1Jesuh Jerikhoa lut lü a ceh k'um üng,2khyang mat Zake ngming naki, ngcawnklawk ngvai awmki; aktäa bawimangki.3Acunüng, Jesuh hin khyang ia mäih ni ti, hmu hlü teki, khyang hea daa phäh la, amäta tawia phäha, am hmu thei lü awmki.4Acunüng, Jesuha lawnak vaia lam üng a na dawng lü, hmu khaia thingpama kaiki.5Jesuh naw, acun a pha law üng, han teng lü, a veia, â Zake, angxita kyum law; tuhngawi na ima ka kai khaia kya ve,âa ti.6Acunüng, Zake cun, angxita kyum law be lü, Jesuh jekyainak am a khinak.7Acun hmu u lü khyang van naw, â Khyangka veia kai khaia lut ve,â tia, ami mkatei.8Acunüng, Zake naw ngdüi law lü Jesuh üng, â Ngaia, saja aw, ka khawhthem atiteh khuikha m'yenkseki he üng ka jah pe khai, khyanga ka iyaw amdanga ka lawhei üng, kphyüa pungkia ka thung be khai,â a ti.9Jesuh naw, â Hin pi Abrahama capa kyase, tuhngawi küikyanak hina khuiim kyawng üng pha law ve.10â Khyanga Capa hin khyüki he jah sui lü, jah küikyan khaia lawki ni,âa ti.
Xüi Nguikcang am Msuimcäpnak
11Acunüng, Jerusalem mlüh peia pha law u se, Pamhnama khaw ngdang law khaia ami ngaiha phäha khyang hea ksunga msuimcäpnak a pyen be tü cun,12â Khyang kdaw mat, sangpuxanga kyanak ana va yah lü law be khaia athuknaka khawa citki.13â Am a ceh hlan üng a m'ya he xa jah khü lü xüi nguikcang xa jah peki naw, Am ka pha law be ham üng hin am a na bilo u lü, a na pungsak ua,â a ti.14â Acunüng, khaw khyang avang he naw, am ngja hlü u lü, â Hina jah uk vai am ngjahlü ve ungâ ti khaia, ngsä a hnua ami tüih.15â Acunüng, sangpuxang yah lü a law be üng, a m'ya he xüi tangka a jah pet cun, ami pung sak a ksingnak vaia a jah khü sak.16â Acunüng, akma säih naw law lü, â Saja aw, na xüi nguikcang xaa pungsak veng,â a ti.17â Acunüng ani naw, â m'ya kdaw aw, pawh thei veki; ajawca khana kcangnak vaia na awmkia kyase mlüh xaa bawia ning mcawn veng,â a ti.18â Acunüng, anghngihnak pi law lü, â Saja aw, na xüi tangka mhmaa pungsak veng,â a ti.19â Acunüng ani naw, â Nang pi mlüh mhmaa bawia ning mcawn veng,â a ti.20â Akce be tü law lü, â Saja aw, na xüi tangka kpyawn am hlawp lü ka khäm,21khyang kyunga na kyakia kyase ka ning kyüheiki; am na tak pi lo lü, am na saw pi na at khawikia kyaseâ a ti.22â Acunüng ani naw, â M'ya kse, na pyena kba ka ning mkhyah pe khai. Khyang kyunga kya lü am ka tak pi lo lü am ka saw pi ka at khawiki ti na ksing üng,23ise ka tangka, ngui taknak im üng pung khaia am na tak ni? Ka law be üng apung maha ka yah be vai sü,â a ti.24â Acunüng, a peia ngdüiki he üng, â A xüi tangka yut be u lü xüi tangka xa taki üng pe u,â a ti.25Acunüng awmki he naw, â Saja aw, hin naw xüi tangka xa ta ye seâ ami ti.26â Ka ning jah mthehki, taki he üng a taka khana mkhah si u lü am taki he cun ami takca küt pi jah yuh be vai.27â Cunsepi, na hnengkie, ami sangpuxang vaia am na ngjahlüki he jah lawpüi u lü ka ma jah hnim law uaâ a ti,âa ti.
Jesuh Hlüngtainak am Jerusalema lutki
28Acunüng, acunkba a pyen law päng üng, Jerusalem daa ami ma a na citki he.29Olip mcung ami ti, Betphake ja Bethanih mlüh pei a pha law üng, axüisaw he üngka nghngih jah tüi lü,30â Nani ma ngnam üng va cit ni lü nani va luh la, sanghngaksaü amceca, u naw am a ngcumnak ham, ngphung se nani hmu khai; sut ni lü kaih law ni.31â Acunüng, â Ivai nani sutki ni?â tia, ami ning jah kthäh üng, â Bawipa naw, hlüei veâ nani ti vai,âa ti.32A tüih xawi cit ni lü a jah mtheha kba ani va hmuh.33Sanghngaksaü, ani suh kâ um üng kamahe naw hmu u lü, â sanghngaksaüca cen ivai nani sutki ni?â ami ti.34â Bawipa naw, hlüei veâ ani ti.35Jesuha veia kaih law ni se sanghngaksaüa khana ami jih he jah phah u lü Jesuh ami ngawhsak.36A cehnak lam üng ami suisak he ami jah phah.37Acunüng, Olip mcung üng ju kyumnak ami pha law üng, axüsawa khyang avan naw müncamkse he a jah bilawh ami jah hmuha phäha, jekyainak am angsanga Pamhnam mhlünmtai mküimto u lü,38â Bawipa ngming üng lawkia sangpuxang hin Pamhnam naw dawnak pe seh! khankhawa dimâ yenak ve lü, Mhnama veia hlüngtainak ve seâ tia, Pamhnam mküimtoki he.39Acunüng, khyanga ksunga Pharise avang he naw, â Saja aw, na xüisaw he am khihkheh khai hea jah mtheha,â ami ti.40Acunüng Jesuh naw, â Ka ning jah mthehki, hin he ami ngdüm üng lunge ngpyang law khai he,âti lü a jah msang.
Jesuh naw Jerusalem a Kyahei
41Acunüng, Jerusalem a pha law hlü üng Jerusalem hmu lü,42â Tuhngawi üng dimâ yenaka phäh hlüki hin na ksinga ta daw khai sü! Cunsepi atuh am hmu thei veki,âti lü kyapki.43â Na ye he naw ning kcung u lü, ning kham u lü, ning küp u lü, ami ning kcungnaka kcün pha law khai.44â Ning küikyan khaia Mhnama kcün am na ksingeia phäha na khyang he mah maha ning kpyeh u lü, lung matca hman pi na khana ä ngtaih khaia pawhnaka kcün pha law khai,âa ti.
Jesuh Temple üng Citki
45Acunüng, Jesuh Temple kâ uma va lutki naw, iyaw jah jawituki he jah ktäm lü,46â Ka im ktaiyünaka ima kya khai tia ngâ yuki, nangmi naw m'yukei hea ima pawh ve uki,âa ti.47Jesuh naw amhmüp tä se Temple kâ uma jah mtheiki. Acunüng, ktaiyü ngvai he, thum ksing he la, ngnam üngka ngvai he naw ami mkhyüh vaia ami bü.48Cunsepi, khyang he naw a ngthu pyen naküt cun am ceh hlü taki hea kyase ikba ami pawh vai am ksing u.