Read ዔርሚያሴኮ ቃዮ ማፃኣፖ 3

ዔርሚያሴኮ ቃዮ ማፃኣፖ3mdy_twf

ጎሜ ቡኡፂሢና ዻቆ ዻቂንታ

¹ፆኦሲኮ ዻጎ ኮኦሎና ጳዺንቲ ሜቶ ዛጌ ዓሲ ታናኬ።²ዒዚ ፔ ቤርታፓ ታና ፔቴታዖ ፖዒባኣዹሚ ቤሲ ዳውሲ ዳኬኔ።³ኬስኬ ዓባ ጌሊ ካራንዳኣናታና ሌሊ ዒዚ ጳርቄ ጎይሣ ዴዔኔ።

⁴ዒዚ ታኣኮ ዑፆ ዓሽኮንታ ዒልዖንታ ጋርቺሴኔ፤ሜጌፆዋ ታኣኮ ሜንሤኔ።⁵ዒናፓ ዻጋሳ ዻጋና ላቢሢና ታጊዳ ዳኪ ታና ማንጊሴኔ።⁶ሃይቄዖ ሚርጌ ናንጌ ዓሲጉዲዹሚዳ ታና ዴይሢ ሃሼኔ።

⁷ኮይሎ ታኣኮ ዒዚ ዲርቄሢሮ ቶላኒ ታ ዳንዳዒባኣሴ፤ካኒ ቢራታና ታና ዒ ቱኬኔ።⁸ታና ዒ ማኣዶም ታኣኒ ዒላቴቴያታኣሲ ዋይዛኒ ዒዚ ኮዒባኣሴ።⁹ጎይፆ ታኣኮ ዓርሲንቴ ዼኤፒ ዼኤፒ ሹቺና ዲርቄኔ፤ታኣኒ ዴንዳ ካሮዋ ሺርሺ ዎቢሴኔ።

¹⁰ዒዚ ታና ሙዓኒ ካቲ ዓኣ ዲቤ ጌይንታ ቦዖጉዲ፤ጊንሣ ሃሣ ታና ዎዻኒ ጊኢጊ ዔቄ ዞቢ ማዔኔ።¹¹ጎይፃፓ ታና ጎቺ ዔኪ ሺኢሺ ሾኦሌኔ፤ታና ማኣዳያኣ ባኣያ ማሂ ሃሺ ዴንዴኔ።።¹²ፔ ሂኢዦና ታና ዱካኒ ዓኣሤኔ፤ሆቲና ታና ዱኪ ዓይዲሳኒ ዒ ጊኢጌኔ።

¹³ሂኢዦና ሳዞ ታኣኮ ቂርፂዲ ዱኬኔ።¹⁴ታ ዴሮኮ ታኣኒ ሚኢቺ ባኣዚ ማዔኔ፤ዔያታ ኮርጋ ኬሎ ዴንዲ ዚሮ ሄላንዳኣና ታና ቦሂ ቦሂ ኮርጋኔ።¹⁵ሜቶ ታጊዳ ዺቢሲ ናንጎ ታኣኮ ጫንቂሴኔ፤ታና ዒዚ ዋላንጋ ላይሲ ሚሼኔ።

¹⁶ቃንፆ ታና ዻይሲ ዓጮ ታኣኮ ሜንሤኔ፤ሳዖ ሲላሎይዳኣ ታና ሂዒ ኬኤሬኔ።¹⁷ታኣኮ ሼምፓሢ ኮሹሞ ጋዓ ባኣዚ ዴንቃኒ ዳንዳዒባኣሴ፤ዎዛ ጎዖ ባኣዚ ዓይጎታቴያ ታኣም ጶቁዋሴ።¹⁸ዬያሮ ታኣኒ፦ «ቦንቻ ታጊዳፓ ዴንዲ ባይቄኔ፤ናንጊና ናንጋ ጎዳ ታኣም ሃጊ ዒንጋንዳኣዋይ ታ ጋዓ ባካ ቢያሙኪ ታና ሄላ ካራ ባኣያ ማዒ ዓቴኔ» ጌዔኔ።

¹⁹ታኣኮ ሜቶና ካሮ ባይቂፆና ዛሎ ማሊፃዓዳ ዋላንጋና ጪሼናጉዲ ታኣም ጫንቄኔ።²⁰ዬያ ዛሎ ቢያ ዎዴ ታኣኒ ማላኣናዒና ታኣኮ ኮሺ ዖያኔ።²¹ጋዓንቴ ፔቴ ታኣኒ ማላ ባኣዚ ዓኣኔ፤ዬኖ ታ ማላማና ሃጊ ማዓንዳ ዎዛና ዒና ታኣኮ ሃውሻኔ።

