KAVINAVINA
3
/
kij_png
share
Share
Mipuki, ninavila, pikwaku
1
Ka, yeigu taitala matausina anikoli kala mmayuyu Yaubada la mipuki.
2
Matauna ibokavilaigu ilauwaigu ambaisa saina dubilikitakita.
3
Matauna inokuyuwi agu lewa gala deli la nokapisi.
4
Agu lewa ikikapogegasi wala deli buyavila,
tuvaila totuwanegu bogwa eikatuwoli.
5
Matauna bogwa eiyokikilaigu okabommayuyu sainela wa bwala katupipi.
6
Matauna bogwa eikatuvisuyaigu asisu odudubalela kaliga.
7
Matauna iyuwolaigu metoya yuwoyoula tanumnumta.
Bogwa eikatupipaigu, e gala gagabila basakaula,
ulo pikwaku bogwa leiwokuva.
8
Deli kaigagu walakaiwa adou paila pilasi,
mitaga Yaubada ipaiki gala wala magila binakaigali ulo dou.
9
Tutala baliloula deli wala ulo silubeibeu;
e ambaisa ambaisa batovila dakwa wala ititobodi matagu.
10
Matauna itutulaigu makawala natana beya,
e iyuwaitaula imakaiagu makawala natana laiyoni.
11
Ibokavilaigu asilavi keda e ikalipoiyailagu olawodila,
itagigaiyaigu wala iligaimwaigu.
12
Matauna ikatuvakavi la kaiyala e ivigakaigu la kopwesiga.
13
Matauna ilavi la kaiyala ima itokamtuya owowogu.
14
E yam komwaidona tomota igigilaigusi wala;
e ivigakaigusi si kaboyousokana.
15
Matauna ikipwagi wodogu e iligabu sopi yayana ila okaiyogu,
e ivakomataigu metoya kaula yayana deli sopi yayana.
16
Matauna isaikikili migigu opwaipwaia
deli ikatuuwoli kudugu odakuna.
17
E bogwa wala lalumwelavi avaka woula kala katumigileu,
vakota, deli goli mwasawa kasi bwaina.
18
E ulo momova bogwa eikukupi,
deli ulo pikwaku baisa Guyau bogwa leiwokuva.
19
E ninamsela agu mmayuyu, deli ulo sigumalawa,
kala yayana makawala tuva.
20
Aninamsi vavagi makwaisina saina peula e ulo baloma imama.
21
Mitaga aluluwai kwaitala wala vavagi
e ulo pikwaku ikaimilavau wala.
22
Ka, Guyau la yebwaili deli la nokapisi
gala bikalituli bisetuwoli wala.
23
Kaukwau kwaitala kwaitala bitabubanaisi wala
makawala goli kalasia biiyuwoula wala.
24
E Guyau matauna agu kwaimwaidona,
mapaila ulo pikwaku asaili baisa matauna.
25
E Guyau ikabwaili availa availa matausina idubumaisi matauna.
26
Mapaila bwainigaga sainela ibodi bitatulotulasi deli da peulokaisi
bitatutulaisi matauna paila bikatumovaidasi.
27
Tuvaila bwainigaga sainela kidamwa peuloki bikabitutukwaidasi igau otubovaudasi.
28
Avai tuta bitaboda mmayuyu, ibodi wala bitalamam deli da peuloki.
29
Ibodi bitakatilavaida tomwaidoda,
e kaina bitabinivau da pikwaku.
30
Kaina goli biwaidasi kaina bibigigagaidasi,
mitaga ibodi wala bitapeuloki.
31
Paila Guyau matauna tonokapisi e gala bipakaitulaidasi.
32
Kaina goli biyomwau ninadaisi,
mitaga la yebwaili baisa yakidasi kwekanigaga deli kwaipeula.
33
Matauna gala sitana imwasawa
kidamwa biyomwau ninadaisi kaina biyomiyuyaidasi.
