ባቃትድ አትያ ካታማታ
1ሄሳፈ ጉየ ጎዳይ እያሱኮ ሀይሳዳ ያግስ፤2“ታኒ ሙሰ ባጋራ ኪትዳይሳዳ፥ ‘አሳይ ባቃትድ አትያ ካታማታ ዱማያና መላ’ እስራኤለ አሳስ ኦዳ።3ኦንካ ቆፖናነ ኤሮና አሰ ዎኮ፥ ያ ባቃትድ ጉክዳ ሱ ግሾ ሱ ዛራናዉ ኮያ ኡራፐ አታና።4አሰ ዎዳይስ ሄ ካታማታፐ እሱዋኮ ባቃትድ ብድ፥ ካታማ ፐንገን ኤቅድ፥ ሀንዳባ ኡባ ሄ ካታማ ጭማታስ ኦዶ። ሄሳፈ ጉየ፥ ኤንቲ ባንታ ካታማ ኤፍድ፥ እ ዳና በሲ እምኮ ኤንታራ ያን ደኦ።5ሱ ግሾ ሱ ዛራናዉ ኮያ ኡራይ እያ ካልድ ዪኮ፥ እ ባ እሻ ኤርድ፥ ቆሀናዉ ኮይድ ዎቦና ግሾ ሄ ካታማ ጭማት እያ አድ እሞፎ።6ሻንጎ ስንን ሺቅድ፥ ፕርደታና ጋካናዉነ ሄ ዎደ ደእያ ካህነ ሀላቃይ ሀይቃና ጋካናዉ ሄ ካታማን ደኦ። ሄሳፈ ጉየ፥ ባቃትድ ከይዳ ካታማ ጉየ ስሚድ ባ ሶ ገሎ” ያግስ።7ያትን እስራኤለ አሳይ ደረይ ዳርያ ንፍታለመን ጋልላን ደእያ ቃደሳ፥ ደረይ ዳርያ ኤፍሬማን ደእያ ሴከማነ ደረይ ዳርያ ይሁዳን ደእያ ቅርያት-አርባ ዎይኮ ከብሮና ዱማይዶሶና።8ዮርዳኖሰ ሻፋፐ ሄፍንን፥ እያርኮፈ ዶሎሀ ባጋን ቃን፥ መላ ቢታን፥ ሮቤላ፥ ኮቻታ ቢታን ደእያ ቦሶራ፥ ጋዳ ኮቻታ ቢታን፥ ጋላዳን ደእያ ራሞታነ ምናሰ ኮቻታ ቢታን፥ ባሳነን ደእያ ጎላና ዱማይዶሶና።9እስራኤለ አሳይነ ኤንታ ግዶን ደእያ በታንቾት ባቃትድ አታና መላ ዱማትዳ ካታማት ሀይሳታ። ኦንካ ኤሮና ደእሸ አሰ ዎኮ፥ ሻንጎ ስንን ፕርደቶና ደእሸ፥ ሀይቆና አታናዉ ሀ ካታማታፐ እሱዋኮ ባቃታናዉ ዳንዳኤስ።