Mael Hamla Thangthuinah
א Alef
1BOEIPA aw poek lamtah kaimih taengkah aka thoeng te paelki laeh. Paelki lamtah kaimih sokah kokhahnah he hmu lah.ב Bet
2Kaimih kah rho te hlanglak taengla, ka im te kholong taengla pawk coeng.ג Gimel
3Cadah la ka om uh tih nuhmai bangla ka manu napa a om moenih.ד Dalet
4Kamamih tui ha tangka neh ka ok uh tih kamamih kah thing ha a phu daengah ha pawk.ה He
5Ka rhawn ah n'hloem uh vaengah ka kohnue uh pawt bangla kaimih he n'duem sak pawh.ו Vav
6Buh ka cung uh ham khaw Egypt neh Assyria taengah kut ka duen uh.ז Zayin
7A pa rhoek khaw tholh uh tih kaimih taengah a om voel moenih. Tedae kaimih loh amih kathaesainah te ka phueih uh.ח Khet
8Sal rhoekkaimih soah n'taemrhai uh tih amih kut lamkah aka bawt om pawh.ט Tet
9Khosoek cunghang hmai ah ka hinglu nen ni ka buh ka dang uh.י Yod
10Khokha rhamling hmai ah ka vin khaw hmaiulh bangla tloo coeng.כ Kaf
11Zion kah huta rhoek neh Judah khopuei kah oila rhoek khaw a tholh puei uh.ל Lamed
12Amih kut neh mangpa rhoek a kuiok sak tih patong rhoek kah maelhmai khaw hiin uh pawh.מ Mem
13Tongpang rhoek loh phaklung a phueih uh tih camoe rhoek te thingpum dongah paloe uh.נ Nun
14Vongka lamkah patong rhoek neh, tongpang rhoek khaw a rhotoeng lamloh kangkuen uh.ס Samek
15Kaimih lungbuei kah omthennah he kangkuen coeng tih kaimih kah lamnah khaw nguekcoinah la poeh.פ Pe
16Kamih lu kah rhuisam khaw yulh coeng. Anunae ka tholh uh khaw kaimih ham coeng ni.ע Ayin
17Te dongah ko kaimih lungbuei he pumthim hainak la coeng. He dongah kaimih kah maelhmai khaw hmuep.צ Tsade
18Zion tlang aka pong te a soah maetang ni a pongpa coeng.ק Qaf
19BOEIPA namah tah kumhal duela na om tih, na ngolkhoel khaw cadilcahma phoeikah cadilcahma duela cak.ר Resh
20Balae tih a yoeyah la kaimih nan hnilh? Kaimih nan hnoo khaw khohnin loh sen.שׁ Sin/Shin
21BOEIPA aw kaimih he namah taengah m'mael sak laeh. Ka mael uh van daengah ni hlamat kah bangla kaimih kah khohnin thai neh ka mael uh eh.ת Tav
22Kaimih taengah a nah la na thintoek tih kaimih he nan hnawt nan hnawt mai.