1Acunkäna, Jesuh naw akce khyühkip la nghngihjah mcawn lü, a cehnak vaia mlüh la hmun avana, a maa, nghngih ci a jah tüih.2Acunüng Jesuh naw, â Cang ah vai khawjah awmki, cunsepi atki ngcek ve; acunakyase, cang at khai a jah tüih law vaia, cangmah kthäh u lü ktaiyü ua.3â Cit u; he hea ksunga to hea kba ka ning jah tüiki.4â Ngui ip, kthäheinaka ngja, khawdawke ä nami jah cehei vai, lama khyang ä nami hnukset vai.5â Nami luhnak im avana, akma säiha, â Hina im üng dim'yenak pha law seâ nami ti vai.6â Acuna im üng dim'yenak ngjahlüki a awm üng nami pyena dim'yenak acunüng ani üng awm khai, ngjahlüki am a ve üng nami hnuksetnak nami lakin be vai.7â Acuna im üng awm laih laih u lü, ami ning jah pet nami eiawk vai; khüiki cun ngkheng khawiki ni. Im avan üng ä nami kai hü vai.8â Nami luhnaka mlüh avan üng ami ning jah pet nami ei vai,9â Ami mlüha am phetki he nami jah mâ yai be vai, ami veia, â Pamhnama khaw naw ning jah k'et law veâ nami ti vai.10â Mlüh nami luhnaka am ami ning jah cäinak üng, ami lam üng cit hü u lü,11â Nami mlüh üngka mvut, kami khawpha üng kawpki pi nami khana kami khawki; cunsepi Pamhnama khaw naw ning jah kâ et law veâ nami ti vai.12â Ka ning jah mthehki, ngthumkhyanaka mhmüp üng, Pamhnam naw acuna mlüha kthaka Sodom mlüh m'yenei bawk khai.
Am Jumeikia Mlüh he
13â Korazin mlüh aw, na jo se ve! Bethsaida mlüh aw, na jo se ve! Nangmi üng mdana kba müncankse he Turah la Sidon mlüha mdan vai sü ta, ajan denga jihkpyawn sui ni lü, mvut üng ngaw ni lü, ngjut päng khai sü xawi.14â Cunsepi, ngthumkhyanaka mhmüp üng Pamhnam naw nanga kthaka ta Turah la Sidon mlüh jah m'yenei hlü bawk ve.15â Nang Kapenawm mlüh, khankhaw däa mhlünmtaia kya lü pi, mulai mei däa ning khyaka na kya khaiâa ti.16Jesuh naw, â Upi, nami ngthu ngaiki cun, keia ngthu ngaikia kyaki; upi nami ngthu ä ngaiki cun keia ngthu ä ngaikia kyaki ni; upi keia ngthu ä ngaiki cun kei na tüi lawkia ngthu ä ngaikia kyaki ni,âa ti.
Khyühkip la Hghngih hea Nghlat law bea Mawng
17Acunüng, khyühkip la nghngihe jekyainak am nghlat law be u lü, â Bawipa aw, na ngming am khawyai he kami jah ksäta kba awmki he,â ti u se,18Jesuh naw, â Khawyam mkeka kba khankhaw üngka naw kya law se ka hmuh.19â Ngai u, kphyukse he, jawngkâ ai hea khana ngleheinak la, ye he jah nängnaka khyaihnak ka ning jah peki, i naw am ning jah lembawisak khai.20â Cunsepi khawyai he nami ti tia ami awma phäha ä jekyai ua; khankhawa nami ngming he angyuka phäha jekyai ua,âa ti.
