Iyyoba Maxaafa8gof_ltw

Baldadoosa Haasaya

1Shuha biittafe yida Beldadoosi zaaridi,2“Neeni hessa awude gakanaw odetay?Ne doonape keya qaalay wolqaama gote mela.3Ubbaa Danda7iya Xoossay xillo pirdennee?4Ne nayti Xoossaa bolla nagaraa oothida gisho,I enta enta nagaraa gisho seeris.5Shin neeni Xoossaako simmiko,Ubbaa Danda7iya Xoossaa woossiko,6neeni geeshshinne suure gidiko,I ne gisho dendidi nena maaddana;I kase ne de7uwa zaaridi woytana.7Ne doomethay guutha daanikoka,ne wursethay daro aadhidi darana.8Kase yeletaa ane oycha;nu mayzati ay tamaaridaako pilgada demma.9Nuuni zine nayta aybaka eroko;nu ha sa7an de7iya laythay kuya mela.10Enti nena tamaarseynne new odey,banta wozanan wothidabaape gidenneyee?11Carey bayna bessan palki dolanaw danda7ii?haathi bayna bessan mayrey cil7anaw danda7ii?12Buroo diccidi qanxetonna de7ishe,cil7o maatapeka eeson melees.13Xoossaa dogiya asaa ubbaa wursethay hessa mela;Xoosse eronna asaa ufaysay dhayana.14I ammanetiyabay meqiyaba;I ceeqetiyabayka shango haada mela.15I ba shango haada bolla zempana, shin eqenna;I iya oykana, shin duuxi wodhana.16I awa wode haathe uyidi cil7iya atakilte mela;ba xaphuwa biitta ubban yeddida mitha mela.17Ba xaphuwa keelan yeddees;gita shucha bolla ba xaphuwa xaaxees.18Shin I ba bessaafe shodetiko,he bessay, ‘Ta nena be7abike’ yaagana.19Iita asata ufaysay hessa mela;harati yidi enta bessaa oykana.
20“Xoossay borey bayna asaa yeggi aggenna;iita ootheyisata maaddenna.21I zaaridi nena miichananne ililsana.22Nena ixeysati yeella ma7ana;iitata keethay dhayana” yaagis.
expand_more
Search