Iyyoba Haasaya
1Iyyobi zaaridi,2“Ee, hinte geysi tuma gideysa ta erayis;shin asi Xoossa sinthan waanidi xillo gidanaw danda7ii?3Iyara ooni palamanaw danda7ii?I oychiya mukulu oyshatape issuwaka zaaranaw danda7enna.4Xoossay cincanne wolqaama;iyara eqetanaw danda7ey oonika baawa.5Qoponna de7ishin dereta enta bessaafe diggees;ba hanquwan aathidi yeggees.6I biitta iya bessaafe qaathees;biitta tuuqetaka yiggees.7Away keyonna mela oothees;xoolintoti poo7onna mela diggees.8I barka salota miccis;abba hobbiya bolla hemetees.9Xoossay Biire, Ooriyoona, Pilaadisa geetetiya xoolintotanne,dugeha baggara de7iya xoolinto koceeta medhis.10I asi pilgid eranaw danda7onna gitabata,taybetonna malaalsiyabata oothees.11I ta matara aadhiya wode ta be7anaw danda7ike;I taako shiiqiya wode eranaw danda7ike.12I bonqiko digganaw danda7ey oonee?‘Waatay?’ yaagidi iya oychanay oonee?13Xoossay ba hanquwa teqenna;Ra7aaba geetetiya do7a maaddeysatiiya tohuwa garsan kundoosona.14Yaatin, iya oysha zaaranaw,iyara mootetanaw taani oonee?15Taani xillo gidikoka,pirdiya Xoossay tana maaranaada woossanaape attishin,taani iyaw zaaro immike.16Ta iya xeegin, I taw koyaakoka,tana si7ees gada ammanike.17Tana goten mentherethees;gaasoy bayna ta madunthaa darsees.18Tana shempo diggees;ta de7uwa camethees.19Wolqaba gidiko, I wolqaama.Xillo pirdaba gidiko, iya pirda keethi shiishanay oonee?20Taani tana xillo giikoka ta doonay tana bala kessees;tanan borey baawa ta giikoka ta inxarsay tana geella kessees.21Taani borey bayna asi gidikoka tabaa qopike;taani ta de7uwa kadhayis.22Xoossay borey baynaysanne iita issife dhaysees;ta dummatethi baawa gey hessa gishosa.23Gadoy gelidi asaa qoponna wodhiya wode,I xillo asaa waayan miicees.24Ha sa7ay iita asaa kushen wodhiya wode,I pirdeyisata ayfiya goozees.Hessa ubbaa oothey iya gidonna ixiko, hari oonee?25Ta de7o laythati woxiya uraape aadhidi ellesoosona;enti lo77oba be7onna piradhidi dhayoosona.26Ta de7o laythay palka wogoloda woxees;arganthi miyaba oykanaw salope duge paalleysada paallees.27‘Ta zuuzuntha dogana;som7o tukeysa aggada poo7isana giyako,’28Neeni tana geeshshi goonnaysa taani eriya gisho,tana gakana waaye ubbaa taani yayyayis.29Yaatin, taani bala gideysi attonna ixiko,coo mela ayis daaburayna?30Taani ta asatethaa hari attoshin saamunan meecetiyakoka,ta kushiya dummabaara meecetiyakoka,31ta ma7oyka tana shaatettana gakanaw,neeni tana urqa ollan holana.32Ta iyaw zaaro immanaw Xoossay ta mela ase gidenna;gidiyako nu nam7ay daynna sinthan eqana.33Shin nu nam7aa bolla ba kushe wothidi,nuna sigethiya asi nu giddon de7eerenne!34Iya teemoy tana daganthonna mela,issi asi Xoossaa xam7aa taape digereneshin!35Yaaniko, taani iyaw yayyonna odetana;shin ha77i taani danda7ike.