ናቆ ያርሾ
1ኡባፈ ጌሽ ግድያ ግሾ ናቆ ያርሾ ዎጋይ ሀይሳ፤2ፁሳ ያርሾ መሄይ ሹከትያ በሳን ናቆ ያርሾ መሄይ ሹከቶ፤ እያ ሱይ ያርሾ በሳ ኦይዱ ባጋን ዉርፀቶ።3እያ ሞዋ ኡባ፥ ሄስካ ጎይናፐ ብድ ዞኮ መቀ ጋካናዉ ደእያ ሞዋ፥ ኡሎ አሹዋ ካምዳ ሞያ፥4ናምኡ ክላሆታ፥ ኤንታ ካምዳ ሞያነ ትርያ ፄራ ባጋ ኤክድ ያርሾ።5ካህነይ ሀይሳታ ታማን ፁሳ ያርሾ ኦድ ጎዳስ ያርሾ፤ ሄስ ናቆ ያርሾ።6ካህነ ያራ ግድዳ አደ ኡባይ ሄ ያርሾ አሹዋ ሞ። ሄ ያርሾይ ኡባፈ ጌሽ ግድያ ግሾ ጌሻ በሳን ሜተቶ።7ናቆ ያርሹዋነ ናጋራ ያርሹዋ ዎጋይ እስኖ። ሄ መህያ አሾይ ናጋራ አቶተስ ያርሽዳ ካህንያስ እመቴስ።8ኦንካ ፁሳ ያርሾ መሄ ኤህን ኤክድ ያርሽያ ካህነይ ሄ መህያ ጋልባ ባዉ ኤኮ።9ጮጨን ኮምፐትዳ ዎይኮ ኦቶን ካፅዳ ዎይኮ ባሸን ኡከትዳ ኡባይ ሄ ያርሹዋ ያርሽዳ ካህንያስ እመቴስ።10ቃስ ዛይተራ ሙኑቀትዳ ዎይኮ ሙኑቀቶና ካ ያርሾ ኡባይ አሮና አደ ናይታ ኡባስ እስ ግና ሻከትድ እመቴስ።እስፈተ ያርሾ
11እስ አስ እስፈተ ያርሾ ጎዳስ ያርሽያ ዎደ እያዉ ደእያ ዎጋይ ሀይሳ፤12እ ያርሸይ ጋላታ ያርሾ ግድኮ ሄ ያርሹዋራ እስፈ ዛይተራ ሙኑቅዳ ኡይ፥ እርሾይ ገሎና ኡከትድ ዛይተን ትየትዳ ሌኦ ኡይነ ሎኦ ለፈ ዛይተራ ሙኑቀትዳ ኡይ ሺሾ።13ሄ እስፈተ ያርሹዋራ እስፈ እርሾራ ኡከትዳ ኡይ እሞታ ኦድ ያርሾ።14ሄ እስ እስ ኡይፈ እሱዋ ደንድ ጎዳስ ያርሾ ኦድ ኤሆ። ሄስ እስፈተ ያርሹዋ ሱ ዉርፅዳ ካህንያስ እመቶ።15ሄ መህያ አሾይ ሄ ጋላስ ሜተቶ፤ ዎንታስ አይብካ አቶፎ።16ሽን እያ ያርሾይ ጋሶ ያርሾ ዎይኮ ዶሳ ያርሾ ግድኮ ሄ አሾይ ሄ ያርሸትዳ ጋላስ ሜተቶ፤ እያፐ አተይ ደእኮ ዎንተ ጋላስ ሜተቶ።17ሄ አሹዋፐ ፓላህድ ሄን ጋላስ ጋካናዉ ጋምእኮ ሄስ ታማን ፁገቶ።18እስ አስ ሺሽዳ እስፈተ ያርሾ አሾይ ሄን ጋላሳን ሜተትኮ እያ ያርሾይ ኤከተና፤ ያርሾይ ያርሸትዳዳ ታይበተና። ሄ ያርሾይ ቱና፤ እያፐ ምዳ ኦንካ ባ ናጋራን ኦይሸቴስ።19ቱናባ ቦችዳ አሾይ ሜተቶፎ፤ እ ታማን ፁገታናዉ ኮሼስ። ሀራ አሹዋ ዎጋን ቱና ግዶና አስ ኦንካ ማና ጊኮ ሞ።20ሽን እስ አስ ቱና ግድ ኡትድ፥ ጎዳስ ሺቅዳ እስፈተ ያርሾ አሹዋፐ ምያባ ግድኮ፥ ሄ ኡራይ አሳ ግዶፈ ኩረቶ።