ዒዩዔኤሌ ማፃኣፖ2mdy_twf

ናንጊና ናንጋ ጎዳ ኬሎ ሙኮ ዓቢፃ ዔርዛያ ማዒፆ

1ፂዮኔይዳ ዛዬ ዋርቁዋቴ! ፆኦሲም ዱማዼ ዹኮይዳኣኬስኪ ዒላቱዋቴ!ናንጊና ናንጋ ጎዳ ኬላ ሙካኒ ዑኬሢሮዓጬሎይዳ ናንጋ ዓሳ ቢያ ጎጋይቆንጎ።2ዬና ኬላ ዹማያና ቃኣያዻ ኬሊ፤ሻኣራዻያና ሻኒ ዹማ ኬሊኬ፤ዓባ ፆርቃኣና ፖዓ ዹኮ ዑፆይዳ ጴዻሢጉዲዺቢ፤ ሃሣ ዎልቃዻ ሜሌ ዴሬ ቢያ ቤዞ ሙኪ ባይዛንዳኔ።ዬያጉዴ ባኣዚ ሃያኮ ቤርታ ዛጊንቲ ቤቂባኣሴ፤ሃካፓ ሴካ ዓይዲያ ጴዻዓኬ።
3ዔያቶኮ ቤርታ ጴዻ ዓኣዔ ባኮ ቢያ ታሚጉዲ ዔያታ ሙዓንዳኔ፤ዔኤታ ታሚጉዲያኣ ሚቻንዳኔ።ሃጊ ዔያታ ሄሊባኣ፥ ቤርታ ዓኣ ሳዓዔዴኔ ጌይንታ ቤዞጉዴያ ዓኣዔ ባኣዚ ዋርቂ ዓኣያኬ፤ዔያታ ሙይ ጊዴና ዓኣዻ ሳዓ ጋዓንቴጋፒ ባይቄያ ዓሲ ናንጉዋ ዳውሌ ማዓኔ፤ዔያቶይዳፓ ቶሊ ዓታንዳ ዓይጎ ባኣዚያ ባኣሴ።4ዔያቶኮ ማላሢ ፓሮ ማላኔ፤ዔያታ ዖሎ ፓራሢጉዲያኣ ሳጋራኔ።5ዓዳ ሳርጌሎ ዖይቶጉዴ ዑኡሲ ዋይዚሲ ዋይዚሲዹኮ ቶኦኮይዳ ኮኦማኔ፤ሃኣኮኮ ዲኢሪ ሙዓ ታሚጉዲቢያ ባኮ ዔያታ ሙዓኔ፤ዖልዚም ጊኢጊንቴ ዺቢ ዖልዚ ዓሲጉዲ ቤሲ ቤሲ ዓርቂ ዴዔኔ።6ዔያቶ ዴንቃ ዴራ ካራ ባይዚ ጎጋይቃኔ፤ዓሶኮ ቢያ ዓኣፖ ካራ ዒጊቹሞና ቦኦራኔ።7ዔያታ ዖልዚ ዓሲጉዲ ዔርቲባኣንቴ ዖልዚ ቡላኔ፤ዖላ ዓሶጉዲያኣ ኬኤሎ ዲሮ ዑፆ ጊዓንዳኔ፤ቢያሢ ዔያታ ዓርቄ ጎይፆ ዻቡዋዖዓኣዻ ካሮማና ጎዓንዳኔ።8ፔቴይ ባጋሢና ዎሊ ሂዑዋሴ፤ፔቴ ፔቴሢ ፔ ጎይፆማ ዓኣዻኔ፤ሞርኮኮ ዋርዲዮ ሻሂ ዓኣዻኔ፤ዔያቶ ቃዛ ባኣዚ ባኣሴ።9ዔያታ ካታሞ ጌሊ ዓርቃኔ፤ካታሞኮ ዙሎ ዲርቆና ኬኤሎ ዲፆ ዑፃ ጳሽካኔ፤ጱሊ ጱሊ ማኣሮ ዑፆዋ ኬስካኔ፤ዓዳ ዉሲጉዲ ማኣሮኮ ፑልቶ ካሮና ጋሮ ጌላኔ።
10ሳዖ ዔያታ ጎቃይሳኔ፤ጫሪንጮዋ ዔያታ ዓጊሣኔ፤ዓቦንታ ዓጊኖንታ ዹማኔ፤ዦኦጋሢያ ፖዑዋያ ማዓኔ።11ናንጊና ናንጋ ጎዳ ጉጉንሢጉዴ ዑኡዞ ዬያ ዖሎ ዓሶ ዋይዚሳኔ፤ዬይ ዖሎ ዓሳ ዎዚ ሚርጋይ!ዓይሢፆ ዒዛኮ ኩንሣ ዬይ ዖሎ ዓሳ ኮሺ ዺቢኬ፤ዬይ ሚርጌ ዒጊቻያ ማዔሢሮ ዬያ ኬሎና ዖኦኒ ዳንዳዒ ዔቃንዳይ?

