1Apâhni e cungpam a rayu teh, Simeon miphunnaw ni imthung lahoi Judah e râw talai dawk râw a coe awh.2Ahnimae râw talai dawk kaawm e khonaw teh, Beersheba, Moladah,3Hazzarshual, Balah, Ezem,4Eltolad, Bethul, Hormah,5Ziklag, Bethmarkhaboth, Hazarsusah,6Bethlebaoth, Sharuhen, hoi kho 13 touh hoi khotenaw.7Ai, Rimmon, Ether, Ashan, kho 4 touh.8Hothloilah akalah kamlang e, Ballathbeer totouh, a lathueng dei tangcoung e kho tengpam e pueng. Hetnaw teh Simeon miphunnaw ni imthung lahoi a coe awh e râw lah ao.9Simeonnaw ni coe e râw talai teh Judahnaw ni coe e thung thum pou lah ao. Judahnaw e teh a len poung dawk ahnimae râw thung dawk e Simeonnaw ni râw a coe van awh.
Zebulun miphun ni coe e ram
10Apâthum e cungpam a rayu bo teh, Zebulunnaw ni imthung lahoi râw a coe awh. Ahnimae râw talai kâkhuennae teh, Sarid kho hoi a tâco teh,11Kanîloumlah a cei teh, Maralah kho, Dabbesheth kho lah, Jokneam kho e hmalah kaawm e palang koe a pha.12Hahoi Sarid kho kanîtholah kamlang teh Khislothtabor kho, Daberath kho totouh a pha teh Japhia kho totouh a luen.13Hote kho hoi kamtawng teh, kanîtholah a cei. Gath Hepher kho, Ethkazin kho, Neah khori Rimmon kho totouh a pha.14Atunglah khori teh Hannathon kho dawk a pha teh, Iphtahel tanghling dawk a pout.15Hahoi Kattath kho, Nahalal kho, Shimron kho, Idalah kho, Bethlehem, kho tie kho hoi 12 touh a pha.16Hetheteh, khopui, khote khuehoi Zebulun miphunnaw ni imthung lahoi a coe awh e râw lah ao.
Issakhar miphun ni coe e ram
17Apalinae cungpam a rayu bo teh Issakharnaw ni imthung lahoi râw lah a coe awh.18Ahnimae khori teh, Jezreel kho, Khesulloth kho, Shunem kho,19Hapharaim kho, Shion kho, Anaharath kho,20Rabbith kho, Kishion kho, Ebez kho,21Remeth kho, Engannim kho, Enhadah kho, Bethpazzez kho,22Tabor kho, Shahazumah kho, Bethshemesh kho, dawk a pha teh, hote khori teh Jordan palang dawk a pout. Khopui khote 16 touh a pha.23Hetheteh, khopui khote khuehoi Issakharnaw ni imthung lahoi a coe awh e râw lah ao.
Asher miphun ni coe e ram
24Apanga e cungpam a rayu bo teh, Ashernaw ni imthung lahoi râw lah a coe awh.25Ahnimae khori teh, Helkath kho, Hali kho, Beten kho, Akshaph kho,26Allammelek kho, Amad kho, Mishal kho, Kanîloumlah Karmel kho, Shihorlibnath kho dawk a pha.27Hahoi kanîtholah, kamlang teh, Bethdagon kho, Zebulun ram Jephthah El tanghling dawk a cei teh, atunglah Bethemek kho, Neiel kho, Kabul kho,28Ebron kho, Rehob kho, Hammon kho, Kanah kho, Sidon kho, tui totouh a pha teh,29Ramah kho, kacakpounge Taire kho, Hosah kho, koe lah kamlang teh, tuipui dawk hoi kamtawng teh, Akhzib kho totouh tuipui dawk a pout.30Ummah kho, Aphek kho, Rehob kho, hoi 22 touh a pha.31Hetheteh, Ashernaw ni imthung lahoi a coe awh e râw lah ao.
Naphtali miphun ni coe e ram
32Ataruk e cungpam a rayu bo teh Naphtalinaw ni imthung lahoi râw lah a coe awh.33Ahnimae khori teh, Heleph kho, Zaanannim kho kathen kung, Adaminekeb kho, Jabneel kho, Lakkum kho khuehoi Jordan tui dawk a pout.34Hahoi kanîloumlah kamlang teh, Aznothtabor kho, Hukkok kho dawk a pha teh, akalah Zebulun ram, kanîloumlah Asher ram, Kanîtholae Jordan tui dawk ramri lah ao.35Kacakpounge khopuinaw teh, Ziddim, Zer, Hammath, Rakkath, Khinnereth,36Adamah, Ramah, Hazor,37Kedesh, Enhazor, Edrei,38Iron, Migdalel, Horem, Bethanath, Bethshemesh hoi 19 touh hoi khotenaw.39Hetheteh khopui, khote khuehoi Naphtalinaw ni imthung lahoi a coe awh e râw lah ao.
Dan miphun ni coe e ram
40Asari e cungpam a rayu bo teh, Dannaw ni imthung lahoi râw lah a coe awh.41Ahnimouh ni râw lah a coe awh e khonaw teh: Zorah, Eshtaol, Irshemesh,42Shaalabin, Aijalon, Ithlah,43Elon, Timnah, Ekron,44Eltekeh, Gibbethon, Baalath,45Jehud, Beneberak, Gathrimmon,46Mejarkon, Rakkon, Joppa, hmalah kaawm e talai khuehoi.47Dannaw ni a coe awh e talai teh, abueng dawkvah Leshem kho a tuk awh teh, hmuen a la awh. Leshem kho teh miphun e a na pa Dan min ka sin lah, Leshem hah Dan kho telah min a phung awh.48Hetheteh khopui, khote khuehoi Dannaw ni imthung lahoi a coe awh e râw lah ao.49Hottelah Isarel miphunnaw ni talai teh a kâkhuen awh, a kârei awh teh, râw be a coe awh hoi, Nun e capa Joshua hah râw talai a poe awh.50Ahni ni a hei e kho, Ephraim mon dawkvah, Timmathserah kho hah Cathut ni kâ a poe e patetlah a poe awh teh, ahni ni khoha a thawng teh kho a sak.51Hetheteh, vaihma bawi Eleazar, Nun e capa Joshua Isarel miphun thung dawkvah, imthung lae kacuenaw ni Shiloh kho vah, Cathut hmalah kamkhuengnae lukkareiim takhang teng vah, lengkaleng a kârei awh e râwnaw lah ao. Hahoi teh, ram kâreinae thaw a cum awh toe.