21እስ አስ ቱናባ ቦችኮ፥ አሳ ቱናተ ግድን ዎይኮ ቱና መሄ ግድን ዎይኮ ሀራ እፀትያ ቱናባ ቦችድ፥ ጎዳስ ያርሸትዳ እስፈተ ያርሾ አሹዋፐ ሚኮ፥ ሄ ኡራይ ባ አሳ ግዶፈ ኩረቶ።22ጎዳይ ሙሰኮ ሀይሳዳ ያግስ፤23እስራኤለ አሳስ ሀይሳዳ ያጋዳ ኦዳ፤ ኮርማ ዎይኮ ማራዘ ዎይኮ ኮለ ሞ አሹዋ ሞፕተ።24ሀይቅዳ መሄ ዎይኮ ዶእ ዎዳ መህያ ሞዋ ሀራባስ ጎኤትተፐ አትን፥ እያፐ አይባካ ሞፕተ።25ጎዳስ ታማን ፁሳ ያርሾስ ሺቅያ መህያ ሞ አሹዋ ምያ ኦንካ ባ አሳ ግዶፈ ኩረቶ።26ህንተ ደእያ በሳን አዉን ግድኮካ፥ ካፎ ሱ ዎይኮ መሄ ሱ ሞፕተ።27ሱ ምያ ኦንካ ባ አሳ ግዶፈ ኩረቶ።ካህነታ ግሹዋ
28ጎዳይ ሙሰኮ ሀይሳዳ ያግስ፤29እስራኤለ አሳስ ሀይሳዳ ያጋዳ ኦዳ፤ ጎዳስ እስፈተ ያርሾ ሺሽያ ኦንካ ሄ እስፈተ ያርሹዋፈ ሻክድ ባ እሞታ ኦድ ጎዳስ ዱማይድ ያርሾ።30ሄሳ እ ጎዳስ ታማን ፁሳ ያርሾ ኦድ፥ ባ ኩሸን ኤክድ ኤሆ። ቃስ ሞዋ አንጋሱዋራ ጋ ኤህድ ዩሾ ያርሾ ኦድ ጎዳ ስንን ያርሾ።31ካህነይ ያርሾ በሳን ሞዋ ፁጎ፤ ሽን አንጋሶይ አሮናስነ እያ አደ ናይታስ እመቶ።32ህንተ እስፈተ ያርሹዋፈ ኡሻቻ ገዳ እሞታ ኦድ ካህንያስ እምተ።33ሄ ኡሻቻ ገዳይ እስፈተ ያርሹዋ ሱነ ሞዋ ያርሽያ ካህንያ ጋክያ ግሾ ግዶ።34ታኒ እስራኤለ አሳ እስፈተ ያርሹዋፈ ዩሾ አንጋሱዋን ሺቅዳ ገዳ እስራኤለ አሳፐ ኤካዳ፥ ካህንያ አሮናስነ እያ አደ ናይታስ ግሾ ኦዳ እማስ። ሄስ ኤንታ ጋክያ ኤንታ ግሾ ግድያ ግሾ እስራኤለ አሳይ መርናዉ ሄሳ ኤንታዉ እምሸ ዳና።35አሮንነ እያ አደ ናይት ካህነ ግድድ ሹመትዳ ጋላስ ጎዳስ ሺቅዳ ፁሳ ያርሹዋፈ፥ ሄስካ ኤንታዉ ግሾ ግድድ እመትስ።36ጎዳይ ኤንታ ካህነተስ ትይዳ ጋላስ፥ ሄሳ ኤንታዉ እማና መላ እስራኤለ አሳ ኪትስ፤ ሄስ ያና የለተን ኤቅድ ደእያ ዎጋ ግዳና።37ህዛ ፁሳ ያርሹዋ፥ ካ ያርሹዋ፥ ናጋራ ያርሹዋ፥ ናቆ ያርሹዋ፥ ካህነት ትየትያ ዎደ ያርሸትያ ያርሹዋነ እስፈተ ያርሹዋ ዎጋይ ሀይሳ።38እስራኤለ አሳይ ሲና መላ ቢታን ባንታ ያርሹዋ ጎዳስ ያርሻና መላ ጎዳይ ኪትዳ ጋላስ፥ ሲና ዙማ ቦላ ጎዳይ ሙሰ ኪትዳ ዎጋይ ሀይሳ።