34
Guyau bogwa leinikoli ninadaisi saina bimwau
avai tuta bitasisuaisi okatupipi.
35
Matauna inikoli avai tuta bikaluwouwaisi da wotetilasi eisakaidasi.
36
E avai tuta bikididogaisi karaiwaga duwosisia otutala yakala,
matauna bogwa wala einikoli.
37
E tuta komwaidona Guyau nanola wala bitavadidalaisi olopola valu.
38
Baisa makawala vavagi bwaina deli vavagi gaga bisevalekusi wala.
39
Avai tuta bimipukwaidasi paila da mitugagasi,
ki, avaka uula bitatakulukulusi?
40
Ibodi bitawakolaisi da kedakedasi komwaidona
e bitaninavilasi baisa Guyau.
41
Ibodi bitaulaimwaisi ninadaisi baisa Guyau wa labuma
e bitanigadasi kawadasi,
42
“Mwa Guyau, bogwa lakamitugagasi deli lakakoulovaimsi,
e yoku gala wala kuligaiwa ma mitugagasi.
43
“Yoku kubokavilaimasi e lokukwatumataimasi;
m gibuluwa wala ikatupwani m nokapisi,
44
m gibuluwa makawala lowalowa saina pilakukubadu
gala gagabila ma nigadasi bikopwali biwokaiam.
45
Yoku lokuvigaki mina watanawa eivakaluwouwaimasi.
46
“E komwaidona kama tilaulasi ibigigagaimasi deli iyosokanaimasi.
47
Yakamaisi bogwa lakabudobodasi kabommayuyu deli kabosilagi,
e ma sisuaisi mwau deli kokola.
48
Mitilagigu ititayelu makawala sopi wa waya
paila ulo tomota bogwa eidaminasi.
49
“Mitilagigu ititayelu makawala sakala gala kala kalitutila
50
tatoula wala Guyau bikululukwaidasi metoya wa labuma e bigisaidasi.
51
Nanogu saina kala mmayuyu
paila lagigisi avaka leikikaloubusi baisa nunumoyela valu.
52
“Tilaula iyosaigusi makawala natana mauna eiwai wa sikula
e matausina goli gala togia uwosi biyokaimaigusi.
53
Tomomova wala yeigu matausina ilavaigusi omlopu,
e ikatubodaisi wodola mlopu metoya odakuna.
54
Sopi bogwa bikatukuwosaigu,
e adoki wala bogwa makateki bakaliga.
55
“Metoya omlopu, adou baisa yoku ulo Guyau,
56
e avai tuta lakayubabai baisa yoku paila bukulagi ulo dou,
yoku bogwa lokunakaigali.
57
E bogwa lokumapu ulo dou e lokulukwaigu taga bakokola.
58
“Guyau, lokuma paila bukukwatusunupuloiyaigu
e bogwa lokukoli ulo momova.
59
Yoku kunikoli sula makwaisina leiuvagaisi baisa yeigu.
Anigada bukupilasaigu otutala yakala.
60
Yoku kunikoli ammakawala agu tilaula eiyogagaigusi
deli agu kweiwala eikikeiwalaigusi.
61
“Mwa Guyau yoku bogwa lokunakaigali matausina eibigigagaigusi;
deli bogwa lokunikoli komwaidona si nanamsa eikikeiwalaigusi.
62
Yam komwaidona matausina bililivalaigusi wala deli bikikeiwalaigusi.
63
Kaukwau biyosokanaigusi, biyayosasi goli bibugiki.
64
“Mwa Guyau kumipuki matausina paila avaka bogwa leivagaisi.
65
Kubuloti matausina deli kuvigaki si pikwaku biwokuva.
66
Kwatumati matausina e kukwatudoum wala
bitamwausi metoya ovalu watanawa!”
Powered by Seed Bible API
expand_more
Search
All books
Old Testament
New Testament
chevron_left
Previous Chapter
Books
search
Search
explore
Discover
chevron_right
Next Chapter