²²ዬና ዓይጎዳይ ጌዔቴ፦ኑኡኒ ባይቁዋዖ ሼምፔና ዓቲ ዓኣሢናንጊና ናንጋ ጎዳኮ ሚጪንቲፃ ፔቴታዖ ጋፑዋያናሹማኣ ናንጊና ናንጋያ ማዔሢሮኬ።²³ዬይ ሚጪንቲፃ ኬላ ኬላ ዓካዻኔ፤ናንጊና ናንጋ ጎዳ ማዔ ኔኤኮ ጉሙርቂንቲፃ ዼኤፒኬ።²⁴ናንጊና ናንጋ ጎዳ ታኣኮ ጊሽኮና ጊሺ ማዔሢሮዒዛ ሌሊ ታኣኒ ጉሙርቃንዳኔ።

²⁵ዒዛ ጉሙርቂ ሃጋኣ ዎዛ ዒዛይዳ ጌሣዞንሢናዒዛ ኮዓዞንሢናም ዒዚ ኮሺኬ።²⁶ዓሲ ዚቲ ጋዓዖ ናንጊና ናንጋ ጎዳ ዻቂሻ ዻቂሺፆጉሙርቂ ካፔያታቴ ቃራኬ።²⁷ዓሲ ዼጌ ዓኣዖ ሜቶ ጊቢዳንዳዒ ዔኬቴ ኮሺኬ።

²⁸ናንጊና ናንጋ ጎዳ ዒዛይዳ ሜቶ ዓጋኣናዚቲ ጌይ ፔኤሮ ዒ ዴዔቴ ቃራኬ።²⁹ሃጊ ጊንሣ ኮሺ ባኣዚ ሙካኒ ዳንዳዓሢሮሳዓ ባሊቲና ላሂ ናንጊና ናንጋ ጎዳም ዓይሢንቲ ዎርቆንጎ።³⁰ባዓሢም ጋንጋሮ ዻዊ ሃሾንጎ፤ጫሺታቴያ ዔዔኮንጎ።

³¹ናንጊና ናንጋ ጎዳ ዬያ ቢያ ማዼቴያናኣናና ኬንኬሊዲ ዓሲ ሃሹዋሴ።³²ዎዚ ዓሲዳ ፑርታ ባኣዚ ሄላንዳጉዲዒዛ ማሊሢ ማዔቴያዒዛኮ ዑሣ ዓኣዼ ዺቦ፥ ናንጊና ናንጋ ናሹሞናዓሲም ዒዚ ሚሚጪንታኔ።³³ዬይ ያዺ ማዓሢ ዒዚ ፔ ሼኔናዓሲዳ ሜቶና ዖዪሢና ሄሊሱዋኣሢሮኬ።

³⁴ዓጬሎይዳ ቢያ ቱኡቲ ዓኣ ዓሳ ቢያጌኔ ጎይሢና ሄርቂንታሢ፥³⁵ዼኤፖ ፆኦዛሢ ዛጋንቴዓሲኮ ቶኦኪ ባይዞሢ፥³⁶ፔቴ ዓሲኮ ጌኤሲ ዎቦ ጎይሢና ዎጊንታሢጎኔና ናንጊና ናንጋ ጎዳ ሃያ ባኮ ዛጉዋዓዳ?

³⁷ናንጊና ናንጋ ጎዳ ቤርታ ማሊ ቱኪባኣ ባኣዚታቴዒዛ ዓይሢ ፔቴ ባኣዚታዎ ማዺሻኒ ዳንዳዓ ዓሲ ዖናዳይ?³⁸ፑርታ ባኣዚታቴያ ኮሺ ባኣዚ ማዺንታሢዼኤፖ ፆኦዛሢ ዓይሤምኬ።³⁹ሂዳዖ ዓካሪ ሼምፔና ዓኣ ዓሲ ፔ ጎሞና ሜቶ ዔካዖጉንዱማሢ ዓይጎሮዳዖ?

⁴⁰ኑ ሃንታ ሃንቲፆ ማሂ ኑ ዛጎም፤ናንጊና ናንጋ ጎዳ ባንሢ ኑ ማዖም።⁴¹ኑኡኮ ዒኖ ኑ ኩጮና ዎላ ጫሪንጫ ዓኣኑ ፆኦዛሢ ባንሢ ኑ ዔቂሲ፥ ሂዚ ኑ ጎዖም፦⁴²«ኑ ፆኦዛሢዮ! ኑኡኒ ኔኤም ዋይዞ ዒፂጎሜ ማዼኔ፤ ኔኤኒ ኑና ማኣሪባኣሴ።»

