JOELE3kyc_png

Anatumi Wambu Rara Dupwa Kote Lara

1Kamongome dopa letamo.Yuu gii dokopa nambame wambu yuu Juta Jerusaleme range dupwabange ongore angerepe wakale wakale dupwa kamba mairunupa kapa rae maiyuo kararami.2Nambame wambu rara peparae nyuo pyasepalayuu pau lama Jiyosapata lenge dokona lanyuo paro.Yuu dokona nambana wambu range dupwa kando randa maiyakayami dokonanakama kando kote laro.Nakama Isaraele wambu dupwa yuu wakale dupwana nyuo nembapalanambana yuu doko lili pyuo wakale wakale nakama nyiyami.3Nyepala nambana wambu dupwa kendemande yulu pyakamili lapalakate pyuo bange wini pyuo nyingi dopale ingyuo wambu dupwa kate pipala mokwa soo nyuodee wane wanake dupwa nyepala ropo pyao maipala nakama kana nyiyaminyi dupwameenda pamuku dupwa kana maiyuo nyuo ipwa waene ropo pyao nao piyami.4Yuu taone Taya Saitonepa dee Pilisitia range dupwa peparae namba kando apa pinya pilyamisi? Renge mende namba keta palipyasa dokona lao nakamame namba isingi yano pyamwali lao pilyamisi? Kinyi nakama renge mendena pirami ramo doko nambame waiya lao isingi yano pyakaro.5Nakamame nambana kana golope kana kulingipi dupwa nyimi dee nambana bange namba kamonganyi nembenge dupwa nyuo soo pao nakamana tembole anda dupwana reteyami.6Nakamame Juta wambu dupwape Jerusaleme wambu dupwape rangena yuu yaki nyepala nyuo yuu nanesa lanyuo pao Giriki wambu dupwa ropo pyao maiyami.7Epapu nambame yuu ropo pyao maiyaminyi petaminyi dupwa kaepala nakama nyisa nyuo lanyuo eparo. Dokopa nakamame nambana wambu randa maiyakayami dokona nambame dopako pyuo nakama randa jero.8Dopako pyuo nambame nakamana wane wanake dupwa Juta wambu dupwame ropo pyao nyinya laro. Nyepala nakamame dupwa Sapeyane wambu yuu nanesa range duwpa maipala bange nyerami. Kamongome dopa leya.
9Pii dake rara peparae keta lamaipi.Yanda pingi akali peparae mupwape meepe dupwa kee lao nyuosukusa sukusa pipalayanda pirami dokona wato rapa rapa pipwape.10Nakamana ee yulu pyuo yuu apu renge ane isa dupwa kamame rakyuo wua gela wasonakamana kema wua isa pyakepenge dupwa nyepala kaku waso pipwape.Dopa pipala kamame akali kuki yanda pii nange dupwa pyuoko pirami.11Nakama rara awali lao palaminyi dupwawaiya lao epoyuu pau lama dokona malu palyuo pisipwape.Dokopa Kamongo embena yanda pingi akali porai wakasa dupwa epena lare.
12Rara dupwa peparae rapa rapa pipalayuu Jiyosapata pau lama dokona eparami.Yuu dokona namba Kamongo doko pisipalarara peparae awali lao palu pelyaminyi dupwa kote laro.13Nakama ama koo andake pilyaminyi.Dokona witi jingi wambu pilyamo pyakepo lyingi dopakale ingyuonakama pyao pyakepoisa girapo jingi kalyuo pyaraku kingilyaminyiwaene ipwange epo soo simbuo penge dopale ingyuonakama kalyuo pyaraku piri.
14Wambu taosande malu dupwayuu pau lama kote lara dokona karaminyi.Yuu dokona Kamongona yuu gii doko repeta epara.15Neta kanapa dolapo iminjapyamopa bui dupwa rao kara nalyaminyi.

Juta Wambu Dupwa Elyape Keta Pisara

16Kamongome dokome yuu kyau Sayone dokona pii poraiyuo laodee yuu gala lenge dopale ingyuo baame yuu Jerusaleme dokona pii lao piramopayake yuupi dupwa piku piku lala lala para.Dopa piramopape baa rangeme banya wambu dupwa yaki nyii nao rapu pyuo karara.17Dokopa Isaraele wambu dupwame namba nakamana Kamongo Anatulyamo lao soo nyerami.Yuu kyau yapasi Sayone lenge dokona namba palenge.Dokopa yuu taone Jerusaleme doko poo pyasi ingyuo andake seramopawambu rara wakale dupwame kamba nyuo isa palya narami.18Yuu gii dokopa girapo isa dupwayuu kyau dupwana paeyo mee bange ingyuo andaramopamena dupwa yuu kyau peparaena buu minyuo kararaminyi kandarami.Juta wambu dupwana ipwa epenge dupwana ipwa malu epara.Kamongona tembole anda dokona piso ipwa mende guu lao jerae pyao lupyuo eparamo dokomeyuu Akasiya pau lama lama dokona isa andenge dupwa nenge pira.
19Yuu Isipi wambupi yuu Itome wambupi dupwameyuu Juta wambu anjiki pyuo kareyaminyi dupwa piyaminyi dokonayuu Isipi doko muiyane ingyuo sinya laodee yuu Itome doko pyao kokwa soo momo nanyi nembo pira.20Nambame wambu pyao kumuyaminyi dupwana reke lao yano pyakamyuo nakama randa mairu.Nambame wambu piyaminyi dupwa lete kara nana lao pyaro.Dopa pirunupape yuu Juta Jerusalemepe dolapona wambu dupwa mende pii naramo mee palu karalu kararami.Dokopa Kamongo doko yuu kyau Sayone dokona karara.
expand_more
Search