Read ዔርሚያሴኮ ቃዮ ማፃኣፖ 4

ዔርሚያሴኮ ቃዮ ማፃኣፖ4mdy_twf

ዬሩሳላሜይዳ ሄሌ ሜቶ

¹ጌኤዦ ማኣሮ ማዦና ሹጫ ጉሪ ዞኦስካ ኬኤሪንቴኔ።ዎዎይቴዖ ዎርቃ ሳልፔንቴሞ!ጌኤዦ ዎርቃ ሜሌ ባኣዚ ማዔንቴሞ!

²ፂዮኔይዳ ዓኣ ዓቲንቆ ናኣታ ጌኤሺ ዎርቄጉዲታዖኬ፤ሃይሾ ሃሢ ማኒ ዢኢጬ ዓጪና ማዤሜሄ ማዒ ዓቴንቴሞ!

³ዉኡካሢታዖ ፔኤኮ ሾዖና ናኣቶ ዻዻንሢሣኔ፤ሃይ ታኣኮ ዴራ ዓሲ ናንጉዋ ዳውሎይዳ ዓኣ ቱኡቴጉዲፔኤኮ ናኣቶም ሚጪንቱዋያ ማዔንቴሞ!

⁴ናኣቶ ዔያቶኮ ዋኣፃ ዼኤቤሢሮ ናኣቶኮ ዒንዲርዛዻንጎይዳ ዓዺንቲ ዴዔኔ፤ናኣታ ዔያቶኮ ሙኡዚ ሺኢቃኔ፤ጋዓንቴ ፔቴታዖ ዔኤቢ ዔያቶም ዒንጋ ዓሲ ባኣሴ።⁵ሃያኮ ቤርታ ቃውቲ ቃውቲ ኮሺ ባኣዚ ሙዓ ዓሳካራ ባይዚ ሴካ ሃንጋ ጉሪ ዤኤማኔ።ጋላፒ ማዔ ሚዛጶ ማኣዓሢ ማይንቲ ዲጬ ዓሳሃሢ ዲቢንሢ ላኣሎ ዱባይዳ ፔና ሃሺ ላሄኔ።

⁶ታ ዴሮይዳ ሄሌ ሜታዖኦኒያ ካኣሙዋንቴ ዶዒ ባይቄሶዶሜ ካታሞ ሜታፓ ባሻያኬ።

⁷ካኣቶ ናኣቶ ማዔ ዔያቶ ሱኡጋ ዔያቶ ኮይላሻቺፓ ባሼ፤ ዲኢቂፓኣ ባሼ ጌኤሽኪ ጴዻያኬ፤ዔያቶኮ ሚዛጱማ ሴንፔሬ ጌይንታ ሹጮጉዲኬ።

⁸ሃሢ ጋዓንቴ ዓኣፖ ካራ ዔያቶኮ ጪላንቺጉዲ ካርቴኔ፤ዞኦዛ ዔያታ ሜታዺ ሃንታኣና ዔያቶ ዔራ ዓሲያኣ ባኣሴ፤ሜልዚ ሚሢጉዲ ዒልዓ ዔያቶኮ ዑፆይዳ ፓፂ ባይቄኔ።

⁹ናዮና ሃይቂ ኩዳ ዓሶይዳፓጬንቾ ዓራፖና ዎዾ ዓሳ ቃራኬ፤ሙዓ ባይቄሢሮ ዓሳ ዞኦዛ ናዮና ሜሊ ጉሪ ኩዳኔ።¹⁰ባይሲንታ ኬዴም ካታማ ካራ ባይቄ ዎዶናናኣቶ ሚጪንታ ላኣላ ፔ ኩቻ ፔኤኮ ናኣቶ ካሢ ሙዔኔ።¹¹ናንጊና ናንጋ ጎዳ ፔኤኮ ዼኤፖ ዻጎ ዴንሢፂዮኔኮ ፃጶ ሙይ ዶዶይሳንዳ ታሚጉዲዔዔኤታ ፑርታ ባኣዚ ኬይሴኔ።¹²ዓጮ ቢያሢዳ ዓኣ ካኣቶዋ ማዖም ዴራዬሩሳላሜ ካታሞኮ ጌሎ ካሮናሞርኬ ጌላንዳኔ ጌይ ፔቴታዖ ማሊባኣሴ።

