Read ኤርማሳ ዚላስ 2

ኤርማሳ ዚላስ2gmv_etw

ጾሲ ዬሩሳላሜ ቦላ ኤሂዳ ሃንቆ

¹ጎዳይ ጺዮኔ ማጫ ናዮ ባ ሃንቆን ዎስቲ ካዉሺዴ!ኢስራኤሌ ቦንቾሳሎፔ ዱጌ ሳኣን ዬጊዴስ፤ኢዚ ባ ሃንቆ ጋላስባ ቶሆ ሼምፒሲዛሶጊዲዳሮ ዛሪቆፓናስ ኮዪቤና።²ያቆቤ ዱሳሶ ኡባ ጾሲቃታይ ባይንዳ ይሲዴስ፤ዩሁዳ ዴሬ ሚጻታኢዚ ባ ሃንቆን ላሊዴስ፤ኢዚ ካዎቴኔዴሬ ኣይሲዛይታካዉሺዲ ዱጌቢታን ዬጊዴስ።³ኢዚ ባ ጊታ ሃንቆንኢስራኤሌ ዎልቃ ሊቂሲዴስ፤ሞርኬይ ኢዛ ኦላናስ ዪዛ ዎዴባ ማዶ ኩሼኢስታፌ ዴንዴስ፤ባ ዩሾን ዲዛ ኡባሚዛ ታማ ላጮ ማላኢዛ ሃንቆይ ያቆቤ ቦላኤጺ ኬዚዴስ።⁴ኢዚ ሞርኬ ማላዎንዳፌ ዳፊ ኦይኪዴስ፤ኢዛ ኡሻቻ ኩሼይዪሻ ዬዳናስ ጊግሲዴስ፤ባና ሎኢዛይታ ኡባሞርኬ ማላ ሹኪዴስ፤ጺዮኔ ዱንካኔታ ቦላካባ ሃንቆ ታማ ማላ ቆሊዴስ።⁵ጾሲ ሞርኬ ማላ ጊዲዲኢስራኤሌ ዲፒ ሂስቲዴስ፤ካዎቴ ኬካይሲዴስ፤ኢዚ ሚጻካ ላሊዴስ፤ዩሁዳ ኣሳ ቦላካዮኔ ዚላስ ዳርሲዴስ።⁶ኢዚ ባ ኬ ካ ጊዶን ዲዛጋባ ሾዲዛ ማላሾዲ ኦሊዴስ፤ጾሲ ጺዮኖኢዛ ላይን ላይንቦንቺዛ ባኣሌታኔሳምባታታ ዲጊዴስ፤ኢዚ ባ ሚኖ ሃንቆንካዎዛኔ ቄሴዛካዉሺዴስ።⁷ጎዳይ ያርሾያርሺዛሶሆዛ ካዴስ፤ባ ኬካ ኣጊዴስ፤ባ ካዎቴ ኬ ጊምቤታሞርኬስ ኣ ኢሚዴስ፤ባኣሌ ጋላሳታንኦዛይሳኢስቲ ጎዳ ኬንኬሂ ዋሲዳ።⁸ጎዳይ ጺዮኔ ካታማ ጊምቤላላናስ ቃንጺ ዴንዲዴስ፤ሚጼ ዎዶሮዛ ፒዲሲዴስ፤ኢዚ ኢስታ ይሶንታ ኣጌና፤ሚጻቲኔ ጊምቤቲ ላሌቲዳ፤ኢስቲካ ኢሲፌ ይዳ።⁹ኢዚ ፔንጌቲ ዱጌ ቢታን ጌሊዳ፤ካሬ ጎርዲዛ ቢራታ ኮላታቲሜቄሬቲ ዎዳ፤ኢዚ ካዎዚኔ ዳናቲኣይዛቤታን ዲኤቲ ቢዳ፤ሃይሳፌ ጉዬ ካሴ ኢስታስ ዲዛዎጋይ ኦና፤ኢዚ ናቤታስካ ሃይሳፌ ጉዬጎዳፔ ኣጁታይ ቆንጬና።¹⁰ጺዮኔ ዴሬ ጪማቲቢታ ቦላ ጮኡ ጊ ኡቲዳ፤ኢስቲ ባ ሁኤን ጉዱላ ላሊዳ፤ማቃካ ማይኢዳ፤ዬሩሳላሜ ጌላኦቲዱጌ ቢታ ጼሊዳ።¹¹ታ ዴሬይ ዉሪዴስ፤ናቴ ናይቲኔ ቄሪ ናይቲካታማ ጊዶን ላባኒ ኩንዲዳ።ሄሳ ጊሻስ ታ ኣይፌይኣፉንን ባልጁሚዴስ፤ታስ ማራጬይ ኮኮሪዴስ፤ታ ዎዚናይካ ሴሪዴስ፤¹²ኦላሶን ማዱንጺ ኩንዲዳኣሳታ ማላካታማይ ጊዶን ኢስቲ ዳቡርዳ፤ኢስቲ ባንታ ኣዬታ፥«ካኔ ሃኑስ ኣዋን ዲዜ?»ጊ ኦይቺሼ ኢስቲ ቄሴ ቦላቦርኮቲዲ ሼምፖ ኬዚዳ።