ጎሜ ቡኡፆም ኬኤዚንቴ ኪኢታ

12ናንጊና ናንጋ ጎዳ ሂዚ ጋዓኔ፦«ሃሢ ሙኡዚ ሃሺሢና ዬኤፒና ዖዪሢናጉቤ ዒናፓ ታ ባንሢ ማዑዋቴ።13ዒንሢ ዖያያ ማዒፆ ዔርዛኒ ማኣዓሢ ዒንሢኮ ዳርዚፖቴ፤ጋዓንቴ ዒኖ ዒንሢኮ ሺኢቺ፥ ጎሞ ቡኡፁዋቴ።»ናንጊና ናንጋ ጎዳ ማዔ ዒንሢኮ ፆኦዛሢ ኮሺ፥ ማኣራያ፥ ሩኡሪና ዻጋዹዋያናንጊና ናንጋ ናሹማ ዺቢ፤ፑርታ ባኣዚ ዓጋኒ ሩኡሩዋያ ማዔሢሮዒዛ ባንሢ ማዑዋቴ።14ጎዖንቴ ናንጊና ናንጋ ጎዳ ማዔ ዒንሢኮ ፆኦዛሢ ዻጎ ሃሺዓንጆ ዒንሢም ዒንጋንዳያ ናንዳኔ፤ዒንሢያ ዒማና ናንጊና ናንጋ ጎዳ ማዔ ዒንሢኮ ፆኦዛሢምሃኣኮንታ ዑዦ ዒንጊፆንታ ዔኪ ሺኢሻንዳኔ።
15ፂዮኔ ዹኮይዳ ዛያሢ ዋርቁዋቴ!ዴሮ ፆኦሲም ዱማዼ ቡኪንቲሮ ዔኤሉዋቴ!ሙኡዚ ሃሻንዳጉዲያኣ ዴሮም ኬኤዙዋቴ!16ዴሮ ቢያ ፔቴይዳ ቡኩሲፆኦሲም ዱማዼ ቡኪንቲም ጊኢጊሹዋቴ፤ጋርቾ ዓሶ ዔኤሉዋቴ፤ዻኮ ናኣቶንታ ዻንፆ ዻንቃ ዓኣሎ ናኣቶዋ ዓይሱዋዖ ቡኩሱዋቴ፤ዑኡታኣ ዓቱዋዖ ዑኡቱሞ ኬኤፃፓ ኬስኮንጎ።17ናንጊና ናንጋ ጎዳም ማዻ ቄኤሳፆኦሲም ዒንጎ ባኮ ዒንጎ ቤዞናጌኤዦ ማኣሮይዳ ዓሳ ቡካ ጶኦኮናኮ ባኣካ ዔቂ ዬኤኮንጎ፤ዔያታ፦ «ናንጊና ናንጋ ጎዳሢዮ! ኔኤኮ ዴሮ ሚጪንቴ፤ሜሌ ዴራ ‹ዒንሢኮ ፆኦዛሢ ዎካ ዓኣይ?› ጌይኑና ቶኦቻንዳጉዲና ሚኢጪ ዓማላንዳጉዲ ማሂፖ» ጎዖንጎ።

