Read LUKU 3

LUKU3bqp_sim

Yahaya Da'itɛkɛri waazikɛnaa

¹Siza Tiberia kíblena wɛ̃̀ gɛ̃rode gũn Pↄntiu Pilati mɛ́ à Yudea bùsu gbɛ̃ zↄ̃kↄ̃ ũ, Hɛrↄdu tɛn kí ble Galili, a vĩ̀ni Filipi tɛn kí ble Iturea bùsun kũ Tarakↄniti bùsuuo, Lisania sↄ̃ àtɛn kí ble Abilɛnɛ bùsun.²Anasa kũ Kayafaoomɛ sa'orikinↄ ũ. Gↄrↄ kũ̀a Luda yã ò Zakari nɛ́ Yahayanɛ gbárannan.³Akũ à fùtɛ àtɛn kure Yoda bara dire kũ bara laooi pínki, àtɛn waazi kɛ gbɛ̃nↄnɛ. À òńnɛ ò ń nɛ̀sɛ litɛ ò da'itɛ kɛ, Luda ni ń durunnanↄ kɛ̃ḿma.⁴Lákũ à kú annabi Isaya takada gũn nà à pì:À baarukparii kòto ma dↄ gbárannan,àtɛn pi à zɛ́ kɛkɛ Dikirinɛ,à zɛ́ térerenↄ poronɛ súsu.⁵Guvutɛ pínki ni tata,kpinↄ kũ sĩ̀sĩnↄ ni datɛ pínki.Zɛ́ kotinanↄ ni poro súsu,zɛ́ wókũwokũnↄ ni kpákũsũ,⁶gbɛ̃ sĩnda pínki ni e lákũ Luda dì ń sura ba nà.⁷Gbɛ̃nↄ dìgↄ̃ su a kĩnaa dasi ò da'itɛ kɛ, akũ àdi ońnɛ: Bisãsiri pitikonↄ! De mɛ́ à lɛ́ dàáwa à bàa sí pↄfɛ̃ kũ Luda ni kipaḿmanɛɛ?⁸À nɛ̀sɛlitɛna yã kɛ, onigↄ̃ dↄ̃ kũ a litɛ. Kũ Ibrahĩ de á dizi ũ, àsungↄ̃ da kũ abirekũ mɛ́ ani á boro. Matɛn oárɛ, Luda ni fↄ̃ à gbɛ̀ dínↄ kɛ Ibrahĩ burinↄ ũ.⁹Kpása ditɛna línↄi kↄ̀. Lí kũ àdi nɛ́ mana iro, Luda ni zↄ̃ à zu tɛ́ gũn.¹⁰Gbɛ̃nↄ a là ò pì: Tó lɛmɛ, óni kɛ deraa?¹¹À wèḿma à pì: Gbɛ̃ kũ à uta vĩ mɛ̀n pla, à a do kpá gbɛ̃ kũ à vĩroa. Gbɛ̃ kũ à pↄ́ble vĩ, à kɛ lɛ dↄ.¹²Bɛ'ↄgↄsirinↄ sù da'itɛ kɛ, akũ ò a là ò pì: Dannɛri, óni kɛ deraa?¹³À wèḿma à pì: Ásun bɛ'ↄgↄ síḿma de lákũ ò dìtɛ nàlaro.¹⁴Sozanↄ a là: Ókↄ̃nↄ sↄ̃, óni kɛ deraa? À òńnɛ: Ásun gbãna mↄ gbɛ̃nↄnɛ à ń blero. À zɛ kũ fĩna kũ òdi boárɛo.¹⁵Gbɛ̃nↄ wɛ́dↄina tɛn kara. Baadi pínki tɛn laasun lɛ́ a nɛ̀sɛɛ gũn Yahaya yãa, tó àkũmɛ Arumasihu ũ.¹⁶Yahaya òńnɛ ń pínki à pì: Madì á da'itɛ kɛ kũ íomɛ. Ama gbɛ̃ke ni su a gbãna demala, mádi ká mà a kyate bobonɛro. Àkũ mɛ́ ani á da'itɛ kɛ kũ Luda Ninio kũ tɛ́o.¹⁷À gbaka kũna kũ ani pↄ́ fão. Ani pↄ́blewɛ ká a dↄ̃̀n, ani a sàko ká tɛ́ kũ àdi garo gũn.¹⁸Yahaya baaru nna kpannɛnaa gũn, à nàkaraḿma kũ yã pãndenↄo dasi.¹⁹Akũ à yã kpã̀kɛ̃ kína Hɛrↄdui a vĩ̀ni nanↄ Hɛrↄdia yã musu kũ yã vãni pãnde kũ à kɛ̀nↄ pínki,²⁰akũ Hɛrↄdu ɛ̀ra à yã vãni kɛ̀ dↄ, à Yahaya dà kpɛ́siran.

Yesu da'itɛkɛnaa

²¹Kũ Yahaya tɛn gbɛ̃nↄ da'itɛ kɛ ń pínki, à Yesu da'itɛ kɛ̀ se. Gↄrↄ kũ Yesu tɛn adua kɛ, ludambɛ wɛ̃̀kↄ̃a,²²akũ Luda Nini sùa à de lán potɛ̃nɛ bà. Akũ à kòto ke mà bona ludambɛ à pì: Mↄkↄ̃n ma Nɛ́ mɛ̀n do légelege yenyĩde ũ, kũ ma pↄ nnamma manamana.