¹³«ሃኔ ዬሩሳላሜ!ታ ኔ ጊሻስኣይ ጋናስዳንዳያዚና?ታ ኔና ኣዛራ ጊናሳ ጼሎ?ሃኔ ዶሴቲዳጺዮኔ ጌላኦዬ!ታ ኔና ዎስታ ሚንናስዳንዳያዚና?ኔ ማዱንይኣባፌካ ጪማቴስ፤ኔና ፓናስዳንዳይዛይ ኦኔ?¹⁴ኔ ናቤታ ኣጁታይዎርዶኔ ጮ ሃዳ፤ኔ ናጋራ ቆንጪሲዲኔና ዲኤቴፌ ኣሼቴና፤ኢስቲ ኔስ ዮቲዛ ቲንቢቴይባሌዛዚኔኦጌፔ ካሬ ኬሲዛዛ።¹⁵ኔ ኣቻራ ኣ ቢዛ ኡባይኔ ቦላ ባ ኩሼ ባቂ ካኣና፤ቢታ ኡባንኣ ሎኦ ጌቴቲዛካታማያኔዴሬ ኡባይ ኡፋዬቲዛካታማያ ሃኒ?» ጋና፤ቂሼካ ባ ሁኤ ቃና።

¹⁶ኔ ሞርኬቲ ኡባይ ኢሲፌባንታ ዶና ኬሂ ዶይዳ፤ባንታ ኣች ሳጺሼ ቂዳ፤«ኑኒ ኢዞ ሚቲዶስ!ኑኒ ኣሞቲዳራ ሃኖ፤ሼምፖራ ፓጻ ዲዲጋኪ ኣይፌን ቤኢዶስ» ጊዳ።

¹⁷ጾሲ ባ ቆፒዳይሳ ኦዴስ፤ዳሮ ዎዴፔ ካሴ ዮቲዳቃላ ፖሊዴስ፤ኢዚ ኔና ቃታይባይንዳ ላሊዴስ፤ኔ ዋዬቲሺንሞርኬይ ኡፋዬታና ማላኔ ሞርኬታቁ ቁ ሂስቲዴስ።¹⁸ዬሩሳላሜ ጊምቤጊዶን ዲዛ ኣሳዉ!ጾሳኮ ዋሲቴ፤ኢንቴ ኣፉን ኦማርሲኔጋላስ ዲኦ ማላ ጎጎ፤ኢንቴካ ሼምፖፍቴ፤ኢንቴ ኣይፌሲካ ሼምፖ ኢሞፍቴ።¹⁹ቃማ ኩሜ ዴንዲዲ ዋሲቴ፤ጎዳ ሲንን ኢንቴ ዎዚናሃ ማላ ጉሲቴ፤ኦጌ ዶናን ኮሻቲ ኩንዲዳኔ ናይታሼምፖ ጊሻስ ኔ ኩሼፑዴ ኢዛኮ ዴንዳ ዎሳ።²⁰ኣቤት ጎዳዉ!ሃይሳ ኔ ቤኣ!ኔኒ ሃይሳ ካሴ ኦና ቦላኦ ኤሪዛኮ ኣኔ ኣኬካ፤ኣያ ዬላ ዲቺዳ ናዛራ ማናስ ቤሲዜ?ቄሴይኔ ናቤይጾሳ ኬንሃይቃናስ ቤሲዜ?²¹ዬላጋቲኔ ጪማቲ ሃይቂዲኦጌን ኩንዲ ኣቲዳ፤ዬላጋ ማጫሳቲኔኣቱማቲ ማሻን ሃይቂዳ፤ኔ ሃንቄቲዳ ጋላስኢስታ ዎዳሳ፤ቃታይ ባይንዳካ ሹካዳሳ።²²ባኣሌ ጋላስ ዲጊሳስጼይጊዛ ማላታ ሞርኬታ ታ ቦላ ጼይጋዳሳ፤ኔ ሃንቆ ጋላስኦኒካ ኬሲ ኤኪቤና፤ዎይኮ ሼምፖራ ፓጻኣቲዳይ ዴና፤ታ ዬላ ዲቺዳይታሞርኬይ ታፔ ይሲዴስ።

ኤርማሳ ዚላስ 2 / gmv_etw

ጾሲ ዬሩሳላሜ ቦላ ኤሂዳ ሃንቆ

ኤርማሳ ዚላስ2gmv_etw