ሌወታ ካታማታ
1ሄሳፈ ጉየ፥ እስራኤለ አሳይ ካናነ ቢታን፥ ሴሎን ዱንካንድ ደእሽን፥ ሌወ ሶ አሳ ሀላቃት ካህንያ አላዛራኮ፥ ናወ ናኣ እያሱኮነ እስራኤለ ሀላቃታኮ ይድ፥ “ኑኒ ዳና ካታማታነ መሄ ሄምያ ቢታ ኑስ እማና መላ፥ ጎዳይ ሙሰ ባጋራ ኪትስ” ያግዶሶና።3ሄሳ ግሾ፥ ጎዳይ ኪትዳይሳዳ፥ እስራኤለ አሳይ ሌወታስ ካታማታነ መሄ ሄምያ ቢታ ባንታ ቢታፈ ሻክድ፥ እምዶሶና።4ኮይሮ ሳማይ ቃሃታ ኮቻስ ከይስ። ካህንያ አሮና ኮቻይ፥ ይሁዳ፥ ስሞናነ ብንያመ ኮቻፈ ታማነ ሄ ካታማታ ሳማን ኤክዶሶና።5አትዳ ቃሃታ ኮቻይ፥ ኤፍሬማ፥ ዳነነ ዉሎሀ ባጋን ደእያ ምናሰ ኮቻፈ ታሙ ካታማታ ሳማን ኤክዶሶና።6ገድሶና ኮቻይ፥ ይሳኮራ፥ አሴራ ንፍታለመነ ዶሎሀ ባጋን ደእያ ምናሰ ኮቻፈ ታማነ ሄ ካታማታ ሳማን ኤክዶሶና።7መራራ ኮቻይ፥ ሮቤላ፥ ጋደነ ዛብሎና ኮቻፈ ታማነ ናምኡ ካታማታ ኤክዶሶና።8ጎዳይ ሙሰ ባጋራ ኪትዳይሳዳ፥ እስራኤለ አሳይ ሀ ካታማታነ መሄ ሄምያ ቢታ ሌወታስ ሳማን ሻክድ እምዶሶና።9እስራኤለ አሳይ ይሁዳነ ስሞና ኮቻፈ ካልድ ሱንን ፄገትዳ ካታማታ እምዶሶና።10ኮይሮ ሳማይ ሌወ ኮቻፈ የለትዳ፥ ቃሃታ ኮቸ ግድዳ አሮና ያራስ ከይን፥ ኤንታዉ እመትዳ ካታማት ሀይሳታ፤11ደረይ ዳርያ ይሁዳን ደእያ ቅርያት-አርባ ዎይኮ ከብሮነነ እያ ዩሹዋን ደእያ ሄን ቢታታ ኤንታዉ እምዶሶና። (አርብ አናቀ አዋ።)12ሽን ኮይሮ ሄ ካታማ ዩሹዋን ደእያ ቢታነ ጉታታ ዮፎና ናኣ ካለባስ ላታ ኦድ እምዶሶና።13ካህንያ አሮና ያራስ አሰ ዎዳ አስ ባቃትድ አትያ ከብሮነነ ሄን ቢታ፥ ልብናነ ሄን ቢታ፥14ያትራነ ሄን ቢታ፥ ኤሽታሞአነ ሄን ቢታ፥15ሆሎናነ ሄን ቢታ፥ ዳብራነ ሄን ቢታ፥16አይናነ ሄን ቢታ፥ ዩፃነ ሄን ቢታ፥ ቤት-ሳሜሳነ ሄን ቢታ። ሀይሳቲ ይሁዳፐነ ስሞናፐ ኤከትዳ፥ ካታማት ኩመ ኡዱፉና።17ብንያመ ኮቻፈ ኤከትዳ ኦይዱ ካታማት፥ ጋባኦናነ ሄን ቢታ፥ ግብአነ ሄን ቢታ፥18አናቶተነ ሄን ቢታ፥ አልሞናነ ሄን ቢታ።19አሮና ኮቸ ግድዳ ካህነታስ እመትዳ ካታማትነ ሄን ቢታት ታማነ ሄ።20ሌወ ኮቸ ግድዳ፥ አትዳ ቃሃታ ኮቻስ፥ ኤፍሬማስ እመትዳ ቢታፈ ሻከትድ እመትስ።21ቃስ ኤንታዉ ደረይ ዳርያ ኤፍሬማን፥ አሰ ዎዳ አስ ባቃትድ አትያ ኦይዱ ካታማት ሴከማነ ሄን ቢታ፥ ገዘራነ ሄን ቢታ፥22ቅብፃይማነ ሄን ቢታ፥ ቤት-ሆሮናነ ሄን ቢታ እምዶሶና።