ዒዮቤ ማፃኣፖ9mdy_twf
1ዒዮቤ ሂዚ ጌዒ ማሄኔ፦2«ሂዮ! ዬይ ቢያ ጎኔታሢ ታ ዔራኔ፤ጋዓንቴ ዓሲ ፆኦሲ ቤርቲዳዎይቲ ጌኤሺ ማዓኒ ዳንዳዓይ?3ዒዛና ዎላ ማርማኒ ዳንዳዓሢ ዖናዳይ?ዒዚ ፔቴ ሺያ ዖኦጪሢ ዖኦጬቶዒንሢዳፓ ፔቴማታዎ ማሃኒ ዳንዳዓ ዓሲ ባኣሴ።4ፆኦሲ ዔሮ፥ ሃሣ ዎልቄና ዓኣያኬ፤ዖናዳይ ዒዛ ቃዛኒ ጌይ ባሺንቲባኣይ?5ዔርቲባኣንቴ ዹኮ ዒ ዓዓጊሣኔ፤ፔኤኮ ዻጎና ዒ ዶይሳኔ።6ፆኦሲ ሳዖ ዓኣ ቤዛፓ ጎቃይሳኔ፤ሃሣ ሳዖኮ ቱርቱሮዋ ዒ ሪቂንሣኔ።7ዓባ ፆርቁዋጉዲ ዒ ማሃኒ ዳንዳዓኔ፤ዦኦጋሢያ ፖዑዋጉዲ ዒ ማሃኔ።8ዖኦኒያ ዒዛ ማኣዱዋንቴ ጫሪንጮ ዒ ቡሊ ዳሬኔ፤ዒዚ ባዞ ጉዳሢዳ ሃሃንታኔ።9ዛኣፖንታ ፑንጫሮንታዬያጉዲ ሃንጎ ዦኦጎዋ ቢያቡኪሲ ጫሪንጫ ጌሤሢ ዒዛ ፆኦሲኬ።10ዒ ማዻ ዲቃሢ ሄርሺሳ ባኮኮሺ ማሂ ዛጊ ኑ ጶቂሣኒ ዳንዳዑዋሴ፤ፔ ዎልቆና ዒ ማዺ ኩንሣ ዓኮ ባኮኑ ፓይዳኒ ዳንዳዑዋሴ።»11«ፆኦሲ ታ ኮይሌና ዓኣዻቴ ታ ዒዛ ዴንቃዓኬ፤ዒ ታ ባንሢ ዑኬቴያ ዒዛ ማዔሢ ታ ዱማሲ ዔሪንዱዋሴ፤12ዒ ኮዔ ባኣዚ ዔኬቴ ዖኦኒያ ዒዛ ላኣጉዋሴ፤‹ሃያ ኔ ዓይጋ ሂዳይ?› ጌይጫርቂ ዒዛ ዖኦጫይ ባኣሴ።13ፆኦሲ ዻጋዼቶ ማዑዋሴ፤ሬዓቤ ጌይንታ ባዞ ቦዖ ማኣዳ ቦዓታዖዒዛኮ ቶኮ ዴማ ጉምዓታኔ።14ዓካሪ ታ ዒዛም ማሂ ኬኤዛኒ ዎዲ ዳንዳዓንዳይ?ዒዛና ዎላ ማርማኒ ዓይጎ ዑኡሲ ታ ዴንቃንዳይ?15ጌኤሺ ማዒ ታ ጴዼቴታዖዎጎ ዎጋ ጎዳሢ ታና ማኣራንዳጉዲታ ዒዛ ሺኢቃንዳፓዓቴምማሂ ታ ዒዛም ኬኤዛኒ ጫርቁዋሴ።16ዒዛኮ ሱንፆ ታ ዔኤሌም ማሂ ታኣም ዒ ኬኤዜቴታዖጌኤዞ ታኣኮ ዒ ዋይዛንዳኔ ጌይ ታ ጉሙርቁዋሴ።17ዓልጎ ዢባሮና ታና ዒ ሜንሣኔ፤ታ ዎኦቴ ባኣዚ ባኣንቴ ኪፆ ታኣኮ ዒ ዳልጊሻኔ።18ዑኡሲ ዔኮምታዖ ዻካ ታኣም ቤሲ ዒንጉዋሴ፤ሼምፓሢ ታኣኮ ሜቶና ዒ ኩንሤኔ።