Yesu buri bozirɛ

²³Gↄrↄ kũ Yesu nà a zĩa, à kà wɛ̃̀ baraakuri taka. Òtɛn da Yusufu nɛ́'inaamɛ.Yusufu sↄ̃ Eli nɛ́mɛ,²⁴Eli sↄ̃ Matata nɛ́mɛ,Matata sↄ̃ Levi nɛ́mɛ,Levi sↄ̃ Mɛlɛki nɛ́mɛ,Mɛlɛki sↄ̃ Yanai nɛ́mɛ,²⁵Yanai sↄ̃ Yusufu nɛ́mɛ,Yusufu sↄ̃ Matatia nɛ́mɛ,Matatia sↄ̃ Amↄsi nɛ́mɛ,Amↄsi sↄ̃ Naumu nɛ́mɛ,Naumu sↄ̃ Ɛsɛli nɛ́mɛ,Ɛsɛli sↄ̃ Nagai nɛ́mɛ,²⁶Nagai sↄ̃ Maata nɛ́mɛ,Maata sↄ̃ Matatia nɛ́mɛ,Matatia sↄ̃ Sɛmɛi nɛ́mɛ,Sɛmɛi sↄ̃ Yosɛki nɛ́mɛ,Yosɛki sↄ̃ Yoda nɛ́mɛ,Yoda sↄ̃ Yoanana nɛ́mɛ,²⁷Yoanana sↄ̃ Resa nɛ́mɛ,Resa sↄ̃ Zɛrubabɛli nɛ́mɛ,Zɛrubabɛli sↄ̃ Sealatiɛli nɛ́mɛ,Sealatiɛli sↄ̃ Nɛri nɛ́mɛ,Nɛri sↄ̃ Mɛlɛki nɛ́mɛ,²⁸Mɛlɛki sↄ̃ Adi nɛ́mɛ,Adi sↄ̃ Kosamu nɛ́mɛ,Kosamu sↄ̃ Ɛlɛmadamu nɛ́mɛ,Ɛlɛmadamu sↄ̃ Ɛɛ nɛ́mɛ,Ɛɛ sↄ̃ Yↄsua nɛ́mɛ,²⁹Yↄsua sↄ̃ Ɛliɛza nɛ́mɛ,Ɛliɛza sↄ̃ Yorimu nɛ́mɛ,Yorimu sↄ̃ Matata nɛ́mɛ,Matata sↄ̃ Levi nɛ́mɛ,Levi sↄ̃ Simɛↄ nɛ́mɛ,³⁰Simɛↄ sↄ̃ Yuda nɛ́mɛ,Yuda sↄ̃ Yusufu nɛ́mɛ,Yusufu sↄ̃ Yonamu nɛ́mɛ,Yonamu sↄ̃ Ɛliakimu nɛ́mɛ,Ɛliakimu sↄ̃ Mɛlɛa nɛ́mɛ,³¹Mɛlɛa sↄ̃ Mɛna nɛ́mɛ,Mɛna sↄ̃ Matata nɛ́mɛ,Matata sↄ̃ Natã nɛ́mɛ,Natã sↄ̃ Dauda nɛ́mɛ,Dauda sↄ̃ Yɛsɛ nɛ́mɛ,³²Yɛsɛ sↄ̃ Ɔbɛdi nɛ́mɛ,Ɔbɛdi sↄ̃ Bↄaza nɛ́mɛ,Bↄaza sↄ̃ Salamↄ nɛ́mɛ,Salamↄ sↄ̃ Nasↄ̃ nɛ́mɛ,Nasↄ̃ sↄ̃ Aminadabu nɛ́mɛ,³³Aminadabu sↄ̃ Ramu nɛ́mɛ,Ramu sↄ̃ Ɛzɛrↄnu nɛ́mɛ,Ɛzɛrↄnu sↄ̃ Pɛrɛzi nɛ́mɛ,Pɛrɛzi sↄ̃ Yuda nɛ́mɛ,Yuda sↄ̃ Yakubu nɛ́mɛ,³⁴Yakubu sↄ̃ Isaaku nɛ́mɛ,Isaaku sↄ̃ Ibrahĩ nɛ́mɛ,Ibrahĩ sↄ̃ Tera nɛ́mɛ,Tera sↄ̃ Nao nɛ́mɛ,Nao sↄ̃ Serugu nɛ́mɛ,³⁵Serugu sↄ̃ Rɛu nɛ́mɛ,Rɛu sↄ̃ Pɛlɛgi nɛ́mɛ,Pɛlɛgi sↄ̃ Eberu nɛ́mɛ,Eberu sↄ̃ Sela nɛ́mɛ,Sela sↄ̃ Kaina nɛ́mɛ,³⁶Kaina sↄ̃ Apasada nɛ́mɛ,Apasada sↄ̃ Sɛmu nɛ́mɛ,Sɛmu sↄ̃ Nuhu nɛ́mɛ,Nuhu sↄ̃ Lamɛki nɛ́mɛ,Lamɛki sↄ̃ Mɛtusela nɛ́mɛ,³⁷Mɛtusela sↄ̃ Ɛnↄku nɛ́mɛ,Ɛnↄku sↄ̃ Yarɛdi nɛ́mɛ,Yarɛdi sↄ̃ Malalɛli nɛ́mɛ,Malalɛli sↄ̃ Kenana nɛ́mɛ,Kenana sↄ̃ Ɛnↄsu nɛ́mɛ,³⁸Ɛnↄsu sↄ̃ Sɛti nɛ́mɛ,Sɛti sↄ̃ Adamu nɛ́mɛ,Adamu sↄ̃ Luda nɛ́mɛ.

LUKU 3 / bqp_sim

Yahaya Da'itɛkɛri waazikɛnaa

Yesu da'itɛkɛnaa

Yesu buri bozirɛ

LUKU3bqp_sim