ዒዮቤ ማፃኣፖ8mdy_twf
1ሹሃ ዓጮ ዓሢ፥ ቢልዳዴ ሂዚ ጌይ ማሄኔ፦2ኔኤኮ ዒንዲርዛፓ ኬስካ ሃይሳ ዓልጎ ዢባሬጉዲኬ፤ዎማ ሄላንዳኣና ዬማይዲ ኔ ጌስታንዳይ?3ፆኦሲ ፔቴታዖ ዎጌ ዎቢሱዋሴ፤ቢያሢ ዳንዳዓ ጎዳሢ ቢያ ዎዴ ፒዜ ባኣዚ ማዻኔ።4ናኣታ ኔኤኮ ፆኦሲም ዻቤያ ማዔቴዔያታ ዔያቶም ኮይሳ ሜቶ ዔኬኔ ጌይሢኬ።5ጋዓንቴ ፆኦሲ ባንሢ ኔ ማዔቴቢያ ባኮ ዳንዳዓ ጎዳ ኔ ሺኢቄቴ6ፒዜ ሃሣ ኔ ጌኤሺ ማዔቴዒዚ ዑኬና ኔናኔኤም ኮይሳ ቤዞ ጊንሣ ማሃንዳኔ።7ዓይፃ ኔኤኮ ዻካ ማሊ ጴዼቴያሴካ ቤርታኣ ናንጋ ኔኤኮ ዑሣ ዓኣዼ ማዓንዳኔ።8«ሂንዳ ቤርታኣ ሾይንቶ ዖኦጬ፤ሃሣ ቤርታኣ ዓዶንሢ ማዼ ጎይፆዋ ዛጌ።9ሌዓ ኑኡኮ ሃጊ ዻካታሢሮ ፔቴ ባኣዚታዎ ኑ ዔሩዋሴ፤ናንጎ ሌዓ ኑኡኮ ሺቢጉዲ ቤዛፓ ዴንዳያኬ።10ዔያታ ኔኤም ዔርዛሢና ኬኤዛሢዔያታ ማሊ ጶቂሤሢፓ ዔኪቱዋዓዳ?11ጎኔና ጫሬ ማዒባኣ ቤሲዳ ማጫሬ ኬስካ?ዋኣሢባኣ ቤሲዳ ሃሣ ፒሌ ኬስኪ ዑጋ?12ያዺ ማዒባኣቶ ዑጊ ጲሺንታንዳሢኮ ቤርታሜሌ ባቃላ ባኮፓ ቢያ ቤርታዺ ሜላኔ።13ፆኦሲ ዋላ ዓሲኮ ቢያ ጋፒንፃ ዒማጉዲኬ፤ሃሣ ፆኦሲ ባኣሴ ጋዓ ዓሶኮ ሃጊ ማዓ ዎዛ ቲቂንታኔ።14ዔያታ ሻንጌ ፓቲሌጉዲ ዱጳ ባኣዚና ጉሙርቂንታኔ፤ሃጋ ማዓ ዎዛ ዔያታ ጌሣ ባኣዚ ዓኣታቴያ ቤዞና ባይቃኔ።15ሻንጎ ፓቲሎይዳ ዔያታ ጌኤቂንቴቴ ዶዲ ዔያታ ዔቃዓኬ፤ዬያ ሻንጎ ፓቲሎ ዔያታ ዓርቄቴ ዱዱጳንዳኔ።»16«ሆኦሪ ዓቢና ኬስኪ ጎሺዳ ዺባሢጉዲፑርታ ዓሲ ዒማዺ ሚርጋኔ።17ፃጳ ዔያቶኮ ኬኤላ ሹቺ ዑስካ ማርታኔ፤ሃሣ ዼኤፖ ሹጮ ዑፃኣ ዓዓርቂንታኔ።18ፔቴ ዓሲ ዓኣ ቤዛፓ ዔያቶ ቱጌቴቤርታ ዓኣ ቤዛ ዔያቶኮ ዔርቱዋሴ።19ጎሞ ዓሶኮ ዎዛ ያዺ ማዓኔ፤ሜሌ ዓሲ ዔያቶ ቤዞ ዔካኔ።»20«ፆኦሲ ኮዦ ዓሶ ኬኤሩዋሴ፤ሃሣ ፑርቶ ዓሶዋ ማኣዱዋሴ።21ዬያሮ ኔኤኒያ ዎዛና ሚኢጫንዳጉዲናዒላሻንዳጉዲያኣ ኔና ማሃንዳኔ።22ኔና ዒፃ ዓሳ ጋዓንቴ ቦርሲንታንዳኔ፤ፑርቶ ዓሶኮዋ ማኣራ ባይቃንዳኔ።»