⁴³«ዻጋዺ ፑኡካኒ ዑኪ ኑና ኔ ዳውሴኔ፤ማኣሚቃይዶ ኑና ኔ ዎዼኔ።⁴⁴ኑ ሺኢጲፃ ሙኪ ኔና ሄሉዋጉዲዲም ጌዔ ሻኣሬና ኔና ኔኤኒ ዓኣቼኔ።⁴⁵ዴሮ ባኣኮይዳ ቡኡራጉዲ ኔ ኑና ላኣሊ ሃሼኔ።»

⁴⁶«ኑኡኮ ሞርካ ቢያሢ ኑና ጫሽኪ ጫሽኪሚኢጪ ኑና ዓማሌኔ።⁴⁷ዒጊቹሞና ባይሲንታናሜቶንታ ሂርጋንታ ሙኪ ኑና ሄሌኔ።⁴⁸ታኣኮ ዴሮይዳ ሄሌ ባይሲንቶ ዛሎዓቢሢ ታኣኮ ዓኣፓፓ ዎርዚ ዋኣሢጉዲ ጎዓኔ።»

⁴⁹«ዓኣፓ ታኣኮ ሃውሾ ባኣያ ዬኤካኔ።⁵⁰ዬይ ያዺ ማዒ ዴዓንዳሢናንጊና ናንጋ ጎዳ ጫሪንጫፓ ሊካ ዛጊ ዴንቃንዳያ ሄላንዳኣናኬ።⁵¹ታኣኮ ካታሞይዳ ዓኣ ዉዱሮ ናኣቶ ቢያሢዳሄሌ ባኮ ዛሎና ታኣኒ ካራ ባይቂ ታ ዒኖና ማሊ ሜታዼኔ።»

⁵²«ጉሪ ታና ዒፃ ሞርካካፒም ፒሮ ፒሮጉዲ ታኣም ፒሬኔ።⁵³ታኣኒ ሃይቂባኣንቴ ዔቴይዳ ታና ዓጊዔቶ ካሮ ሹቻ ዔያታ ዎዼኔ።⁵⁴ዋኣሢ ታኣኮ ዑሢና ኩሚ ዴንዳኣናታኣኒ ሃይቃንዳ ዎዳ ዑኬያ ታኣም ማሌኔ።»

⁵⁵«ናንጊና ናንጋ ጎዳሢዮ! ዼኤፖ ዔቶይዳታኣኒ ጌሊ ዓኣዖ ኔና ሺኢቄኔ።⁵⁶ታኣኒ፦ ‹ዋዮ ኔኤኮ ታ ባንሢ ማሄ፤ዑኬና ሙኪ ታና ማኣዴ› ጌይ ሺኢቃሢ ኔኤኒ ዋይዜኔ።»⁵⁷ታኣኒ ኔና ዔኤሌ ዎዶናኔኤኒ፦ «ዒጊጪፖ!» ጌይ ታና ዶዲሼኔ።

⁵⁸«ናንጊና ናንጋ ጎዳሢዮ! ኔኤኒ ታ ዛሎ ሞኦቲታና ኔኤኒ ዓውሴኔ።⁵⁹ናንጊና ናንጋ ጎዳሢዮ!ታኣም ማዾና ጌኖ ቢያ ኔኤኒ ዛጌሢሮታኣም ጌስቲ ዎጌ።⁶⁰ታኣኮ ሞርካ ታና ኮማኒዎላ ጌስቲ ቱኬ ቱኡዞ ኔኤኒ ዴንቄኔ።»

⁶¹«ናንጊና ናንጋ ጎዳሢዮ!ታና ዔያታ ጫሽኬ ጫዦናታኣም ዔያታ ማሌ ጌኖ ኔ ዋይዜኔ።⁶²ኬስኬ ዓቢ ዴንዲ ጌሊ ካራንዳያ ሄላንዳኣናሞርካ ታና ባይዞንዶ ጎይፆዎላ ካሽካሺ ጌስታኔ።⁶³ዔያታ ዴዒያ ማዖም ዔቂ ቶሳ ቶሶናታና ጫርጋ ጫጮ ዔያቶኮ ዛጌ።»

⁶⁴«ናንጊና ናንጋ ጎዳሢዮ! ዔያታ ማዼ ባኮ ዛሎኮይሳማጉዴያ ማሂ ዔያቶም ዒንጌ።⁶⁵ዔያቶ ጋዳንቂካራ ዔያቶኮ ባይዜ!⁶⁶ናንጊና ናንጋ ጎዳሢዮ! ኔ ዻጎና ዔያቶ ዳውሴ፤ጫሪንጮ ዴማፓ ጋፒሲ ዔያቶ ኩርሴ!»

ዔርሚያሴኮ ቃዮ ማፃኣፖ 3 / mdy_twf

ጎሜ ቡኡፂሢና ዻቆ ዻቂንታ

ዔርሚያሴኮ ቃዮ ማፃኣፖ3mdy_twf