1ጎዳይ ሙሰኮ ሀይሳዳ ያግስ፤2እስ አስ ሀራ አስ ሀዳራ ዎዳባ ዎይኮ ታልእዳባ ላህኮ ዎይኮ ቦንቅኮ ዎይኮ ጭምኮ፥3ዎይኮ ይዳባ ደምድ ታ በአብከ ግድ ዎርዶን ጫቅኮነ አስ ኦያ ሀይሳ መላባፐ እሱዋ ኦኮ፥4ሄሳን ናጋራንቾ ግድድ በንትኮ፥ ካይስዳባ ዎይኮ ቦንቅዳባ ዎይኮ ሀዳራ ኤክዳባ ዎይኮ ይን ደምዳባ፥5ዎይኮ ዎርዶን ጫቅድ ኤክዳ ኩመ ሻሉዋ ጎዳስ ዛሮ። ቃስ ባ ናቆ ያርሹዋ ያርሽያ ጋላስ ባ ኤክዳባ ቦላ ፄታፐ ላታሙ ኩሸ ጉጅድ ሻሉዋ ጎዳስ እሞ።6ቃስ ባ ናቁዋ ግሾ ጎዳስ ያርሾ ያርሽያ ዎደ ባ መህያ ግዶፈ ቦረይ ባይና እስ ማራዘ ካህንያኮ ኤሆ። ሄ ዶርሳይ ናቆ ያርሾስ ጋተ ኩንይሳ ግዶ።7ካህነይ ሄ ዶርሳ ያርሽድ ሄ ኡራ ናቁዋ ቁሽሴስ፤ ሄ ኡራ ናቆይ አቶ ጌተታና።
ፁሳ ያርሾ
8ጎዳይ ሙሰኮ ሀይሳዳ ያግስ፤9አሮናነ እያ አደ ናይታ ሀይሳዳ ያጋዳ ኪታ፤ ፁሳ ያርሹዋስ ደእያ ዎጋይ ሀይሳ፤ ፁሳ ያርሾይ ሳእ ዎንታና ጋካናዉ ያርሾ በሳን ደኦ። ታማይ ያርሾ በሳን ቃማ ኩመ ኤፅሸ አቆ።10ካህነይ ሊኖፐ ዳደትዳ ቃምሰ ማእድ፥ ሱረ ዳንጭድ፥ ፁሳ ያርሹዋ ታማይ ምዳ ብዱዋ ካሽድ ያርሾ በሳ ምየን ላሎ።11ያትድ ማኡዋ ቃር ዎድ ሀራ ማኦ ማእድ ሄ ብዱዋ ጉታፐ ጋፃ ኤፍድ ዎጋዳ ጌሻ በሳን ቆሎ።12ያርሾ በሳ ቦላ ደእያ ታማይ ቶኦና ኡባ ዎደ ኤፅሸ ደኦ። ካህነይ ዎንታ ዎንታ ም እያ ቦላ ጉጆ። ፆሳ ያርሹዋ ም ቦላ ማራን ዎድ፥ እስፈተ ያርሹዋ ሞዋ እያ ቦላ ፁጎ።13ታማይ ያርሾ በሳ ቦላ ኡባ ዎደ ኤፅሸ ደኦ፤ ቶአናዉ ኮሸና።ካ ያርሾ
14ካ ያርሾስ እመትዳ ዎጋይ ሀይሳ፤ ካህነ ግድዳ አሮና ናይት ያርሾ በሳፈ ስን ባጋራ ጎዳ ስንን ያርሾ።15ካህነይ እስ ኩጫ ሎኦ ለነ ዛይተ ኤክድ ካ ያርሹዋ ቦላ ደእያ እፃንያራ ያርሾ በሳን ጎዳስ ሳዎ ቶንኩ ግያ ቆፍሶ ያርሾ ኦድ ፁጎ።16እያፐ አትዳይሳ አሮንነ እያ አደ ናይት ኡይ ኡክድ ዱንካንያ ዳባባን ደእያ ጌሻ በሳን ሞ።17ሄ ኡይይ እርሾይ ባይና ኡከቶ። ታማን ፁሳ ያርሹዋፈ ሄሳ ታኒ ኤንታዉ ግሾ ኦዳ እማስ። ናጋራ ያርሹዋ መላነ ናቆ ያርሹዋ መላ እ ኡባፈ ጌሽ።18ጎዳስ ታማን ፁሳ ያርሹዋፈ ኤንታ ጋክያ ግሾ ግድያ ግሾ ያ የለተን አሮና ኮቸ ግድዳ አደት ኡባይ ሄሳ ሞ። ሄ ያርሹዋ፥ ጌሽ ግዶና ኦንካ ቦቾፎ።19ጎዳይ ሙሰኮ ሀይሳዳ ያግስ፤20አሮንነ እያ አደ ናይት ካህነተን ትየትያ ዎደ እስ ክሎ ግራመ ግድያ ሎኦ ለ ካ ያርሾ ኦድ ጎዳስ ኤሆ። እያፐ ባጋ ዎንታ፥ ባጋ ኦማርስ ያርሾ።21ሄ ለይ ዛይተራ ዋላከትድ ሎይ ሙኑቀትድ ባሸን ኡከቶ፤ እያ መንዳ ያርሾ በሳን ሳዎ ቶንኩ ግያ ካ ያርሾ ኦዳ ጎዳስ ያርሻ።22ቃስ አሮና አደ ናይታፐ እያ ካህነተ ላታናዉ ትየትያ ኦንካ ሄ ዎጋ ጊግሴስ። ሄስ ጎዳስ ኡባ ዎደ ያርሸትያ ያርሾ ግድያ ግሾ ኩመ ፁገቶ።23ካህነይ ካ ያርሹዋ ጉየ አሾና ፁጋናዉ ኮሼስ፤ እ ሜተታናዉ በሰና።ናጋራ ያርሾ
24ጎዳይ ሙሰኮ ሀይሳዳ ያግስ፤25አሮናስነ እያ አደ ናይታስ ሀይሳዳ ያጋ፤ “ናጋራ ያርሾ ዎጋይ ሀይሳ፤ ናጋራስ ሹከትያ ያርሾይ ፁሳ ያርሾይ ሹከትያ በሳን ጎዳ ስንን ሹከቶ። ሄ ያርሾይ ኡባፈ ጌሻ ያርሾ።26ሄ ያርሹዋ ያርሽያ ካህነይ ዱንካንያ ዳባባን ደእያ ጌሻ በሳን ሞ።27ሄ አሹዋ ቦችያ ኦንካ ጌሽ ግዶ፤ ቃስ ሹክሽን ሱ ማኡዋ ቦችኮ ሄ ማኦይ ጌሻ በሳን ሜጨቶ።28አሾይ ካፅዳ ኦቶይ መቆ፤ ብራታ ድስተን ካፅዳባ ግድኮ ሄ ሚሽያ ቃጭድ ሃን ሜጫናዉ ኮሼስ።29ካህነ ኮቻፈ አደ ግድዳ ኦንካ ሄ አሹዋ ሞ፤ ሄ ያርሾይ ኡባፈ ጌሽ።30ሽን ጌሻ በሳን ናጋራ አቶተስ ሱ ኤክድ ዱንካንያ ግዶ ገልዳባ ግድኮ ሄ መህያ አሾይ ሜተታናዉ ኮሸና፤ እ ታማን ፁገታናዉ በሴስ።”