Hiwerika2hch_wb2
1Xɨa'ui, Tsiyuni niweya witsimɨti'ɨimarikai Yawé 'akɨyɨwime kanayeitɨaniyuhaxɨa kwauniyarikɨ.Muyuawitsie paitɨ kwiepa kamenakahɨani, haweri pe'anekamekamenayeitɨani kepemɨtimariwekai 'Ixaheri.Kepauka mɨmetsi'uka'unaxɨ ha'atɨ katinatɨmaiyakemɨti'aitakai 'ena kwiepa.2Yawé pɨtiuka'unaxɨa katinenimayatɨnaime 'ixaheritsixi wakii,meta ha'atɨ kanika'unaKura witsimɨti'ɨimari hakewa meyutɨrɨkariyakai,meta tixaɨtɨ pɨkarayeitɨamana ti'aitame meta 'iparewiwamete kaniwarukwini.3Yemekɨ Kakaɨyari waɨkawa kaniuyeha'ani,naime 'Ixaheri tɨrɨkariyaya kanakuyeitɨani.Mɨtatsi'aye'unie kaninuani tahetsɨa,hikɨ 'ana Yawé pɨkatatsi'uparewi.Kakuwu hetsie tai manutatani hepaɨ 'anetɨ,watixɨtsitɨaximetɨ yunaime 'auriena mematetɨka.4Mɨtatsi'aye'unie hepaɨ, yutupi kaniukuha'aritɨani,yutseriekɨ pekwekai.Mɨtatsi'aye'unie hepaɨ, kaniwarukwininehetsɨa miemete temuwanaki'erie.Yuhaxɨa tai hepaɨ 'aneme kaniukawiwieniTsiyuni witsimɨti'ɨimari 'ixuriki kiiya hetsie.5Yawé mɨtatsi'aye'unie hepaɨ pɨtiyurie:'Ixaheri kaniuka'una.Naime paratsiyuya kaniuka'unameta hakewa meyutɨrɨkariyakai.Putimɨiriyaxɨ tahiwerika meta ta'ukai,Kura witsimɨraku'ane hetsiemieme.6Xewitɨ xamaru makumaweriya hepaɨ,mɨpaɨ yutuki katiniuka'una.Yawé Tsiyuni pɨratɨmaiyatsitɨaxawati mɨka'utiwewiwanikɨ meta patsiekamekɨ kememɨteyukuxexeɨriwa 'ixɨarariyari,ti'aitame hepaɨtsita puyeha'ameta puwaruhayewaxɨ mawari wewiwamete hetsɨana memɨmiemetetɨkai.7Yawé yumawari taiyame puka'utanaki'eri,muyepatsie kaniuku'eirieni.Kaniyetuani memɨtatsi'aye'unie wahetsɨakuraru paratsiyu mukunakai.Yawé tukita meputihiwa'ixɨarari mɨwewiyaka hepaɨ.8Yawé puyuwaɨri mika'unakɨkuraru 'amatayewa Tsiyuni witsimɨti'ɨimari warie maka.Kɨye 'utikweka kani'inɨata,hikɨ kanika'una ka'inenimayatɨ.Hiwerika putixuawerixɨ tetsariya 'imɨmɨiyarite mɨranutikɨkatɨre meta kurarute 'amatitetewa wahetsiemieme,mɨkɨ naitɨ kaniuka'unarieni.9'Ituparite kaneuxɨriexɨani kwiepa kaniyuhayewa,kaneimuraxɨani 'ituparite warita mauku'uwe.Ti'aitame meta 'iparewiwametemekane'uwani hipame nuiwarite watsata,'inɨari niukiyari pɨkakuxaxatsiwari meta Kakaɨyari niukametemama mepɨka'u'uwari,Yawé pɨkatiwaxeitsitɨari.10Tsiyuni witsimɨraku'anekaitsie, mana 'ukirawetsixikwiepa mepeutitei kayuwatɨ xeikɨa,yumu'utsie naxi meheutiwiwatɨmeta hiwerika kamixayari me'anakatɨtɨkaitɨ.Kerutsaremetari 'ɨimariximekaneutiteni kwiepa me'akatututsitɨ.11Tsuarikɨ nehɨxite pɨtixɨxime,'ariri kakwaniwemekɨ nepeɨmɨmɨkɨ.Yemekɨ ne'iyarikɨ nepɨkaheuwaɨrenekiekari muka'unariekɨ.Tɨɨritɨtɨ yakɨ memɨyumate mekanitiweranareni,'ikɨ kiekari kayeyarite 'utɨma.12Tɨɨri yumaamama mɨpaɨ metewaku'iwawiyatɨ:«¿Hakewa pexuawe 'ikwai meta winu?»,'anari mepatixɨrɨwe kaye'utɨmamekwikwi'itɨ memɨte'uhipite hepaɨ,meta memɨtsitsewe wamaamama mewareukɨ'ɨkaku'imatɨrieka mepuka'ietɨkɨka.13¿Kehepaɨ netayɨni 'ahetsiemieme, Kerutsareme witsipemɨti'ɨimari?