¹³ጋዓንቴ ዬይ ያዺ ማዔሢ ዒኢካ ጌኤዦ ዓሶ ዎዼቄኤሶንታ ፆኦሲ ማሊፆ ኬኤዛ ዓሶ ጎሞ ዛሎናኬ።

¹⁴ዔያታ ዬያ ሱጉፆና ዒኢቴያታሢሮዔያቶኮ ማኣዓሢታዖ ጫርቂ ካኣማ ዓሲ ባኣሴ፤ዔያታ ዓኣፒ ባይቄ ዓሲጉዲ ጎይፆይዳ ሴካ ሃንጋ ቴኤም ጋዓኔ።

¹⁵ዬያሮ ዴራ፦ «ዴንዲ ባይቁዋቴ!ዒንሢ ዒኢቴ ዓሲታሢሮ ኑና ሄሊፖቴ!» ጌይ ዒላታኔ።ዬያሮ ዔያታ ዒፂ ዳውሶና ዓሲ፥ ሃሣ ቤሲ ባይዜ ዓሲ ማዔኔ፤ዴራ፦ «ሃካፓ ሴካ ማይ ዔያታ ኑ ባኣካ ዴይንዱዋሴ» ጌዔኔ።

¹⁶ናንጊና ናንጋ ጎዳ ዔያቶ ፔኤሮ ዜሪ ዳኬሢሮሃካፓ ሴካ ዒዚ ዔያቶ ዛሎ ማላዓኬ፤ቄኤሶዋ ዒዚ ቦንቺሳዓኬ፤ዒኢካ ዓኣ ጋርቾማኣ ኮሺ ባኣዚ ማዺንታዓኬ።

¹⁷«ኑና ማኣዳንዳያ ሙካንዳኔ» ጌይ ኑ ጎይሢ ዛጋኣና ላቤኔ፤ኑና ዓውሳኒ ዳንዳዑዋ ዓሲ ኑኡኮ ሴኤሎይዳ ዔቂ ኑ ጉሪ ካፔኔ።

¹⁸ኑኡኒ ጎይፆይዴና ሴካ ሃንጋ ሃንቱዋጉዲሞርካ ኑና ዚርቂ ዔቂ ካፓኔ፤ኑኡኮ ጋፒ ዎዴ ሄሌኔ፥ ኬሊ ኑም ሜንሦናኣኬ፤ኑኡኒ ኩዳኒ ዑኬኔ።

¹⁹ኑና ዳውሳ ሞርካ ኮኦኬይዳፓ ባሼ ሩኡራያኬ፤ዹኮ ዑፆይዳ ኑና ዳውሴኔ፤ዓሲ ናንጉዋ ዳውሎ ቦኦሎይዳኣ ኑና ካቴኔ።

²⁰ናንጊና ናንጋ ጎዳ ካኣቲ ማሂ ዶኦሜኑኡኮ ሼምፓሢኮ ዑኡዞ ማዔሢዔያታ ፔ ፒራሢና ፒሪ ዓይሤኔ፤ዒዛ ሺቦ ዴማ ዴዒዴሮ ባኣኮይዳ ናንጋንዳኔ ጌይ ኑኡኒ ማሌንቴኬ።

²¹ዒንሢ ዑፄይዳ ናንጋ፥ ዔዶኦሜ ዴራዎዛዹዋቴ፥ ዒላሹዋቴ!ጋዓንቴ ዒንሢም ጊኢጊሾና ጳዻሢፔ ዎዶ ካፒ ሙኮ ዓታዓኬ፤ዒንሢያ ማሢንቲ፥ ማኣዓሢ ኬኤሪ ካላዻንዳኔ።

²²ዬሩሳላሜ ዴሬዮቴ! ዒንሢ ዻቢንቶሮዒንሢም ዓጎና ፑርቶ ባካ ጊዳንዳኔ፤ናንጊና ናንጋ ጎዳ ዑኬና ዒንሢ ዳውሲንቲ ዴንዴ ባዛፓ ማሃንዳኔ፤ጋዓንቴ ዔዶሚያሴ ዴሬዮቴ! ዒንሢ ዻቢንቶ ዛሎናንጊና ናንጋ ጎዳ ዒንሢዳ ሜቶ ዓጋንዳኔ፤ ዻቢንቶዋ ዒንሢኮ ፔጋሳንዳኔ።

ዔርሚያሴኮ ቃዮ ማፃኣፖ 4 / mdy_twf

ዬሩሳላሜይዳ ሄሌ ሜቶ

ዔርሚያሴኮ ቃዮ ማፃኣፖ4mdy_twf