23ዳነ ኮቻፈ ሻከት እመትዳ ኦይዱ ካታማት፥ ኤልታቃነ ሄን ቢታ፥ ግበቶናነ ሄን ቢታ፥24ኤሎናነ ሄን ቢታ፥ ጋት-ርሞናነ ሄን ቢታ።25ምናሰ ኮቻ ባጋፈ ሻከት እመትዳ ናምኡ ካታማት፥ ታናካነ ሄን ቢታ፥ ጋት-ርሞናነ ሄን ቢታ።26አትዳ ቃሃታ ኮቻት ሄን ቢታራ እስፈ ታሙ ካታማ ኤክዶሶና።27ሀራ ሌወ ኮቸ ግድዳ ገድሶና ኮቻስ እመትዳ ቢታይ፥ ምናሰ ኮቻ ባጋፈ አሰ ዎዳ አስ ባቃትድ አትያ ናምኡ ካታማት፥ ባሳነን ደእያ ጎላናነ ሄን ቢታ፥ በኤሽትራነ ሄን ቢታ።28ይሳኮራ ኮቻፈ እመትዳ ኦይዱ ካታማት፥ ቅሶናነ ሄን ቢታ፥ ደብራታነ ሄን ቢታ።29ያርሙታነ ሄን ቢታ፥ ኤንጋንማነ ሄን ቢታ።30አሴራ ኮቻፈ ሻከት እመትዳ ኦይዱ ካታማት ምሻላነ ሄን ቢታ፥ አብዶናነ ሄን ቢታ፥31ሄልቃተነ ሄን ቢታ፥ ረሆባነ ሄን ቢታ።32ንፍታለመ ኮቻፈ ሻከት እመትዳ ሄ ካታማት፥ አሰ ዎዳ አስ ባቃትድ አትያ፥ ጋልላን ደእያ ቃደሳነ ሄን ቢታ፥ ሀሞት-ዶራነ ሄን ቢታ፥ ቃርታናነ ሄን ቢታ።33ገድሶና ኮቻት ሄን ቢታራ እስፈ ታማነ ሄ ካታማታ ኤክዶሶና።34ሌወ ኮቸ ግድዳ አትዳ መራራ ኮቻት፥ ዛብሎና ኮቻፈ ሻከት እመትዳ ኦይዱ ካታማት፥ ዮቅናማነ ሄን ቢታ፥ ቃርታናነ ሄን ቢታ፥35ድምናነ ሄን ቢታ፥ ናህላላነ ሄን ቢታ ኤክዶሶና።36ሮቤላ፥ ኮቻፈ ሻከትድ እመትዳ ኦይዱ ካታማት፥ ቦሶራነ ሄን ቢታ፥ ያሃፃነ ሄን ቢታ፥37ቅደሞታነ ሄን ቢታ፥ መፋታነ ሄን ቢታ።38ጋዳ ኮቻፈ ሻከትድ እመትዳ ኦይዱ ካታማት፥ ጋላዳን አሰ ዎዳ አስ ባቃትድ አትያ፥ ራሞታነ ሄን ቢታ፥ ማህናይመ፥39ሀሰቦና፥ ያእዜራ።40ሌወ ኮቸ ግድዳ አትዳ መራራ ኮቻይ ኤክዳ ካታማት ታማነ ናምአ።41እስራኤለ አሳይ ላትዳ ቢታፈ ሌወ ኮቻስ እመትዳ ካታማት ሄን ቢታራ እስፈ ኦይታማነ ሆስፑና።42ሄ ካታማታ ኡባ ዩሹዋን ሄን ቢታት ደኦሶና።43ጎዳይ ኤንታ አዋታስ እማና ግድ ጫቅዳ ቢታ ኡባ እስራኤለ አሳስ እምስ። ኤንቲ ሄ ቢታ ላትድ፥ ያን ደእዶሶና።44ጎዳይ ኤንታ አዋታስ ጫቅዳይሳዳ፥ ኤንታ ሳሮን ዎስ። ኤንቲ ኦላስ ከይዳ ዎደ ኡባን ኤንታ ሞርከት ኤንታራ ኤቀታናዉ ዳንዳእቦኮና።45ጎዳይ እስራኤለ አሳስ እማና ግድ ጫቅዳ ሎኦባ ኡባ ፖልስፐ አትሽን፥ እሶይካ አትቤና።