Read ዔርሚያሴኮ ቃዮ ማፃኣፖ 5

ዔርሚያሴኮ ቃዮ ማፃኣፖ5mdy_twf

¹ናንጊና ናንጋ ጎዳሢዮ! ኑና ሄሌ ባኮ ዛሎሮ ኑም ማሌ፤ኑኡኮ ዻውሲንቶ ዛጌ!

²ኑኡኮ ዴና ዔውቲ ሜሌ ዓሲም ዒንጊንቴኔ፤ኑኡኮ ኬኤፃ ቢያ ሜሌ ፃንጎ ዓሲ ናንጋ ኬኤሢ ማዔኔ።

³ኑኡኒ ዓዴ ሃይቄ ዜኤሪ ማዔምኑኡኮ ዒንዶንሢያ ዜኤሪ ዒንዶ ማዔኔ።

⁴ኑኡኒ ዑሽካ ዋኣፆንታካያፓ ሃኣኮ ሃንፂሎንታ ሻሻንቃኔ።

⁵ኑና ዳውሳ ዓሳ ኑኡኮ ባቃና ዴዒ ዓኣኔ፤ኑኡኒ ላቤኔ፥ ሃውሾዋ ኑኡኮ ባኣሴ።

⁶ኑም ጊዳ ሙኡዚ ዴንቃኒ ጊብፄ ዓጮናዓሶኦሬ ዓጮናም ኩቺ ኑ ዒንጌኔ።

⁷ኑ ዓዶንሢ ጎሜ ማዺ ኑም ሃሼኔ፤ኑኡኒ ዔያቶም ዓጎና ሜቶ ዔኪሢዳኬ።

⁸ሃያኮ ቤርታ ዓይሌ ማዔ ዓሳ ሃሢ ኑና ዎይሣያ ማዔኔ፤ዔያቶ ኩጫፓ ኑና ዓውሳኒ ዳንዳዓ ዓሲያኣ ባኣሴ።

⁹ዳውሎ ቦኦሎይዳ ዎዻ ዓሲ ዓኣሢሮኑኡኒ ሙዖ ባኣዚ ዴንቃኒ ዳንዳዓሢ«ዎዼቴ ዎዼ፥ ዻቂሼቴ ዻቂሼ» ጌይኬ።

¹⁰ናያ ኑና ባሼሢሮዑፃ ኑኡኮ ናኣቦጉዲ ጪላንቄኔ።

¹¹ኑኡኮ ላኣላ ፂዮኔይዳኑኡኮ ዉዱሮ ናኣታኣ ዪሁዳ ካታሞይዳዎልቄና ዓርቂንቴኔ።

¹²ኑ ሱኡጎኮ ኩጮ ቱኪ ሱፂ ዎዾናኔ፤ኑኡኮ ጋርቾዋ ቦንቺቦኦሴ።

¹³ዓቲንቆ ዼጌሢ ዎልቃዺ ዎንሢ ዎዺሾናኔ፤ዓቲንቆ ናኣቶ ዻካኣ ዴኤሢ ሃንፂሌ ኬዲና ሜታዼኔ።

¹⁴ዓጮ ጋርቻ ዴይ ዎጎ ዎጋ ቤዞ ሃሺ ዴንዴኔ፤ዼጌሢያ ኮርጋ ኮፆ ሃሼኔ።

¹⁵ዎዛ ኑኡኮ ዒናፓ ባይቄኔ፤ኑ ዎንዴ ዎዛዺ ኮርጋ ኮፆ ባይዚ ዖዪሢ ዓርቄኔ።

¹⁶ቦንቻ ኑኡኮ ዔውቲ ባይቄኔ፤ኑኡኒ ጎሜ ማዼሢሮ ኑና ባዴዔ!

¹⁷ያዺ ማዔሢሮ ኑኡኒ ሃርጌ ዓሲ ማዔኔ፤ዓኣፓኣ ኑኡኮ ፒዜ ዛጎ ባሺንቲ ላቤኔ።

¹⁸ፂዮኔ ዹካ ዓሲባኣያ ጉሪ ቤሲ ማዒ ዓቴሢሮዉኡካ ዒኢካ ዓማሊ ሺራ ቤሲ ማዔኔ።

¹⁹ኔኤኒ ጋዓንቴ ናንጊና ናንጋ ጎዳሢዮ! ናኣናና ካኣቲኬ፤ኔኤኮ ካኣቱሞ ዖይታ ሙካ ዎዶ ቢያይዳ ባይቃዓኬ።

²⁰ኔ ኑና ዎይታዛ ጋፒ ዋሊ ሃሼዖ?ሚርጌ ዎዴ ኔ ኑና ኬንኬሊዲ ሃሼንቴሞ?

²¹ናንጊና ናንጋ ጎዳሢዮ! ኔ ባንሢ ኑና ማሄ፥ ኑኡኒ ማዓንዳኔ፤ኑኡኒ ናንጋ ናንጎ ቤርታኣ ዎዶጉዲ ማሂ ጊንሣ ኮሼ።

²²ኔኤኒ ዬያይዲባኣቴ ጋፒ ኑና ኔ ሃሺኑኡኒ ማዼ ባኮሮዋ ዑሣ ዓኣዼ ኔ ዻጋዼኔ ጌይሢኬ።