19ታኣኮ ዓኣ ዎልቆና ማሹምቦ ታ ዒዛ ዓርቆም ጎዑዋጉዲዎልቄና ዒዛ ዓርቂ ቃዛይ ባኣሴ፤ሞኦቲ ታ ዒዛ ላሣንዳኔ ጎዑዋጉዲዎጎ ዓሶ ቤርቶ ዒዛ ሺኢሻኒ ዳንዳዓ ዓሲ ባኣሴ።20ታኣኒ ጌኤሺ ሃሣ ጎኔ ዓሲኬ፤ጋዓንቴ ጌኤዛ ታኣኮ ታና ዻቢንቴያ ማሃኔ፤ታ ጋዓ ባካ ቢያ ታ ዑፃ ዎጋኔ።21ዎዚ ታ ፂሎታቴያታ ዛሎ ታ ማሉዋሴ፤ታ ሼምፓሢያ ታኣኒ ሻኣኪንታኔ።22ፆኦሲ ፂላሢንታ ዻቢንቴሢንታ ዎላ ባይዛሢሮ‹ፔቴታዖ ዱሙሞ ባኣሴ›ታ ጌዔሢ ዬያሮኬ።23ዓሲ ፔቴ ባኣዚና ቤዛ ሃይቄቴፆኦሲ ዬያ ጌኤዦ ዓሢኮ ሜቶ ሚኢጪ ዓዓማላኔ።24ሳዓ ፑርቶ ዓሶ ኩጫ ዓኣሢ ዒንጊንታዛዒዚ ዎጎ ዎጋ ዓሶኮ ዓኣፖ ካንቃኔ፤ዓካሪ ዬያ ቢያ ማዼሢ ፆኦሲቱዋቴሃንጎ ዖናዳይ?»25«ታኣኮ ናንጎ ሌዓ ጳሽካ ዓሲዳፓ ባሼ ሩኡራኔ፤ፔቴታዖ ዎዛ ታ ዴንቁዋንቴ ዓኣዻኔ።26ዔያታ ማጫሬና ኮሺንቴ ዋኣፆና ፒንቆ ጎንጎጉዲ ጳሽካኔ፤ሃሣ ዓርቂ ዔካ ኮኦኬጉዲያኣ ሩኡራኔ።27ታ ሜታሢ ኬኤዚ ሺሪፆ ታ ዋሎምዓኣፖ ካሮዋ ታኣኒ ቱኪፆ ሃሺ ሙስታንዳኔ ጋዓዛ፥28ፆኦሲ ጌኤሺ ማሂ ታና ፓይዲንዱዋሢ ታ ዔራሢሮሜቶና ዋኣዪሢና ታና ሄላንዳኔ ጌይ ታ ዒጊጫኔ።29ዓካሪ ዻቢንቴያ ማዒ ታ ፓይዲንቴቴጉሪ ታኣኮ ላቢፃ ዓይጎሮዳይ?30ዑፆ ታኣኮ ታ ሳኣሙናና ማስቴቴኩጮዋ ታኣኮ ታ ዖንዶዴና ጌኤሼቴ፤31ዬይ ቢያ ማዺንቴቴያኔ ታና ዔኪ ቶርጴይዳ ኬኤራኔ፤ታኣኮ ማኣዓሢታዖ ታና ሻኣኪንታኔ።32ዒዚ ታጉዲ ዓሲቱዋኣሢሮዎጎ ዎጋ ዓሶ ኮይላ ኑ ዎላ ዴንዲሞኦቶም ታ ዒዛ ጋዓኒ ዳንዳዑዋሴ።33ታኣኮ ዙላፓ ፆኦሲ ፔ ኮኦሎ ዔቂሳንዳጉዲናዒዛኮ ዓውካራ ታና ዒጊቹዋጉዲፔኤኮ ኩጮ ኑና ላምዓሢ ዑፃ ጌሣ ሱኡጌ ጴዻቴ ዓይጎ!35ታኣኒ ዓሳ ታና ማላ ጎይፆጉዲ ማዒባኣሢሮታ ዒዛ ዒጊጩዋዖ ኬኤዜያ ናንዳንቴኬ።»