1Kai loe anih palungphuihaih quiboeng hoiah patang ka khang boeh.2Anih mah khodai ai, khoving thungah ang hoih.3Anih mah ang thuitaek; athun qui vaihi hoi vaihi a ban hoiah ang thuitaek.4Anih mah ka ngan hoi ahin ang hmawnsak; ka huhnawk doeh angkhaehsak.5Kai tuk hanah misatuh kaminawk to pakhueng moe, kakhaa hoi karai hmuen hoiah ang takui khoep.6Canghnii ah kadueh kami baktiah, khoving thungah ang suek.7Sipae hoi ang takui khoep pongah, ka loih thai ai; kazit sumqui hoiah ang pathlet.8Ka hangh moe, lawk ka thuih naah doeh, lawk ka thuihaih to ang pakaa pae ving.9Ka caehhaih loklam to thlung hoiah ang pakaa pae khoep moe, kang koih loklam to ang pazuisak.10Anih loe kai hanah, moi angang taqom baktih, amtueng ai ahmuen ah kaom kaipui baktiah oh.11Anih mah kai loklam amkhraengsak moe, ang taprawt pet pacoengah, kai hae amrosak.12Anih mah kalii anueng moe, kai to palaa kahhaih ahmuen ah ang suek.13Kalii tabu thung ih anih ih palaanawk mah ka kaeng ah cop.14Kai loe kaimah ih kaminawk mah pahnui thuih han ih ni ka oh sut boeh; ni thokkruek laasak thuih hanah ka oh.15Anih mah kakhaa tui hoiah ang bawh moe, kakhaa ahmuet hoiah ang paquisak.16Anih mah thlung hoiah ka ha angkhaehsak moe, maiphu hoiah ang phumh.17Monghaih hoi kangthla ah ka hinghaih pakhra na suek ving boeh pongah, khosak hoihaih to ka pahnet boeh.18To pongah Angraeng khae ih thacakhaih hoi oephaih to om ai boeh, tiah ka thuih.19Patangkhanghaih hoi raihaih, kakhaa tui hoi kakhaa ahmuet doeh ka pahnet ai vop.20To baktih hmuennawk to ka hinghaih pakhra mah panoek poe moe, ka thung ah angam sut boeh.21Palung thungah ka poek poe pongah oephaih ka tawnh.22Angraeng amlunghaih loe boeng thai ai, anih mah palungnathaih tawn ai nahaeloe, aicae loe amro tih boeh.23Akhawnbang kruek tahmenhaih kangtha a hnuk o; na oep thohhaih loe paroeai len.24Angraeng loe kai ih taham ah oh, tiah ka hinghaih pakhra mah thuih pongah, anih to ka zing han.25Angraeng hoihhaih loe anih oephaih tawn kami, hinghaih pakhra hoi anih pakrong kaminawk khaeah oh.26Kami loe Angraeng pahlonghaih to oep moe, zing han hoih.27Kami loe thendoeng nathuem ah tok karai sak han hoih.28Anih nuiah hmuen to amtik boeh pongah, angmabueng anghnut moe, anghngai duem han oh.29Oephaih om tih hmang tiah poek nahaeloe, a mikhmai to maiphu pongah akuep nasoe.30Anih tabaeng kami khaeah tangbaeng patueng pae nasoe loe, ahmin sethaih hoiah koi nasoe.31Sithaw mah aicae dungzan khoek to vaa mak ai;32anih mah palungsethaih phaksak, toe paroeai pop anih palungnathaih hoi amlunghaih to amtuengsak let tih.33Anih loe kaminawk nuiah palungsethaih hoi amtanghaih phaksak han koeh ai.34Long ah thongkrah kaminawk boih khok hoiah cawh moe,35sang koek Sithaw hmaa ah kami mah toenghaih baktiah hnuk han koi hmuen lak pae ving pacoengah,36kami mah hnuk han koi hmuen sungsak ving hanah Angraeng mah koeh ai.37Angraeng lokpaekhaih om ai ah, mi mah maw a thuih ih lok baktiah angcoengsak thaih?38Sang koek Sithaw ih pakha thung hoiah na ai maw kahoih hoi kasae hmuen to angzo hmaek?39Kami mah a zaehaih pongah danpaek naah, tipongah kahing kami loe laisaep khing loe?40To tiah oh pongah loe a caeh o haih loklam hae pakrong tanoek si loe, Angraeng khaeah amlaem o let si.41Vannawk ranui ah kaom Sithaw khaeah, ban a payangh o moe, lawk a thuih o naah, poekhaih palungthin doeh anih khaeah paek o si.42Ka zae o moe, na lok kang aek o moeng boeh; kaicae zaehaih to nang tahmen ai vop.43Palung na phuihaih hoiah nang kraeng khoep moe, nang pacaekthlaek boeh; tahmenhaih tawn ai ah, nang hum boeh.44Lawk ka thuih o haih nang khaeah phak han ai ah, nangmah hoi nangmah tamai hoi nang yaw khoep boeh.45Kaminawk salakah anghnoeng baktih, panuet thok hmuen baktiah nang ohsak boeh.46Kaicae ih misa boih mah, pakha ang angh o thuih.47Kaicae nui ah zithaih, amtimhaih, amrohaih hoi anghmat angtaahaih to phak boeh.48Kai kami ih canunawk amro o boeh pongah, ka mik hoiah vapui tui to long.49Ka mikkhraetui loe kang ai ah long tih, anghak mak ai,50Angraeng mah hnu ai karoek to van hoiah dan tathuk.51Ka vangpui thung ih canunawk boih pongah, ka mik mah palung ang setsak.52Takung om ai ah ka misanawk mah tavaa baktiah ang mee o.53Tangqom thungah ka hinghaih ang boeng o sak moe, ka nuiah thlung ang vah o thuih.54Tui mah ka lu uem naah, ka duek boeh, tiah ka poek.55Aw Angraeng, tangqom thung hoiah na hmin to kang kawk.56Ka lok nang thaih pae; ka hamhaih hoi abomhaih kang hnik naah, na naa tamuep ving hmah.57Nang kang kawk naah, kai nang hnai thuih moe, zii hmah, tiah nang naa.58Aw Angraeng, ka hing thai hanah tok na sak moe, ka hinghaih pakhra to nang pahlong boeh.59Aw Angraeng, ka sakpazaehaih na hnuk boeh; toenghaih hoiah kai lok na caek ah.60Nihcae mah misa ah ang suekhaih hoi a poek o ih hmuen to na hnuk boih boeh.61Aw Angraeng, nihcae kasaethuihaih hoi poekhaihnawk to na thaih boeh.62Athun qui kai patoem kaminawk hoi kai misa angthawk thuih kaminawk mah thuih ih lok to na thaih boeh.63Nihcae anghnuthaih hoi angthawkhaih to khenah; kai loe nihcae laasak thuih han ih ni ka oh sut boeh.64Aw Angraeng, angmacae ban mah sak ih hmuen baktih toengah, nihcae khaeah pathok pae let ah.65Nihcae han qahhaih palungthin to paek ah loe, nihcae to tangoeng thuih ah.66Palungphuihaih hoiah nihcae to pacaekthlaek hanah, maeto doeh anghmat ai ah Angraeng ih van tlim ah kaom hmuennawk to amrosak boih ah.