Luka14rif_lti
Asgenfi n ijj n umehřuc s tuffet n waman deg wass n ssebt
1Řami yudef ɣar taddart n ijj zeg imeqqranen n Ifarisiyyen ḥima ad icc aɣrum deg wass n ssebt, tuɣa ḥeṭṭan t.2U xzar, ibedd din qibač nnes ijj n bnadem ihřec s tuffet n waman n arrimet nnes.3Iṭṭef Yasuɛ deg wawař, inna i imseřmaden n idlisen d Ifarisiyyen, inna: “Ma iḥeǧeř usgenfi di ssebt?”4Nitni sqaren waha. Xenni iṭṭef i-t, issgenfa i-t uca ijja i-t ad iraḥ.5Xenni yarra-dd xasen inna: “Man wen zzaywem, mařa mmis niɣ afunas nnes iwḍa as deg wanu, war t-i-dd-issuffuɣ zzayes deɣya deg wass n ssebt?”6War ufin s min zi xas dd ɣa yarren.Amedya x uwaḍeɛ7Iɛawed ijj n umedya i inewjiwen am d asen iḥekkar ixḍaren imucan imezwura. Inna asen:8“Mařa iɛarḍ ḥed i cek ɣar ijj n wurar xenni war ttɣimi deg wemcan amezwaru, ḥima war ittwaɛarḍ wenneɣni yuɛřan xak, maḥend ad iqqim din,9uca xenni ad dd-yas wenni xak iɛarḍen, ad ac yini: ‘Egg amcan i weryaz-a!’, uca xenni ad tseḍḥid, ad tekkared ḥima ad teksid amcan aneggaru.10Mařa cek tᵉttwaɛarḍed, ruḥ, qqim deg wemcan aneggaru, ḥima, xmi dd ɣa yadef wenni xak iɛarḍen, ad taɣ ad ac yini: ‘A ameddukkeř, geɛɛed, qqim!’ Xenni ad ac yiři ccan zzat i yinni akidek iqqimen.11Minzi marra wi ɣa issuɛřan ixef nnes ad ittwasswaḍeɛ u wi ɣa isswaḍɛen ixef nnes ad ittwassuɛřa.”
Amedya n yinni ittwaɛarḍen i umensi12Inna ɛawed i wenni t iɛarḍen: “Mařa cek teggid ijj n umecři niɣ amensi, war ɛarreḍ imeddukkař nnec niɣ aytmac, uřa d řaǧ nnec niɣ jjiran nnec i ɣar iǧa wagřa, niɣ aqa ad cek ɛarḍen uřa d nitni uca ad ɣarek yiři řexřaṣ.13Mařa tɛarḍed x iwdan, xenni ɛarḍ x imezřaḍ d iqiydaren d ineɛḍaben d idarɣařen.14Xenni ad tiřid d amesɛud umi war ɣarsen s minzi cek i ɣa xeǧṣen, minzi ad tᵉṭṭfed řexraṣ nnec di tnukra n imseggaden.”15Umi isřa aya ijjen zeg inni din iqqimen ɣar ṭṭabřa, inna as wanita: “Sseɛd n wenni i ɣa iccen aɣrum di Tgeldit n AREBBI!”16Yasuɛ inna as: “Ijj n weryaz igga ict n zzardet temɣar uca iɛarḍ aṭṭas n iwdan.17Issekk amsexxar nnes di tsaɛɛet n zzardet, ḥima ad ini i inewjiwen: ‘Xzar, kuřci aqa iwjed i kenniw. Araḥem-dd!’18Xenni ibda kuř ijjen zzaysen ad igg ssibbet. Inna as umezwar: ‘Sɣiɣ ijj n iyyar, aqa ittxeṣṣa ayi ad raḥeɣ ad t ẓareɣ. Ttareɣ ac ad ayi tsamḥed!’19Wenneɣni inna: ‘Sɣiɣ xemsa n tyuya n iyenduzen, aqa ad raḥeɣ ad ten jarrbeɣ, ttareɣ ac ad ayi tsamḥed!’20U wenneɣni inna: ‘Aqa mammec meřceɣ tamɣart, x uyenni war zemmareɣ ad dd-aseɣ!’21Idweř-dd umsexxar nni uca ixebbar sidi nnes s man aya. Xenni ixeyyeq bab n taddart, inna i umsexxar nnes: ‘Ruḥ deɣya ɣar wazzayen d zznaqi n tendint, uca ndeh-dd imezřaḍ d iqiydaren d ineɛḍaben d idarɣařen!’22Inna umsexxar: ‘A sidi, aqa imsar am mammec i tumured, uca aqa din ɛad amcan.’23Inna bab i umsexxar nnes: ‘Ffeɣ ɣar ibriden d zznaqi uca ḥṣar i-ten ad adfen ař ɣa teccur taddart inu,24minzi Necc ad awem iniɣ, belli uřa d ijj zeg yeryazen inni tuɣa ittwaɛarḍen, ad yiři ɣar zzardet inu’”
Aḍfar n Yasuɛ25Am tuɣa ijj n ubarru d ameqqran n řɣaci iggur akides, inneqřeb-dd, inna asen:26“Mařa yusa-dd ḥed ɣari uca war icarreh babas niɣ yemmas, aytmas niɣ suyᵉtmas, tamɣart nnes niɣ tarwa nnes, u ɛad uřa d ixef nnes, war izemmar ad yiři d ameḥḍar inu.27Wenni war iksin ṣṣalib nnes, ad ayi dd-iḍfar, war izemmar ad yiři d ameḥḍar inu.28U man wen zzaywem i ixsen ad ibna ict n ṣṣumɛet, war ittɣimi amezwar ḥima ad igg řeḥsab, ma ɣares min ixeṣṣen i ukemmeř,29ḥima, mařa issars dsas, xenni war izemmar ad as ikemmeř, war xas ḍeḥḥcen marra inni t iẓrin,30ad inin: ‘Aryaz-a ibda řebni uca war izemmar ad t ikemmeř.’31Niɣ man ajeǧid, mařa iffeɣ ɣar umenɣi ḍidd n ijj n ujeǧid nneɣni, war ittemcawar amezwar ma izemmar ad imqudda s ɛecra-ařaf ak-d wenni ɣares i dd ɣa yasen s ɛicrin-ařef?32Mařa war iǧi amenni, xenni ad dd-issekk ireqqasen am iǧa ujeǧid nni ɛad ɣar řaggʷaj, ḥima ad zzayes ittar aṣřaḥ.33S uyenni uřa d ijj zzaywem wenni war ittejji marra agřa nnes, war izemmar ad yiři d ameḥḍar inu.”
Amedya n tmeǧaḥt34“Tameǧaḥt teḥřa, maca mařa texsar tmeǧaḥt aředdi nnes, s min zi tt i ɣa iɛedřen?35War tṣeǧeḥ ca i temmurt uřa i tzubač, xenni ad tt nḍaren. Wenni ɣar iǧa imezzuɣen i useǧi, ejj i-t ad iseř.”