ናንጊና ናንጋ ጎዳ ፔ ዴሮ ጊንሣ ዶዲሺ ዔቂሳንዳሢ ኬኤዜሢ

18ናንጊና ናንጋ ጎዳ ሳዔላ ዒዛሮ ሌሊ ማዓንዳጉዲ ኮዒፔ ዴሮም ሚጪንቴኔ፤19ዬያሮ ዒዚ ሂዚ ጌዔኔ፦«ሃኣኮንታ ዎይኖ ዑዦንታ ሪሚቶ ዛይቶንታዒንሢ ሚሽካንዳያ ሄላንዳኣና ታ ዒንሢም ዒንጋንዳኔ፤ሃካፓ ሴካ ሜሌ ዴራሚኢጪ ዒንሢ ዓማላንዳጉዲ ታ ሃሻዓኬ።20ዓጮኮ ኬዶ ዛላፓ ሙካ ዺቦ ዓቢፆታ ዒንሢ ኮይላፓ ሃኪሳንዳኔ፤ዓሲ ናንጉዋ ዳውሎ ቦኦሎ ታኣኒ ዳውሲ ዳካንዳኔ፤ዬያቶኮ ሶሮፖ ታኣኒ ሶኦጌ ባዚ፤ጊንፃ ዓቴሢ ሃሣ ታኣኒ ሜዲቴራኒያ ባዞ ዳውሲ ጌልዛንዳኔ፤ዒኢካ ዔያቶኮ ሌዛ ዛዓንዳኔ፤ጎኔና ታኣኒ፥ ናንጊና ናንጋ ጎዳ ዼኤፒ ባኣዚ ዒንሢም ማዼኔ።»
21«ሳዔሌ ዒጊጪፖ፤ናንጊና ናንጋ ጎዳ ኔኤም ዼኤፒ ባኣዚ ማዼሢሮ ዎዛዼ!ሃሣ ዒላሼ።22ዒንሢ ካዮ ቦዓ ዒጊጪፖቴ፤ዒንሢ ሄንቃ ቤዛ ዓኣ ማኣታ ዋርቄኔ፤ሚፃኣ ዓኣፔኔ፤ቤሌሶንታ ዎይኖ ዓኣፖንታ ኮሺ ሚርጌኔ።»
23«ዒንሢ ፂዮኔ ዴራ!ናንጊና ናንጋ ጎዳ ማዔ ዒንሢኮ ፆኦዛሢ ዒንሢም ማዼ ባኮሮዎዛዹዋቴ፥ ሃሣ ዒላሹዋቴ፤ዒዚ ፒዜ ዎጌ ዎጊዓዳ ቤርታኣ ጎይፆ ዖጎፆንታ ባርጎ ዓጊኖንታይዳጊዳ ዒርዚ ዒንሢም ዋርቂሴኔ።24ዒንሢኮ ሃኣኮ ሺርኮ ቆይዶይዳ ሃኣኮ ኩማንዳኔ፤ዎይኖ ዑዦንታ ሪሚቶ ዛይቶንታዒንሢ ጩኡጳ ዔቶ ኩሚ ሾኦታንዳኔ።25ሚርጌ ዎዴ፦ ዺቢ ዖልዚ ዓሲጉዴያ ታ ዒንሢም ዳኬ፥ ዢኢፖ ዒሮጉዲ ዲኢና ዓቢፃ፥ማካሢ፥ ሜልካሢንታ ሻዻ ዓቢፆንታዒንሢኮ ሙይ ጋፒሴ ሃኣኮ ቤዛ ታ ዒንሢም ዒንጋንዳኔ።26ሚርጌ ሙይ ዒንሢ ሚሽካንዳኔ፤ሚርጌ ዲቃሢ ሄርሺሳ ባኣዚ ዒንሢም ማዼታና፥ ናንጊና ናንጋ ጎዳ ማዔ ዒንሢኮ ፆኦዛሢ ዒንሢ ጋላታንዳኔ፤ዴራ ታኣኮ ሃካፓ ሴካ ቦርሲንታዓኬ።27ታ ዴሬዮቴ! ታኣኒ ዒንሢ ባኣካ ዓኣሢ፤ዒንሢኮ ፆኦዛሢያ ታና ሌሊ ማዔሢ፤ታ ጊዳፓ ዓታዛ ሜሌ ፆኦሲ ባኣሢያ ዒንሢ ዔራንዳኔ፤ታኣኮ ዴራ ሃካፓ ሴካ ቦርሲንታዓኬ።»

ናንጊና ናንጋ ጎዳ ኬሎ

28ናንጊና ናንጋ ጎዳ ሂዚ ጋዓኔ፦«ዓካሪ ታኣኮ ዓያኖ ዓሲ ቢያ ዑስካ ታኣኒ ኬይሳንዳኔ፤ዒንሢኮ ዓቲንቆንታ ዉዱሮ ናኣቶንታ ታ ማሊሢ ኬኤዛንዳኔ፤ጋርቻ ዒንሢኮ ዓውቲ ዓውታዻንዳኔ፤ዼጌሢያ ታኣኒ ፔጋሲ ዻዋ ባኣዚ ዛጋንዳኔ።29ዬያጉዲ ሃሣ ዬንሢ ኬሎይዳታኣም ማዻ ዓቲንቆንታ ላኣሎንታይዳታኣኮ ዓያኖ ታኣኒ ኬይሳንዳኔ።»
30«ጫሪንጮና ሳዖናይዳ ዲቃሢ ሄርሺሳ ባኣዚ ታኣኒ ዻዋንዳኔ፤ሱጉሢንታ ታሚንታ ጩቢያ ሻኣሬጉዲ ላሂ ጴዻንዳኔ።31ዼኤፖ፥ ዒጊቻ፥ ጎዳ ኬላ ሙካንዳሢኮ ቤርታዓባ ዹማንዳኔ፤ ዓጊናኣ ሱጉሢጉዲ ዞቃንዳኔ፤32ናንጊና ናንጋ ጎዳ ማኣዳንዳጉዲ ዔኤላሢ ቢያ ዻቃንዳኔ፤ናንጊና ናንጋ ጎዳ ኬኤዜ ጎይፆ ፂዮኔ ዹኮናዬሩሳላሜናይዳፓ ዼኤሻ ጴዻንዳኔ፤ዻቃ ዓሶ ባኣኮይዳ ናንጊና ናንጋ ጎዳ ዶኦሬ ዓሳ ዓኣያ ማዓንዳኔ።»
expand_more
Search