¿Kemɨ'ane hepaɨ pepɨ'ane?¿Ketita 'inɨariyarikɨ nemetitahɨawe nemɨmatsinɨtɨanikɨ,kiekari Tsiyuni 'ɨimari?Haramara kemeukatewa hepaɨ pɨ'ane 'akwinitɨarika.¿Kemɨ'ane 'aku pɨyɨwe mɨmatsi'u'uayemani?14Kakaɨyari niukametemama 'ahetsɨa miemete mepɨmate'utaxatɨa'itarikakɨ kename kehapaɨ mete'unenierixɨ.Mepɨkamatsi'utahekɨataxɨ ke'axapemɨtiyurienekai,'ateɨterima kememɨte'anuhapanienikekai mepɨka'itaxataxɨ.Niuki memɨmatsikuxaxatɨwakai'itarika xeikɨa pɨhɨkɨtɨkai.15Keyupaɨmetɨ mana huyeta memuyekɨkamematsixeiyatɨ mekameninanaimaka mekateniutapineni.'Ahetsiemieme Kerutsareme witsipemɨ'anekai, nanaimarika mepɨwewie,meta me'utiwikɨayatɨ mɨpaɨ mepɨte'u'iwawa:«¿'Ikɨ xeniu tihɨkɨ kiekari witsimɨ'ane?¿'Ikɨ xeniu kiekari waɨkawa temawierika mexeiya tihɨkɨ yunaime muwara'iwa?»16Yunaitɨ memɨmetsi'aye'unie meputiniuka'axametekuxatatɨ 'ahepaɨtsita,yutamete me'utixikauteketɨ, mematsinanaimatɨ mɨpaɨ meputiyuane:«'Ayeniereme tekaniutakwani.Tukari paye'a temikwewiekai,hikɨri 'ari tahɨxikɨ tepixei».17Yawé kaneye'atɨani kemɨtiku'eriwakai,kaneye'atɨani yuniuki,meripaitɨ kemutayɨkai.Kametsinenimayatɨ kwiepa kamenehɨani,katiniupitɨani mɨmatsi'aye'unie mɨmatsitananaimanikɨ,mɨkɨ pɨtata watɨrɨkariya mariweme kanayeitɨani.18Teɨteri wa'iyariYawé mekanihiwieka mete'uka'eniwatɨ.Tsiyuni witsipemɨ'ane 'akuraru 'amatitɨtɨ,tukarikɨ tɨkarikɨ keneuhayewatsepa 'a'ukai muhanenikɨ haa hepaɨ.Hawaikɨ 'etsiwa pepɨka'uxipieka.'A'ukai pepɨkaheununuitɨwani.19Kenanukukeka keneutahiwani tɨkarikɨ,kepauka tɨkarikɨ tehɨwemete memitsutɨanitsie.Keneu'eiri 'a'iyari 'ukaiyamawari kenayeitɨa Yawé hɨxie.Keneyunenewieka Kakaɨyari hetsɨa kenewauka teikɨ pehemetɨ'atɨɨriyama watukari hetsiemieme,haakakɨ memɨkwiximekaye'utɨma memeutihe.20«Neuxei Yawé, keneu'ati'iyaritɨa:¿Kemɨ'aneri mɨpaɨ pepɨtiukwinitɨa meripaitɨ?¿Kamɨtsɨ 'ukarawetsixi yuniwema metewatikwaniyuhetsie memɨwarayexei?¿Metekwi'iwa tsɨkamɨ mawari wewiwamete meta 'ahetsiemiemete niukameteYawé 'atuki muyepatsietsie?21»'Ukirawetsixi meta temari yunaitɨkaye'utɨma tumuanaritsata mekanitiheni,temari meta 'ɨimarixi nehetsɨa miemete'ixiparakɨ mekaniukwi'iwa.Peha'atɨ watukari pekaniwarunawairieni,pekaniwarukwini pekawanenimayatɨ.22»'Ixɨararipa pemɨta'inieni hepaɨ,kenemɨtika'unarienikɨ naitsarie pekatiniutanɨ'axɨani.Kepauka Yawé pemuyeha'anixewitɨ pɨkayɨwekai muyuta'una, meta nixewitɨ pɨka'uyuhayewaxɨ 'ayenieretɨ.Kemɨ'ane waɨkawa nemɨwanaki'eriekai meta nemɨtiwaruti'ɨkitɨa,mɨkɨ yunaime mɨtatsi'aye'unie kaniwarukwini».