mtheh.39Jesuh naw a peia ngdüi lü a mhnat jüi se mhnat naw a khyah. Acunüng angxita tho law lü a jah khüih.40Acunüng khaw kya se, natnak akce kcea jah hui, am phetki he avan a veia ami jah lawpüi; acunüng ami vana khana a kut mtaih lü a jah mâ yai be.41Khawyai he naw, â Pamhnama Capa na kyaki ni,â tia, ngpyang u lü, khyang khawjaha k'um üngka naw lut lawki he. Acunüng Jesuh naw jah jüi se, Mesijaha kyaki ti ami ksinga phäha am a jah ngthuhei sak.
Jesuh Sinakoka k'uma Ngthu Pyenki
42Khawa thaih law la, Jesuh mlüh ktawi ta lü angkhyinaka cit se, khyang he naw sui u lü a veia law siki he naw, am a jah ceh tak vaia ami khyawh.43Cunsepi Jesuh naw, â Pung kcea pi Pamhnama khawa mawng thangkdaw ka pyen khaia kyaki, acun vaia tüih lawa ka kyaki ni,âa ti.44Acunakyase acuna khawaa awmkia Sinakok hea k'uma ngthu sang hüki.