Jesuh Jekyaiki
21Acunüng, Jesuh Ngmüimkhya Ngcim üngjekyainak am be lü, â Mce la khankhaw Bawipa, ka Pa aw! khyang ktheme la ngtheingthangki hea veia hina ngthu mjih lü, ä ngtheingthangki hea veia na ngdangsaka phäha ning jekyai na veng; ka Pa aw, acun cun na ngaiha dawki ni.22â Ka Pa naw ahmäi na pe pängki. Capa u ni ti cun Pa dänga thea u naw am ksing; Pa u ni ti cun Capa la Capa naw a xüa khyang hea thea u naw am ksing thei u,âa ti.23Acunüng, Jesuh axüisaw hea veia nghlat lü, anghmüa, â Atuh hmuh vai he nami jah hmuki he nami jo sen ve;24â Ka ning jah mthehki, sahma khawjah la, sangpuxang khawjah naw, nami jah hmuh la nami jah ngjak he, hmu hlü u lü ngja hlü kyawki he, am hmu u lü am ngja hlawt u,âa ti.
Samarih Khyang Kdaw am Msuimcäpnak
25Acunüng, thumksing mat naw Jesuh a mhnüteinak am, â Saja aw, anglät xünnak ka yahnak vaia i ni ka pawh kawm?â ti se,26Jesuh naw, â Cangcim üng i ngâ yu se, ihawkba na ksingki ni?âa ti.27Ani naw, â Bawipa na Pamhnam cun na mlungmthin avan, na xünnak avan, na kyannak avan la, na ngaikyunak avan am na jawngnak vai, acunüng na impeiloceng namäta kba na jawngnak vaiâ tia awmki,â a ti.28Acunüng Jesuh naw, â Msang thei veki, acunkba va pawha, na xüng khai ni,âa ti.29Acunüng, acuna khyang naw ngnäng khaia bü lü, Jesuh üng, â Acunüng ka impeiloceng he ta u he ni?â a ti.30Jesuh naw msang lü, â Khyang mat Jerusalem üngka naw Jerikhoa ju cit khai sü, khyang m'yukâ eie jah sawngei msawk se, acun he naw a suisak jah suh pe u lü, thi khyo khaia kpaiki he naw ami ceh tak.31â Acunüng, ktaiyü mat, acuna lam bä üng citki naw, a hmuh la lam kpema ngpeng lü a ceh tak.32â Acukba bäa, Levih khyang mat pi acuna hmun pha law lü, a hmuh la lam kpema ngpeng lü citeiki.33â Cunsepi, Samarih khyang mat a kdungnak lama, acuna awmnak pha law hngaki naw, a hmuh la m'yenei leng leng lü,34a veia va cit lü, a nghma üng situi la capyitui am jah bui lü, hlawpki naw, amäta sangnghngaksaü üng taih lü, khin ima cehpüiki naw, a msümcei.35â A ngawi üng, denarih tangka nghngih, khin im ngängki üng pe hüt lü, â Ana msümceia, hina thea pi na bäihnak, avan pi ka nghlat law be üng ning thung be kawngâ a ti.36â Acuna kthum he üng m'yukâ eie jah sawngeikia khyanga khana impei locenga kba biloki cun ua ni na ngaih?âti se,37Thumksing naw, â M'yeneinak taki cenâ a ti. Acunüng Jesuh naw, â Nang pi acunkba va pawha,âa ti.
Jesuh Matah la Mariha Ima citki
38Acunüng, Jesuh la axüisaw he ami ceh lama ngnam mat üng lut u se, acuia a ngming Matah naki naw a na khinak.39Acuna, nghnumia hnunpüi Marih naki nghnumica mat awmki. Acuna nghnumica cun Jesuha khaw kunga ngthu ngai lü ngawki.40Acunüng, Matah cun khüi lü am ngbüneiki, Jesuha veia law lü, â Bawipa aw, ka na naw ka mät däng ka khüi khaia ana yawkin hin na dawsaki aw? Na kpüi law khaia mtheha,â a ti.41Acunüng Jesuh naw, â Matah, Matah, aktäa ngaikyu lü bawngbai veki;42â Cunsepi, aktung mat däng awmki. Marih naw akdaw xüei ve, acun cun u naw pi yuhei hlawt vaia am kya ve,âti lü a msang.