Iyyasu Maxaafa6gof_ltw
1Isra7eele asaas yayyida gisho, Iyaarko katama gimbe dirsaa pengeti gordetidosona. Oonika katamaa gelanawunne keyanaw danda7enna.2Goday Iyyasuko, “Iyaarko katamaa iya kawaranne iya mino olanchotara ne kushen aatha immas.3Neeranne ne olanchotara salpidi, gallasan issi toho usupun gallas gakanaw, katamaa gimbe dirsaa yuushuwa yuuyite.4Laapun kahineti issoy issoy moyze oykidi, Godaa caaqo taabotiya sinthan boo. Laapuntha gallas kahineti moyze punniya wode hinte katamaa laapun toho yuuyite.5Kahineti moyze goochidi punuwa hinte si7iya wode, asa ubbay ellesidi banta qaala dhoqu oothidi waasso. Hessafe guye, katamaa gimbe dirsay kundana. He wode asa ubbay gido lawuhu gidi gelana” yaagis.6Nawe na7a Iyyasu kahineta xeegidi, “Godaa caaqo taabotiya tookite. Hintefe laapun kahineti moyze oykidi, caaqo taabotiyape sinthe aadhidi boo” yaagis.7Asaako qassi, “Bidi, katamaa yuushuwan yuuyite; olanchoti Godaa caaqo taabotiya sinthan hemetonna” yaagidi kiittis.8Iyyasuy odidaysada, laapun kahineti laapun moyze punnishe Godaa sinthan hemetidosona; qassi Godaa caaqo taabotey enta kaallis.9Olas dancidaysati moyze punniya kahineta sinthan hemetoosona. Kahineti qanxonna moyze punniya wode derey taabotiyape guyera kaallees.10Shin Iyyasuy, “Ta hintena waasso goonnashin waassofite woyko hinte qaala sissofite; hari attoshin issi qaalaka odetofite. Ta hintena waasso giya he gallas waassite” yaagidi asaa kiittis.11Hessa gisho, Godaa caaqo taabotey he katamaa issi toho yuuyanaada oothis. Yaatidi asay banta dunkaanida guta simmidi, yan aqidosona.12Wontetha gallas Iyyasuy guuridi dendis; kahinetika Godaa caaqo taabotiya tookidosona.13Laapun moyzeta oykida laapun kahineti banta moyziya qanxonna punnishe caaqo taabotiya sinthan boosona. Moyzey qanxonna punetiya wode olanchoti kahinetape sinthan qassi derey taabotiyape guyera kaallees.14Nam7antho gallas katamaa issi toho yuuyidi, banta dunkaanida guta simmidosona. Usupun gallas gakanaw hessada oothidosona.15Laapuntha gallas gontey wadhishin dendidi, kaseysada katama laapun toho yuuyidosona. He gallasa xalaala katamaa laapun toho enti yuuyidosona.16Laapuntha yuushuwan, kahineti moyze punniya wode, Iyyasuy asaako, “Goday ha katamaa hintew aathidi immida gisho, waassite” yaagidi kiittis.17“Katamaynne iya giddon de7iyaba ubbay Godaas qangetidaba gididi dhayanaw bessees. Nuuni biitta xomoosana mela yeddida asata qosada ashshida, laymiya Raabanne I son de7iya asaa xalaali attanaw bessees.18Shin hinte metonne qoho Isra7eele guta bolla ehona mela dhayanaw bessiyabape aybaka amotidi ekonnaada hinte huuphes naagetite.19Biraynne worqey, naase biratape oosetida miisheti ubbay, Godaas dummatidaba gido. Enti Godaa miishiya minjiya shaaliyan de7o” yaagis.20Hessa gisho, moyzey punetis; asay waassis. Derey moyze punuwa si7ida wode banta qaala dhoqu oothi waassin, katamaa gimbiya dirsay kundis. He saaten asay lawuhu gidi gelidi katamaa oykidosona.21Banta mashsha denthidi, macca adde, na7a cima, mehe, dorse, harenne kataman shempora de7iyaba ubbaa wodhidosona.22Iyyasuy biitta xomoosanaw kiitetida nam7u asatako, “Layme Raabi soo bidi, kase hinte iw caaqidaysada, iyonne I soo asa ubbaa kessite” yaagis.23Enti bidi, Raabo, I aawa, I aayiw, I ishatanne I dabbota ubbaa Isra7eele asay dunkaanida gutaape gaxa kessidi wothidosona.24Yaati simmidi katamaanne iya giddon de7iyaba ubbaa xuuggidosona. Shin biranne worqaa, naase biratape oosetida miisheta Godaa miishiya minjiya shaaliyan wothidosona.25Shin laymiya Raaba Iyaarko xomoosana mela kiitetida asata qosada ashshida gisho, Iyyasuy iyo, I aawa soo asaanne iira de7iya dabbota ubbaa hayqope ashshis. I kochati hachi gakanaw Isra7eele biittan de7oosona.26He wode Iyyasuy,“Iyaarko katamaa zaari keexanaw dendiya oonika,Godaa sinthan baadetidabaa gido.Buroo baasiya wode iya bayra na7ay hayqo,Pengiya aathiya wode iya tesho na7ay hayqo”yaagidi baaddis.27Goday Iyyasura gidida gisho, iya sunthay biitta ubbaa gakis.