1Na yina, Yobi vutulaka:2Ya tsyelika, mu zaba ti ya kele ni mutindu yina.Wapi mutindu muntu yina ke kufwa lenda kununga na ntadisi ya Nzambi?3Kana ba sosa na kuswanisa yandi,ata na bambala funda mosi (1 000), yandi ke vutula mvutu ata mosi ve.4Nzambi ke ya kufuluka na ndwenga mpe lulendo,nani lenda tedimina yandi kondwa kuzwa kitumbu?5Yandi ke katulaka myongo, myongo ke zabaka ve,na kati ya nkele ya yandi, yandi ke mwangisaka yawu.6Yandi ke ningisaka ntoto kaka na kisika yina yawu kele,mpe makunzi ya yawu ke ninganaka.7Yandi ke tumisaka ntangu na kubasika ve, yawu ke basikaka ve.Yandi ke kangaka bambwetete na kinyemo.8Yandi mosi ke yalumunaka dizulu,yandi ke tambulaka na zulu ya bimpo ya maza ya mubu.9Yandi yidikaka konso mutindu ya bambwetete: Uluse ya nene, Oliyone, ba-Peleyade,na bambwetete ya sude.10Yandi ke salaka mambu ya nene mpe ya ngitukulu,yina ata muntu lenda ve kutanga lutangu ya yawu.11Kana yandi luta pene-pene ya munu, mu ke tala yandi ve,kana yandi kwenda ntama, mu ke bakula yawu ve.12Nani lenda katula yandi yina yandi me baka na ngolo?Nani lenda tuba na yandi: «Yinki nge ke na kusala?»13Nzambi ke katulaka ve nkele ya yandi,na ntadisi ya yandi, nyonso yina muntu ya lunangu ke tulaka kivuvu ke kubwaka.
*
14Munu, wapi mutindu ya mvutu mu ke pesa yandi?Wapi bampova yina mu ke basisa na ntadisi ya yandi?15Ata ti mu vwanda ya kudedama, mu lenda vutula yandi mvutu ve,mu ke bondila zuzi ya munu samu ti yandi kufwila munu kyadi.16Ata ti mu bokila yandi mpe yandi pesa munu mvutu,mu me ndima ve ti yandi ke kuwa munu,17samu ti yandi me nika munu na kitembo ya ngolo,yandi me fulusa munu na bamputa kondwa dyambu.18Yandi ke na kubika ve ti mu pema,kasi yandi ke na kutalisa munu mpasi.19Kana ya kele samu na ngolo, ni yandi ke na lulendo.Kana ya kele samu na lufundusu,nani ke nata munu na mantwala ya bazuzi?20Kana mu vwandaka ya kudedama,yinwa ya munu zolaka bedisa munu,kana mu vwandaka ya kusungama,yinwa ya munu zolaka pesa munu foti.21Mu kele ya kusungama?Munu mosi, mu zaba ve.Mu ke na kuyina luzingu ya munu.22Nyonso ke kaka mutindu mosi,ni yawu yina, mu ke na kutuba:«Yandi ke kufwa bantu ya kusungama,mutindu mosi na bantu ya yimbi.»23Ntangu kiyoolo ke nataka lufwa na mpamukunu,Nzambi ke sekaka mpasi ya bantu ya kudedama.24Kana yinsi kele na lutumu ya bantu ya yimbi,Nzambi ke kangaka meso ya bazuzi.Kana ni yandi ve, nani dyaka lenda sala yawu?25Bilumbu ya luzingu ya munu, ke na kukwenda mbangu kulutila muntu yina ke kimaka mbangu,yawu me kwenda mbangu, kasi mu me tala ve buyenge.26Yawu ke na kuluta mbangu, mutindu babwatu yina ba yidikaka na batwandu,yawu ke na kuluta mbangu mutindu mbemba, na ntangu yandi ke dumukaka samu na kubwila mbisi ya yandi.27Kana mu tuba ti: «Mu ke zimbana manyongo ya munu,mu katula kizizi ya kyadi mpe mu kuzwa dyaka kibakala.»28Bampasi ya munu ke na kutalisa munu boma.Mu zaba ti nge ke tala munu ve mutindu muntu yina me sala dyambu ve.29Ni munu ke talana muntu ya yimbi,samu na yinki mu ke ndima kutala mpasi ya mpamba?30Kana mu yobila na maza ya neze,kana mu sukula maboko ya munu na sabuni,31nge ke losa munu na dibulu ya dizala,mpe binkuti ya munu ke tala munu ngazi.32Nzambi kele ve muntu mutindu munu, samu ti, mu vutula yandi mvutu,Yandi kele ve muntu, samu ti beto kwenda na mantwala ya bazuzi.33Ya kele na nzonzi yina ke vwanda na kati-kati ya beto,samu na kukabula beto.34Bika ti yandi kukatula mukawa ya yandi na munu samu ti,nsisi ya yandi kutalisa ve munu boma.35Na yina, mu ke zonza, mu ke vwanda dyaka ve na boma ya yandi.Samu ti ya kele mutindu yina ve, mu ke vwanda kaka munu mosi.