Obushinganyanya bwa Nyamuzinda
1Bildadi w’e Shwahi, ajà eluhya aderha, erhi:2Kàli orhanaleke okuderhaderha? Okûla kuderha ebinwa biri nka cihûsi cinene?3Ka Nyamuzinda ankahabûla olubanja, ka Nyamubâho ankagolongohya obushinganyanya?4Akabà abâna bâwe bàmugayisize, bubî bwâbo ànabahanire5Wêhe akabà oli mwêru kwêru na mushinganyanya, olongerezagye Nyamuzinda, oshenge Nyamubâho.6Kurhenga buno akushubiza omu bwîra bwâge, anashakâle enyumpa z’omushinganyanya.7Obwôrhere bwâwe burhanzi wabulola nka busha, omu kubona obôloloke bukulinzire.8Odôkereze àbâli burhanzi, oyumvîrhize bwinjà bici b’îshe bàbwîne.9Rhwêhe, injo rhwaciburhagwa, rhurhamanyiri bici, ensiku zîrhu bano igulu ko zirazûka nka cizûngu-zûngu.10Bôhe, bakuyigîriza banakubwîrize, n’akanwa kabali emurhima kakumanyisa obu burhimanya:11«k’omufinjo gunamere omurhali omu luziba? K’olushasha lwankamera buzira mîshi?12Oku luciri lurhò ntyâla, ciru ankabà ntâye olutwire, lwo lurhanga ebindi byâsi okuyûma»13Abayibagira Nyamuzinda, kwo bafà ntyo, Obulangâlire bw’enkola-maligo, nabwo ko buhera ntyo.14Ebi acîkubagira, buli budodo, n’ebi alangâlira lubà lwôgo lwa lwirhangulira15Akayegemera enyumpa yâge, enakûnduke, akayisimikirakwo, enamuhongokane.16Lolà oku ayunjwîre magoba amango g’izùba, n’ebyâna byâge byanalândira omu ishwa lyâge.17Emizî yâge ezongobarhine oku ibuye, anakazidômera omûka omu karhî k’amabâle.18Lêro bamushugula halya àli, halya mwâge bamuhaba, erhi: «rhwembi ngahi?»19Lâba oku akola abolera omu njira, n’abâbo badwîrhe babêra idaho.20Nanga, Nyamuzinda arhalêkerera Omushinganyanya, arhanarhabâla enkola-maligo.21Amasheka ganashubirhûnza amarhama gâwe, n’obusîme bucîyêrekane oku kanwa kâwe.22Abashombanyi bâwe enshonyi zibabumbe, n’aha mw’enkola-maligo hashâbwe.