1Sabbath mhmüp üng Pharise mata ima buh ei khaia cit se, ami mcih.2Acunüng, a ma a kutkhaw ngphyüngki Jesuha veia law se,3Jesuh naw thumksing he la Pharise he jah kthäh lü, â Sabbath mhmüp üng mâ yai be vai ngkawiki aw?âa ti.4Acunüng am ngthuhei u lü awm u se, Jesuh naw, am phetki cun khü lü, mâ yai beki naw, a tüih be.5Acunüng Jesuh naw, â Nangmi üng u naw, a ca pi kyase, a sea pi kyase, sabbath mhmüp üng khui uk'uma kya se angxita am lo be khai aw?âti lü a jah msang.6Acunüng, acuna ngthu cun am msang thei u lü awmki he.
Mlung Hnemnak la Dawnak
7Acunüng, khin he naw ngawhnak akdaw ami xüei khawi jah hmu lü, msuimcäpnak jah mthehki naw,8â Khyang naw cambumnaka aning khüei üng, akyäpnak säiha ä na ngawh vai, nanga kthaka kyäp bawki khina se,9â Acunüng, ning khüeiki naw, na veia law lü, â Hina khyang am ngawhnak mkenaâ ti se, acunüng, ngkekhyakeinak am ahnemnak säiha na ngpyawt khai.10â Ami ning khuei üng am adawnak säiha na ngawh vai, acunüng, ning khüeiki naw na veia law lü, â Ka püi aw, akyäpnak bawka va ngawaâ ning ti na se, acunüng, na buheipüi hea hmuha mhlünmtaia na kya khai.11Aktäa hlüng khaia ngai kyuki avan hnem lü, hnem khaia ngai kyuki avan mhlünmtaia kya khai,âa ti.12Acunüng, Jesuh naw amät Khüeiki üng pi, â Nang naw mhmüp eia pi kyase, müeia pi kyase pawh lü, khyang na khüei üng, na püi he, na bena he, na paca he, bawimangkia na impei locenge ä na jah khuei vai; amimi naw pi ning khüei be u se, ngkhengnak na yah msawk khai ni.13â Acunakyase, buh na pawh üng, m'yenkseki he, am kümkawiki he, akxoe, amikmüe na jah khüei vai.14â Acukba na jah khüei üng na jo sen khai. Isetiakyaküng, acun he naw ä ning thung be theiki hea kyase, khyang kdawe ami thawh law bea mhmüp üng Pamhnam naw ning pe be khai,âa ti.
Buh Pawhnak am Msuimcäpnak
15Acunüng, a buh eipüi mat naw acuna ngthu cun ngja lü, a veia, â Pamhnama khawa buh ei khai he ta ami jo sen ve,â a ti.16Acunüng, Jesuh naw mtheh lü, â Khyang mat naw, müei akyäpa pawh lü, khyang khawjah a jah khüei.17â Buh ei kcün üng a jah khüeia khyang he cun, â law u, ahmäi ngpäng veâ ti lü a m'ya a tüih.18â Acunüng, ami van naw atänga lätnak sui u lü, akma säih naw a veia, â Khaw kheih ni se, teng khaia cit hlü veng na bä ni na mhlätaâ a ti.19â Acunüng, akce mat naw, â Se sui xa kheih ni se, adaw aset ka teng khaia cit hlü veng na bä ni na mhlätaâ a ti.20â Acunüng akce be tü naw, â Khyumah ni se am law hlü thei vengâ a ti.21â Acunüng m'ya naw, a mahpaa veia acuna ngthu cun va mtheh se, a mlung thüi lü a m'ya üng, â angxita ktawiha, mlüh ksung, lam avana cit lü, pyenksekie, am kümkawiki he, akxoe la, amikmüe la a khaw kse he jah lawpüia,â a ti.22â Acunüng a m'ya naw, â Saja aw, na na mtheha kba ka pawh päng teki khuiim ngsawng lü, kpawihei laih laih veâ a ti.23â Acunüng, a bawipa naw, a m'ya üng, â angxita ktawiha, khaw kpung, lamnu, lamkse avana cit lü, ka ima benak vaia, jah va ling na.24â Ka ning mthehki, ka jah khüeia khyang he mat naw pi ka buh pawh am ei khai he a tiâ ti lü,âa jah mtheh.
Jesuh Hnukläka Kyanak
25Acunüng, khyang khawjah naw a veia läk u se, ami veia nghlat lü,26â Upi, ka veia lawki naw a nu la a paa pi kyase, a khyuca hea pi kyase, a hnunpüi kphyaibee la, amäta pi kyase a jawngnaka kthaka kei am ana jawngnak üng, ka xüisawa am kya thei khai.27â Upi, amäta kutlamktung kawt lü am na läk lawki cun ka xüisawa am kya thei khai.28â Nangmi üngka mat naw, imnu sa khaia ngtünki naw, a saknak vai ngui â khäk khai aw, am khäk khai awâ ti akcüka ngaw lü am ngaikyu khai aw.29â Acukba am akya üngta ktungthing jah nglin päng lü am na kpäng hmuki he naw ning yaihei khai he ni.30â Hina khyang naw, imnu ngtün na lü am mkhüt veâ tia ni kse na khai he.31â Acunüng, sangpuxang u naw sangpuhxang akce tu khaia a bü üng akcüka ngaw lü, khyang tawng nghngih am amät tu khaia lawki cun, khyang tawng at am mkhüt vai la am mkhüt vai ä ngai kyu khai aw?32â Am acunüng, sangpuxang kce am a pha law hlan üng, ngâ yäpnaka ngthu kthäh khaia ngsä tüi khai.33â Acukba bäa, nangmi üngka upi, a tak naküt am ceh taki cun ka xüisawa am kya thei.
Am Summangei phya bekia Mci
34Mci hin dawki ni, cunsepi a paih käna i am mtui be thei vai aw?35â Mdeka hama am daw ngsawnglinaka hama pi am daw, amdanga tawn khawiki he. Upi a ngjaknak vaia a nghnga awmki naw ngja seâa ti.